mikudagur 14. januar 2004síða 3

4 Nr. 8 - 14. januar 2004 Nr. 8 - 14. januar 2004 5 Góðveðrið og vakri grasvøllurin uttan fyri Studentaskúlan í Hoydølum var týsmorgunin karmur um ein óvanligan valfund. Aftaná at upprunaligi ungdómspolitiski valfundurin, sum skuldi vera í samkomuhøllini í skúlanum, brádliga var avlýstur, høvdu fýra ung valevni úr teimum stóru flokk- unum sjálv tikið stig til uttandura fundin UNGDÓMS- POLITISKUR VALFUNDUR Kristian E. Andersen Myndir: Jens Kristian Vang – Sjálvandi spell, at næm- ingarnir missa tveir tímar, men tað er bara stuttligt, at okkurt serligt hendir onkuntíð, sigur ein heldur kløkkur, men vælhýrdur rektari, Mads Winther, tá Sosialurin spyr hann um óvæntaða larmin uttan fyri skrivstovu hansara. Og rætt hevði hann. Løtan var nevnliga stuttlig og serlig. Fýra uppsettir, komandi ris- ar innan føroyskan politik stóðu við mikrofon og fóðr- aðu ein skara av ungum, áhugaðum studentaskúla- næmingum við politiskum slagorðum og vallyftum. Studentaskúlin hevði einki við hetta tiltak at gera. Ungu valevnini høvdu sjálv tikið stig til fundin. Brádliga avlýst Siðvenja hevur seinastu árini verið, at Studentaskúl- in í Hoydølum, dagin áðr- enn løgtingsval, skipar fyri politiskum valfundi, har pallborðið er mannað av teimum ymisku floksfor- monnunum. Og í ár er einki undantak. Tann fundurin verður mánadagin. Ætlanin var eisini, at Samstarvs- nevndin, sum er mannað av fýra næmingum og fýra lærarum úr Studentaskúl- anum, í ár skuldi skipa fyri einum ungdómspoltiskum valfundi í samkomuhøllini á skúlanum, men hesin fundurin varð brádliga av- lýstur. Orsøkin var, at ikki allir politisku flokkarnir luku treytirnar hjá Samstarvsnevndini. – Orsøkin til, at vit av- lýstu ætlaða fundin, var, at tað einans vóru umboðini hjá Fólkaflokkinum og Tjóðveldisflokkinum, sum luku treytir okkara um, at umboðini ikki máttu vera eldri enn 25 ár, sigur Sunnvá Bæk, forkvinna í Samstarvsnevndini. Lært av royndum Orsøkin til, at Samstarvs- nevndin hevur sett markið at vera 25 ár, er læra av royndum. Fyrr hevur verið roynt at skipa fyri líknandi fundum, og tá hevur ójavn- vágur verið í kjakinum, tí ávís umboð hava verið so nógv meira roynd enn onn- ur. – Vit hava lært av roynd- um, og vit vildu ikki hava ein fund, sum líktist ov nógv tí, sum verður mána- dagin. Vit vildu hava ein ungdómspolitiskan valfund við valevnum, sum hava nøkunlunda somu royndir. Tískil setti Samstarvs- nevndin markið at vera 25 ár, og flokkarnir vóru kunn- aðir um hetta í einum skrivi longu í síðstu viku, greiðir rektarin Sosialinum frá. Vælnøgdir Tey fýra ungu valevnini, ið tóku stig til fundin eru Torkil V. Rasmussen úr Fólkaflokkinum, Michael Jensen úr Sambandsflokk- inum, John Johannessen úr Javnaðarflokkinum og Rúni Nielsen úr Tjóðveldis- flokkinum. Kjakið bar brá av teimum vanligu evnun- um, sum eru frammi hjá hesum flokkum. Torkil tos- aði um skattalætta, og um at tað skal loysa seg at ar- beiða. Michael tosaði um loyniliga skattalætta Sam- bandsfloksins. John tosaði um, at fólki og gerandis- dagurin eru týdningarmikl- ari enn ríkisrættarligi spurningurin. Og Rúni tos- aði um týdningin av at halda áfram við sjálv- stýriskósini, sum Tjóðveld- isflokkurin hevur sett út í kortið. Hóast upprunaligi fundurin varð avlýstur vóru fyriskipararnir sera væl nøgdir við fundin – Hatta var ein ordiligur sólskinsfundur. Veðrið var gott. Har vóru nógv fólk. Løtan var stuttlig. Nógvir spurningar vóru settir, og kjakið var gott. Hatta var so gott, sum tað kann vera, sigur ein av komandi risun- um í føroyskum politikki við Sosialin aftaná fundin. Sólskinsfundur í Hoydølum Veðrið var av tí besta, og hýrurin var stak góður uttan fyri Studentaskúlan í Hoydølum týsmorgunin Rektarin var noyddur at gera ungu valevnunum greitt, at talan var um eitt roykfrítt øki C M Y K 5 4