týsdagur 13. januar 2004síða 14

Nr. 7 - 13. januar 2004 27 27 26 Nr. 7 - 13. januar 2004 C M Y K 26 Nýggjárshálv- marathon Veðrið var so gott, sum vónast kundi, tá hálvt marathon var runnið um vikuskiftið MARATHON tíðindaskriv Leygardagin skipaði Roysnið fyri fyrstu renni- kappingini í ár, tí sonevnda Nýggjárshálv- marathon, har 23 luttak- arar runnu tann 21 km langa teinin frá vegnum oman til Funningsfjørð og út á Tofta kei. Umstøðurnar góðar Hóast veðurforsøgnin hevði hótt við regni og 13 m/s mótvindi, varð turt og stilli, meðan kapp- ingin var. Góðu líkindini høvdu við sær, at tíðirnar yvirhøvur vóru góðar. Jonhard bestur Í opna bólkinum løgdu tríggir mans seg skjótt á odda, Jonhard Larsen og Guttorm Sørensen úr Treyatinum og Cecil Weihe úr Bragdinum. Komnir nakað longri enn hálvan veg drógu klaksvíkingarnir frá havnamanninum. Og til seinast var kappingin tí ein uppgerð millum Jon- hard og Gutta. Jonhard var stinnastur, tá avtornaði, og vann kappingina við tíðini 1 tíma 18,45 min. Hetta varð persónligt met hjá honum við góðum trim- um minuttum. Gutti gjørdist nummar tvey við tíðini 1 tíma 18,56 min., og Cecil Weihe hevði 1 tíma 19,48 min. á triðja plássinum. Jósvein besti veteranur Í veteranbólkinum, teir eru føddir í 1958 ella fyrr, var nokkso stórur munur mill- um tríggjar teir fremstu. Jósvein Herup Olsen gjørdist nummar eitt við tíðini 1 tíma 28,26 min. Óli Olsen varð numar tvey við 1 tíma 32,11 min. og Steindor Hjaltalin numm- ar trý við tíðini 1 tíma 36,56 min. Teir renna allir fyri Bragdið. Cross Country 14. februar Næsta rennikappingin verður ein sonevnd cross country kapping á Toftum 14. februar. Hetta er fyrstu ferð, skipa verður fyri einari slíkari kapping í Føroyum. VÌF-VB 25-26 (12-11); Spenningur til seinasta bríksl Kvinnuliðini hjá VÍF og VB borðreiddu við einum ordans "gys- ara" í høllini í Vest- manna leygardagin. Liðini fylgdust so at siga allan dystin, og dysturin bleiv ikki avgjørdur fyrr enn í seinastu sekundunum HONDBÓLTUR Terji Nielsen Tað var lagt upp til ein spennandi dyst í høllini í Vestmanna leygardagin, tá bestu kvinnuliðini hjá VÍF og VB hittust. Bæði liðini liggja ovarlaga á stigatalv- uni, og haraftrat er støðan millum júst hesa bæði feløgini rættuliga spent av tí nógv umtala "útlendinga- málinum". VB byrjaði best Tað vóru gestirnir úr Vági, sum byrjaðu dystin best. Tá ið fyrri hálvleikur var nærum hálvrunnin, høvdu vágskvinnur lagt seg á odda 8-4. Men so tók verjan hjá heimaliðnum seg um reiggj, og serliga var tað rumenska Irina Raodvici,ið hevði gott tak á altíð vandamiklu Daivu á vinstra bakki hjá VB. Tað gekk tí heldur ikki long tíð, so hevði VÍF javnað til 8-8, millum annað takkað verið nøkrum góðum skjótálop- um, sum endaðu við, at Nikolina Eyðbjørnsdóttir skoraði fyri heimaliðið. Nógv óneyðug bólttap Nú fóru gestirnir úr Vági undir at mansverja Ioanu Rapa, og hetta tóktist at órógva álopsspælið hjá VÍF rættuliga nógv. Næstu løt- una gjørdu kvinnurnar úr Vestmanna einar fýra til fimm óneyðugar tekniskar feilir, sum tá ið alt kemur til alt kostaðu teimum dýrt. Bóltar blivu mistir út av vøllinum, ella onkrar avlev- eringar vóru so vánaligar, at tær endaðu í beinunum á viðleikarum. Hinvegin kann sigast, at høvdu leikararnir hjá VB verið eitt sindur neyvari í seinnu helvt av fyrra hálv- leiki, høvdu tær óivað havt eina trivaliga hálvleiks- leiðslu, men tær megnaðu einans at skora tríggjar ferðir seinastu 15 minuttir- nar undan steðginum. Her skal tó leggjast afturat, at gekk álopsspælið hjá VÍF ikki gott hesa løtuna, so var verjan sera stinn, eins og Adela í málinum hevði onkrar fínar bjargingar, og tað var hesum fyri at takka, at heimaliðið kundi fara til hálvleiks við einari leiðslu upp á eitt mál, 12-11! Dramatiskur seinni hálvleikur Seinni hálvleikur byrjaði á sama hátt, sum tann fyrri endaði. Liðini skiftust um at hava leiðsluna, og sjáld- an var meira enn tað eina málið á muni. Miðskeiðis í hálvleikinum gjørdi heima- liðið tó ein vørr, og brád- liga var VIF á odda 21-18, og bert tólv minuttir vóru eftir at leika. Hetta tóktist tó ikki at nerva venjaran hjá VB tað stóra, tí hann tók eina time-out, og tríggjar minuttir seinni høvdu gest- irnir javnað til 21-21! Síðani skoraðu liðini upp á skift, VÍF var á odda 22- 21, 23-22 og 24-23, áðrenn VB javnaði til 24.24. VÍF fór aftur í álop, men í hes- um álopinum kom Aukse hjá VB ímillum eina langa avlevering, fór sjálv og legði VB á odda 25-24. Tveir minuttir vóru eftir at leika, og heimaliðið fekk brotskast í sínum næsta álopi. Tað setti liðskiparin, Sóley Mikkelsen trygt í netið til 25-25, og øll høllin var á gosi, bæði vestmenn- ingar og vágbingar, sum vóru eins manssterkir og mælskir sum vestmenning- arnir. Í næsta álopinum hjá VB eydnaðist tað Lailu Jesper- sen at smoyggja sær inn um Ioanu í verjuni hjá VÌF og leggja gestirnar á odda 26- 25. Vestmannakvinnur fóru nú aftur í álop, og hetta álopið endaði við, at Irina á strikuni hjá VÍF bleiv spæld frí, men Asta í málinum hjá VB stórbjargaði, og bert ein minuttur var eftir at leika. VB fór aftur í álop, men hesaferð átti Adela í VÍF- málinum tørn at stórbjarga, tá ið 20 sekund vóru eftir at leika. Sostatt fekk heima- liðið ein seinasta møgu- leika at tryggja sær ein javnleik, men hoppiskotið frá Ioanu trý sekund fyri leiklok fekk Asta í VB-mál- inum jústað út um baklinj- una, og harvið tryggja liði sínum bæði stigini, og frøin var stór á teimum mongu vágbingunum í høllini. VB hevði størri hugflog Í einum so jøvnum dysti, er altíð trupult at meta um, hvørt sigurin var uppiborin ella ikki. Men serliga seinni hálvleikur í dystinum leyg- ardagin vísti, at VB hevði størri hugflog í álopsspæli sínum enn hvat heimaliðið hevði. Til dømis hevði VÍF nærum ongar avsluttingar av vonginum, meðan VB hevði fleiri, sum eisini góvu mál. Haraftrat tóktist tað heldur ongantíð sum um, at fjáltur kom á vágskvinnur, meðan VÍF hevði alt ov lítið tol í álopsspælinum. Hinvegin kann væntandi breiddin í hópinum hjá VB gerast ein vansi seinni í kappingini. Henda vænt- andi breiddin sást einabest leygardagin, tá ið spæl- skiparin, Aukse, fekk ein snudd rættuliga tíðliga í dystinum, men spældi allan at kalla allan dystin, hóast sjónliga plága av snudd- inum. Dysturin í tølum VÍF-VB 25-26 (12-11) Málskjúttar VÍF: Sóley Mikkelsen 6(3), Irini Radovici 6, Nikolina Eyðbjørnsdóttir 4, Ioana Rapa 4(1), Fríða Marjunardóttir 3, Jackin Durhuus 2 VB: Daiva Tuomaite 9(2); Aukse Dysmauskaite 7(1), Gurið Mortensen 5, Laila Jespersen 3, Margreth Augustinussen 1. Brotskøst: VÍF 5, VB 5 Útvísingar: VÍF 3, VB 2 Dómarar: Kári Hansen og Trygvi Mortensen, Tjaldur: Løgdu frá byrjan eina harða linju, og hana hildu teir gjøgnum allan dystin. Komu stak væl frá einari truplari uppgávu. VÍF stóð leingi við stigunum í hondini, men tær fullu at enda, og við fjórða plássinum á stigatalvuni eru FM-vónirnar av álvara farnar at kámast Mynd: Álvur Haraldsen Gulleggið varð av ongum Hondbóltssambandið misti møguleikan fyri fleiri hundrað-túsund krónum í lýsingar- inntøkum, tá Sjón- varpið ikki segði seg hava stundir at pro- ducera dystin HONDBÓLTSPENGAR Jákup Mørk Tá tað fyri nøkrum mánað- um síðani var greitt, at Før- oyar í HM-undankapping- ini í hondbólti vórðu bólk- aðar saman við Noreg, var gleðin um lutakastið stór í Hondbóltssambandinum. Ikki so nógv tí ítróttar- ligu útlitini vóru nakað ser- liga góð. Noreg verður jú roknað millum sterkastu hondbóltstjóðirnar, so Før- oyar skuldu ikki gera sær nakrar vónir um stig her. Men fíggjarliga varð hetta roknað sum sannur gloypi- biti. Norska TV2 hevur seinnu árini varpað allar dystirnar hjá landsliðnum beinleiðis, og tí var stórur møguleiki fyri lýsingarinn- tøkum, sum lógu nakað væl omanfyri tað, sum annars er gjørligt at fáa í kassan her í Føroyum. Sponsorar vilja síggjast Men ætlaða gulleggið varð av ongum. Nýggjárskon- sertin í Norðurlandahúsin- um stóð fyri framman, og saman við valstríðnum við- førdi hetta eftir øllum at døma, at Sjónvarpið ikki segði seg hava møguleika at produsera og varpa dystin. Eivind Jacobsen, formað- ur í HSF, var sum vera man harmur um støðuna, sum var íkomin, og hann duldi ikki fyri, at við hesum hevði hondbólturin í Føroy- um mist ein gyltan inntøku- møguleika. – Tær inntøkur, sum vit sjálvir kunnu skapa okkum í landsliðshøpi eru í ovur- stóran mun tengdar at spon- sorum. Og sponsorar vilja sjálvandi sleppa at verða sæddir. Tann møguleikan missa vit fyri ein stóran part, tá dystirnir ikki verða sjónvarpaðir, sigur hann. Men talan var jú eisini um, at dysturin skuldi vís- ast í Noreg. Hevði tað ikki givið øktar møguleikar fyri lýsingum. – Tað sigur seg sjálvt. Tá vildi tað kanska einamest verið norskar fyritøkur, sum keyptu sær lýsingarplássini, og tá vildi prísurin verið fleiri ferðir tað, sum før- oyskar fyritøkur megna at gjalda, sigur Eivind Jacob- sen, sum tó ikki vil seta tal á, hvussu nógv HSF kundi fingið inn á hendan hátt. Hinvegin tykist hann ikki heilt avvísandi, tá spurt verður, hvørt tað snýr seg um nakrar hundrað-túsund krónur, so tað man ikki vera heilt av leið, um gitt veður, at missurin liggur eitt stað ímillum 200 og 300 tkr. Útreiðslurnar niður Spurdur beinleiðis, um nýggjárskonsertin var or- søkin til vantandi senditíð- ina, vildi formaðurin í HSF ikki gera stórvegis við- merkingar. – Teir (svf, blðm.) søgdu seg hava nógv at gera, og so var hetta altso ikki gjørligt, var einasta, sum formaður- in fekst at siga. Men hvussu er og ikki, so ásannar formaðurin, at Hondbóltssambandið við hesum misti ein gyltan møguleika at skapa sær nakrar inntøkur. – Vit høvdu sjálvandi vónað, at hesin dysturin kundi verða eitt gott ískoyti til raksturin hjá okkum. Men tær inntøkurnar eru so ikki til, og so mugu vit bara finna útav, hvussu vit kunnu skerja útreiðslurnar í aðrar mátar, sigur formað- urin í føroyska Hondbólts- sambandinum at enda. Eftir so spyrjandi hond- bóltsáhugað, sum ikki duga at fata, hví tað ikki var gjør- ligt hjá Sjónvarpinum at senda frá dystunum. Onkur teirra tók til, at hetta neyv- an hevði hent í fótbóltinum, um konsert og valstríð var samstundis, sum Frakland kom á vitjan. Tað er so neyvan nakað at fara skeiv- ur av, men hinvegin vil tað neyvan vera ein dystur, sum Sjónvarpið sjálvt sleppur at framleiða. Formaðurin í Hondbólts- sambandinu- m mátti bara staðfesta, ætl- aðu inntøk- urnar hjá HSF av nor- egsdystinum vórðu av ongum Mynd: Álvur Haraldsen