leygardagur 17. januar 2004síða 16

30 Nr. 11 - 17. januar 2004 Nr. 11 - 17. januar 2004 31 Tað er ikki bara á teimum stóru før- oysku og útlendsku tónleikapallunum, at Eivør Pálsdóttir er ein stjørna. Heima í Gøtu er bygdarfólkið errið av gentuni, sum eftir einum ári hevur lagt Ísland fyri sínar føt- ur. Hóskvøldið var stór móttøka fyri Eivør í Gøtu HÁTÍÐARHALD Jonhard Hammer/ Eyðun Klakstein Gøta: Tað vóru dagar í nítiárunum, tá ið bilar plagdu at koyra floytandi ígjøgnum Gøturnar, og rómurin var óførur. Høvi var onkur av gyltu sigrunum hjá fótbóltsliðn- um GÍ, sum í fleiri ár spældi týðandi leiklut í før- oyskum fótbólti. Tað eru nøkur ár síðani. Men meðan GÍ ikki hev- ur klárað at vunnið stórveg- is gull til bygdina í nøkur ár, so kunnu gøtufólk fegn- ast um aðrar stórar hend- ingar. Og hóskvøldið var aftur floytað í bygdini. Tá kom Eivør Pálsdóttir heim úr Íslandi, har hon hevði vunnið tvær tónleika- virðislønir, og í Gøtu høvdu tey tí eina móttøku fyri henni. Tað er serliga á tónleika- økinum, at gøtufólk hava verið framúr seinastu árini, og størsta stjørnan á tí økin- um er uttan iva Eivør Páls- dóttir. Tóku ímóti á flogvøllinum Longu á flogvøllinum í Vágum vóru tey fyrstu fegnu fólkini ímóti Eivør. Familja og vinir høvdu leigað ein buss, og tá ið flogfarið setti seg í Vágum, fekk Eivør eina hjartaliga móttøku. Magni Arge, stjóri í Atlantsflog, handaði Eivør eitt blómutyssi, og tað hev- ur hann áður roynt, tá ið serlig føroysk avrik hava verið á skránni. Í Gøtu var móttøka í Losjuni, og har vóru eini 200 fólk inni á gólvinum. Gøtu kommuna bjóðaði kaffi og køkur, og lagið var gott millum tey mongu fólkini, sum vildu heiðrað Eivør. Leggja verðina undir seg Borgarstjórin í Gøtu helt røðu fyri Eivør, og hon segði millum annað, at gøtufólk vóru errin av henni. – Á ein hátt standa vit so ovfarin av, at ein ung gøtu- genta kann fara til Íslands, verða har yviri í so stutta tíð og gera seg so galdandi, sum tú hevur gjørt. Og tó, so eru vit ikki so ovfarin hóast alt, tí vit, sum hava fylgt tær í nøkur ár, vita, at tað býr ein stór songkvinna í tær, segði Halltóra Rang- hamar. – Tú vanst tíðliga øll hjørtuni í Gøtu við tíni songrødd, skjótt vanst tú hjørtuni í Føroyum, og nú hevur tú vunnið øll hjørtuni í Íslandi. Tú stendur á gátt- ini til at leggja stóru verð undir teg tónleikaliga. Borgarstjórin handaði Eivør ein kekk sum gávu frá kommununi og gøtu- fólkum annars. Avirkað nakað stórt Stjórin í Kaupthing Føroyar slapp eisini fram at mikro- fonini, og hann greiddi frá, at tá ið Kauphting kom til Føroya, gjørdu tey av, at tey skuldu lata einum føroysk- um listarfólki eini peninga- gávu. Tað gjørdist Eivør Páls- dóttir, sum fekk tær hálvt- hundraðtúsund krónurnar frá Kaupthing, og tað helt Petur Holm var eitt gott val. – Tú hevur avrikað nakað stórt, og tí eru vit fegin um at kunna stuðla tær einaferð afturat, segði hann og gav Eivør ein kekk. Tá ið Eivør skuldi takka fyri góðu ynskini, helt hon fyri, at hon dugdi ikki at tosa soleiðis til fólk. – Tað bilar einki, um tú ikki dugir at snakka. Tú dugir at syngja, var onkur skjótur at svara. Breyt samrøðuna av Eivør ætlaði sær ikki at fara til Íslands, tá ið tónleika- virðislønirnar vóru lætnar mikukvøldið, men tónleik- ararnir í bólki hennara meira ella minni noyddu hana yvir – og tað skuldi vísa seg at vera eitt gott hugskot. Familjan var eftir í Før- oyum, og tey fylgdu hand- anini yvir internetið, og frammanfyri einum lítlum telduskíggja á einum kam- ari í Gøtu upplivdu tey stóru løtuna úr Íslandi. Tá ið Eivør vann fyrstu virðislønina, ringdi familj- an yvir at gratulera hana, men alt í einum breyt Eivør bara samrøðuna av. Tað skiltu tey einki av. Men tey vóru fegin, tá ið tað gekk upp fyri teimum, at Eivør júst hevði vunnið eina virð- isløn afturat! Og hóskvøldið var tað sjón fyri søgn, at Eivør er ikki bara stjørnan hjá før- oyingum ella íslendingum. Hon er eisini ein ung bygdagentan úr Gøtu. Eivør er eisini hejta í Gøtu Størsta blaðið í Ís- landi heldur, at Eivør var stóra stjørnan, tá ið íslendsku tón- leikavirðislønirar vóru lætnar í vikuni TÓNLEIKUR Eyðun Klakstein Tað er ikki bara í Føroy- um, at fjølmiðlarnir gera nógv burtur úr, at Eivør Pálsdóttir mikukvøldi vann tvær íslendskar tón- leikavirðislønir. Eisini í Íslandi er Eivør í yvirskriftunum, og størsta blaðið, Morgunblaðið, skrivar við feitum stavum, at »Eivør var stjørnan kvøldsins stjørna. Eitt av hinum stóru bløðunum, DV, skrivar, at tvær ungar kvinnur vóru stóru vinnararnir. Um- framt Eivør sipar blaðið til Ragnheiður Grøndal, sum fekk heðurin sum Ársins stjørnuskot í 2003. Óvæntað Eivør Pálsdóttir var sera fegin um heiðurin, hon fekk í Íslandi. – Eg hevði ikki roknað við, at íslendingar fóru at lata einum føroyingi tvær slíkar virðislønir, sigur hon. Tað er Samtónn, sum stendur fyri »Íslensku tón- listarverðlaunin«. Sam- tónn er eitt samtak av ølll- um tónleikarafeløgum, plátufeløgum og kompon- istum í Íslandi. Tá ið vinnararnir skulu finnast, verður atkvøtt á tveir hættir. 12 serliga valdir dómarar hava 60% av atkvøðunum, og síðani hava 1000 aðrir persónar í einum størri forum 40% av atkvøðunum. Tvær av fýra »Íslenska tónlistarverðla- unin« í popp/rock partin- um er í sjey pørtum. Tað vil siga, at sjey ymiskar virðislønir verða lætnar. Tað besta í árinum sum sangur, fløga, mannligur sangari, kvinnligur sang- ari, framførari, sjónbanda- lag og stjørnuskot. Í grundini verður bragd- ið hjá Eivør bara størri av, at hon ikki kundi verða innstillað til allar virðis- lønirnar. Hon hevur einki sjónbandalag gjørt, hon er av góðum grundum ikki mannligur sangari, og hon kundi ikki gerast stjørnu- skot, tí hon hevur verið frammi síðani 2002. Tí var hon innstillað til tríggjar av fýra møgulig- um virðislønum og fór avstað við tveimum teirra. Eivør í miðdeplinum Magni Arge, stjóri í Atlantic Airways, handaði Eivør Pálsdóttir blómutyssi, tá hon kom til Føroyar hósdagin Mynd Jens Kristian Vang Ein bussur av gøtufólki var farin vestur til Vágar at taka ímóti Eivør Mynd: Jens Kristian Vang Stjórin í Kaupthing Petur Holm, handaði Eivør Pálsdóttir ein kekk Mynd: Jonhard Hammer Ein stoltur pápi, Páll Jacobsen, tók ímóti Eivør hóskvøldið vesturi í Vágum Mynd: Jens Kristian Vang C M Y K 31 30