fríggjadagur 23. januar 2004síða 10

Nr. 15 - 23. januar 2004 19 Talan var ikki um tað poleraða hondbólts- spælið, tá ið Kyndil og H71 hittust í fyrru hálvfinaluni í steypa- kappingini hjá monn- um mikukvøldið. Hinvegin var talan um ein ordans mann- fólkadyst, har tað til tíðir kókaði yvir COCA-COLA KAPPINGIN Terji Nielsen Mansliðið hjá Kyndli liggur væl fyri í landskappingini, nú farið verður undir endaspælið. Liðið vann greitt grundspælið og tapti bert tann eina dystin, sum var ímóti hoyvíkingum. At tað ikki var av tilvild, prógvaðu hoyvíkingar í høllini á Hálsi miku- kvøldið. Teir vunnu ein sannførandi sigur, 35 –28, og tað var ikki eitt mál ov nógv! Jakob mansvardur allan dystin Longu frá fyrsta bríksli í dystinum fór H71 undir at mansverja spælskiparan hjá Kyndli, Jakob Jónsson. Hetta tóktist ikki at heima- liðið tað stóra, tí at fleiri av hinum leikarunum hjá Kyndli tóku ábyrgd, eina- mest Høgni Klein. Dysturin var hart spældur longu frá fyrsta bríksli, og dómararnir báðir høvdu úr at gera við at hava gula kortið uppi úr skjúrtu- lummanum. Kyndil hevði munin á hoyvíkingum fyrstu løtuna, og hevði tað ikki verið fyri Levi Nybo í málinum hjá H71, kundu kyndlamenn møguliga havt lagt seg av- gerandi á odda longu tíðliga í dystinum. Hoyvík- ingar, ið leiktu við Jákupi á Borg sum spælskipara, høvdu trupulleikar við at finna stevið fyrstu løtuna, og tá ið fyrri hálvleikur var um at verða hálvrunnin, gjørdust vónirnar enn dapr- ari. Gerster sá reytt Góðir 14 minuttir vóru leiktir av fyrra hálvleiki, tá ið Kyndil fer í álop. Ken Zachariassen roynir seg, men fær ikki mál. Hoyvík- ingar ætla sær í skjótt mót- álop, men leikandi venjarin hjá H71, danin Henrik Gerster, var dottin inn í málteigin, tá hann skuldi verja fyri Ken. Tá hann skal reisa seg skjótt upp, forðar Ken honum í hesum. Hetta fekk øði í danan, sum langaði albogan í andlitið á kyndlamanninum. Dómar- arnir vóru eirindaleysir – reytt kort til Gerster og tveir minuttir til Ken Zachariassen. Hoyvíkingar vóru alt annað enn fegnir um av- gerðina, men hon var uttan iva røtt. Dysturin gjørdist nú rættuliga ljótur, og minni enn ein minutt eftir áðurnevndu hending, noyddust dómararnir báðir at taka liðformenninar til síðis og biðja teir sissa sín- ar menn, áðrenn tað endaði heilt galið. Óskipað kyndlalið Eftir at Henrik Gerster hevði fingið reyða kortið, væntaðu tey flestu óivað, at nú var slóðað fyri einum løttum sigri til oddaliðið Kyndil, men so var ikki. Tað tóktist heldur sum um, at hoyvíkingar fingu eina eyka portión av stríðs- vilja. Teir bardust sum úlvar á skóg í verjuni, og í álopspartinum vóru teir munandi effektivari enn teir grønu kyndlamenninir. Spakuliga nærkaðist H71 aftur Kyndli, og hóast teir einaferð vóru tveir mans færri í tveir minuttir, so eydnaðist tað hoyvíkingum at fáa havnarliðið aftur, og áðrenn farið var til hálv- leiks, høvdu gestirnar enntá megnað at lagt seg á odda við tveimum málum1 Tað var heilt týðuligt, at kontanta verjan hjá hoyvík- ingum tók pippið frá Kynd- ilsmonnum, og álopsspælið hjá teimum gjørdist ógvu- liga óskipað og ineffektivt. Stutt fyri steðgin sendu hoyvíkingar nýggja spæl- aran Eyðun Jensen á vøllin. Eyðun spældi í nógv ár í Neistanum, men seinastu mongu árini hevur hann verið búsitandi uttanlanda. Beinan vegin at hann var komin inn, skeyt Eyðun tvey góð mál, eftir at hann meira ella minni hevði hildið kyndilsverjuni fyri gjøldur. Eisini kom Johnny Durhuus á vøllin fyri Olaf Vestergaard hjá H71, tí tann seinast nevndi hevði fingið tvær útvísingar. Hetta vísti seg at verða ein skilagóð avgerð, tí Johnny gjørdi av álvara vart við seg í dyst- inum. Levi tók sjálvsálitið frá kyndlamonnum Seinni hálvleikur helt fram, har sum tann fyrri endaði. Hoyvíkingar stríddust sum úlvar, og heimaliðið tóktist fjáltursstungið. Leikararnir hjá Kyndli høvdu nógvar feilavleveringar, og tá ið teir royndu seg við skotum upp á mál, var oftast talan um panikloysnir. Hinvegin kann heldur ikki sigast, at hoyvíkingar borðreiddu við flottum hondbólti, men teir vóru munandi effektivari enn teir grønu. Tað eydnaðist eisini hoyvíkingum ferð aftaná ferð í seinna hálvleiki at spæla Johnny Durhuus leysan á strikuni, og hann skeyt ikki færri enn sjey mál eftir steðgin. Somuleiðis hevði H71 í málinum ein sera væl upp- lagdan Levi Nybo, sum við einari røð av bjargingum tók alt sjálvsálitið frá álopsleikarunum hjá Kyndli. So hvørt sum seinni hálv- leikur leið, skramblaði kyndlaliðið bara meira og meira saman. Í einari roynd at fáa vent gongdini, sendu teir frá byrjan í seinna hálvleiki liðskiparan, Hans Áka Dal-Christiansen, inn av bonkinum, har hann hevði sitið allan dystin or- saka av skaða í øksluni, men heldur ikki hetta hjálpti stórvegis. Hans Áki var næstan bara við í verjupartinum, og hóast hann er ein av okkara stinn- astu verjuspælarum, var tað ikki nóg mikið til at tetta stóru lekarnar í kyndils- verjuni. H71 annað beinið í finaluni Hoyvíkingar bara øktu um leiðsluna, og tá ið dysturin var liðugur, høvdu teir vunnið ein ruddiligan sjey- máls sigur, 35-28. Sigurin var als ikki ov stórur, tí hoyvíkingar vóru teir betru gjøgnum allan dystin, og teir stríddust fyri hvørjum øðrum allan dystin á tamb. Onkur vil kanska verða við, at teir spæla heldur ófanta- ligt, men teir spæla ikki nógv harðari enn teir fáa loyvi til. Um Kyndil skal gera sær nakrar vónir um at endur- vinna steypakappingina hjá monnum, skulu aðrir bollar á súpanina. Avrikið miku- kvøldið í høllini á Hálsi var alt annað enn sannførandi, og tað var vert at leggja til merkis, hvussu friðarlig verjan hjá oddaliðnum var. Eisini kann staðfestast, at tað tóktist ógvuliga trupult hjá Kyndli at fáa nakað skipað álopsspæl, tá ið Jakob Jónsson bleiv mans- vardur. Kyndil-H71 28-35 (15-17) Støður í dystinum 10 min: 5-3 20 min: 13-11 40 min: 19-22 50 min: 23-28 Málskjúttar Kyndil: Høgni Klein 8(2), Janus Einar Sørensen 5, Jakob Jónsson 4, Josef Abrahamsen 4, Finnur Hansson 3, Ken Zacharias- sen 2, Hjalti M. Jacobsen 1, Hans Áki Dal-Christiansen 1 H71: Johnny Durhuus 8, Halgir Dahl-Olesen 6, Kristian Eli Zachariassen 4, Jákup á Borg 3, Heini Bentsen 3, Eyðun Jensen 3, Niels V. Niclasen 3, Henrik Gerster 2(1), Olaf Vester- gaard 2, Tróndur Vatnham- ar 1 Brotskøst: Kyndil 2(2) H71 2(1) Útvísingar: Kyndil 6 H71 6 Burturvísing: H71 1 (Hen- rik Gerster) Dómarar: Kristian Johan- sen og Sàmal Hansen – komu væl frá einari truplari uppgávu Kyndil-H71 28-35 (15-17): Stríðs- viljin hjá hoyvík- ingum sigraði Hóast Henrik Gerster varð rikin av vølli longu eftir fyrsta korterið, so megnaðu hoyvíkingar at stríða seg til ein sannførandi sigur á oddaliðnum 19 Nr. 14 • fríggjadagur • 23. januar 2004 • 78. árgangur • www.sosialurin.fo Tað vóru botnur og toppur í bestu kvinnudeildini, sum hittust í høllini á Hálsi í fyrru hálv- finaluni í steypakapp- ingini. Í fyrra hálv- leiki sást eingin munur á liðunum, men eftir steðgin vísti Stjørnan hví tær eru oddalið og Kyndil botnlið COCA-COLA KAPPINGIN Terji Nielsen Undan fyrru hálvfinaluni millum Kyndil og Stjørnina í steypakappingini hjá kvinnum, væntaðu tey flestu óivað, at talan bert var um ein avgreiðslusigur til oddaliðið úr Klaksvík. Heilt so lætt bleiv tað tó ikki. Lág leikferð Tað tóktist beinan vegin sum um, at taktikkurin hjá heimaliðnum var at halda eini lágari leikferð í dystin- um. Tað eydnaðist teimum eisini væl í fyrra hálvleiki, har Kyndil tríggjar ferðir var á odda við trimum mál- um. Klaksvíkskvinnurnar gjørdu nógvar óneyðugar feilir í álopsspælinum, og tá ið so Fríða Petersen í kyndlamálinum samstundis stóð ein sera góðan fyrra hálvleik, sá tað bara heilt gott út hjá teimum grønu úr Havn. Ferð aftaná ferð bjargaði Fríða skotroyndum frá púra leysum stjørnu- leikarum. Heilt fram fýra minuttir fyri hálvleik, var Kyndil á odda við trimum málum, men so gjørdi Stjørnan ein vørr við millum annað nøkrum góðum skjótáopum og skoraði tríggjar ferðir á rað. Tískil stóð á jøvnum 10-10, tá ið farið var til hálvleiks. Ferðin øktist og Stjørnan økti Tað var einki at taka feil av, at venjarin hjá Stjørnuni, Svein Rógvi Nielsen, hevði tosað við stórum bókstav- um í hálvleikinum. Odda- liðið úr Klaksvík var sum hamskift, og tað var skjótt, so høvdu tær lagt seg av- gerandi á odda. Tá ið tíggju minuttir vóru leiktir av seinna hálvleiki, hevði Stjørnan lagt seg á odda við seks málum 18-12. Venjar- in hjá Kyndli, Allan Bait, valdi annars at byrja við einari sera offensivari 3-3 verju í seinna hálvleiki, men tað gingu bert fimm sekund, áðrenn Stjørnan skoraði, og so var tann tak- tikkurin sleptur! Orsøkin til at Stjørnan so skjótt hevði lagt sjógv millum seg og Kyndil, var fyrst og fremst tann, at oddaliðið setti ferð á spælið hjá sær. Tann økta leikferð- in var ein ov stórur gloypi- biti hjá unga kyndlaliðnum, og tað tóktist sum um at gassið fór úr ballónini hjá teimum grønu. Tað hjálpti heldur ikki um støðuna hjá heimalið- num, at tað at kalla allan seinna hálvleik vóru teir somu spælararnir, ið vóru á vøllinum. Orkan gekk und- an, men tær fingu onga hvíld á bonkinum, hóast fleiri eykaleikarar vóru. Tískil øktu gestirnir úr Klaksvík støðugt um leiðsl- una, og tá ið dómararnir bríkslaðu dystin av, hevði Stjørnan vunnið við tíggju málum, 30-20. Kyndil ger onki við Stjørnuna í Klaksvík Munurin millum liðini bæði var sera sjónligur í seinna hálvleiki. Hjá Kyndli vóru tað næstan bara bakspælararnir, ið skoraðu, og liðið hevði at kalla onki vong- og striku- spæl. Tiskil gjørdist tað lætt hjá verjuni hjá klaksvíks- kvinnum at byrgja fyri. Hinvegin hevði Stjørnan nógv fleiri streingir at spæla uppá. Málini hjá teimum blivu skorað av vonginum, av strikuni ella við langskoti. Somuleiðis fekk Stjørnan fleiri mál eftir skjótálop í seinna hálvleiki. Tað er tí lítið at ivast í, at Stjørnan verður annað liðið í steypafinaluni hjá kvinn- um, tí Kyndil ger onki við Stjørnuna í Klaksvík! Kyndil-Stjørnan 20-30 (10-10) støður í dystinum 10 min: 3-3 20 min: 8-6 40 min: 12-17 50 min: 16-24 Kyndil: Annika Thomsen 6(1), Randi Wardum 6, Anja Heinadóttir 3, Hildur Mikkelsen 2, Linda Weihe 2, Súsanna Petersen 1 Stjørnan: Annika Ljósstein 8(4), Alina Olaru 6(1), Una Olsen 6, Anna Kristina Samson 4, Katarina Stsepanov 3, Bára Skaale Klakkstein 1, Súsanna Ja- cobsen 1, Durita Ljósstein 1(1) Brotskøst: Kyndil 1(1) Stjørnan 8(6) Útvísingar: Kyndil 2 Dómarar: Eyðun Samuel- sen og Hannis Wardum: Komu væl frá einari yvir- komiligari uppgávu, hóast onkur klaksvíkingur á áskoðaraplássunum hevði hug at geva teimum skyld- ina fyri vánaligu gongdina hjá Stjørnuni í fyrra hálvleiki. Kyndil-Stjørnan 20-30 (10-10): Ein hálvleikur var nóg mikið hjá Stjørnuni Kyndil royndi at stríðast, men tá Stjørnan í seinna hálveiki setti leikferðina upp, var lítið hjá teimum grønu at gera C M Y K 18