leygardagur 24. januar 2004síða 3

Starvsvenjing - ein góður møguleiki Sekstan ára gamli Bárður Jacobsen úr Skálafirði fór í starvs- venjing á teldufyri- tøkuni Formula, tí hann helt, at teldur og hann hóskaðu væl saman STARVSVENJING Malan Petersen & Kirstin Johansen Bárður Jacobsen úr Skála- firði er í stavsvenjing á Formula í Havn, har tey selja og ummvæla teldur. Bárður hevur áhuga fyri teldum og tí tekniska, so hann helt, at tað var upplagt at fara á eitt slíkt stað sum Formula. Bárður sigur, at honum dámar væl á Formula, men hann hevur funnið útav, at hetta ikki er hansara framtíðararbeiði. – Hetta er ikki heilt, sum eg helt tað fór at vera. Tað er ikki so torført, ein skal bara seta seg inn í tingini, so gongur tað, tað er eisini eitt pluss, at ein veit eitt sindur um tað, sum ein fer í holt við. Mær dámar væl, men hetta er eitt sindur óintresant. – Eg eri eg sera glaður fyri, at eg fekk møguleikan at fara í starvsvenjing her, tí nú veit eg, hvussu tað er, og eg havi, í góðari tíð, funnið útav, at hetta er ikki tað, eg vil gera í framtíðini. Tað er sera gott, at næm- ingar í framhaldsdeildini fáa hendan møguleika, tí tað er nú, vit skulu finna út- av, hvat vit vilja í framtíðini. Bárður leggur aftrat, at skúlarnir skuldu hugsa meira um framtíðina hjá teimum ungu. – Vit skulu sjálvandi eisini læra um Naploeon, Hitler og roknistykkir, men tað er ikki alt. Tíðirnar broytast, og tøkni tekur seg alt meir fram, og tíðskil mugu vit eisini fokusera uppá tað. Her situr Bárður við eini teldu, sum skal umvælast SANGLEIKUR Tíðindaskriv Í hesum døgum ljóma tón- leikastovan og samkomu- høllin í Føroya Studenta- skúla og HF-skeiði aftur av tónunum frá venjandi næm- ingum. Síðani sangleikurin "Skeyk" var framførdur fyri nøkrum árum síðani er tað eftirhondini nærum vorðin siður, at Studentaskúlin í Hoydølum tekur stig til tílíkar stórar sangleikir. Seinast var tað "Godspell" og hesa ferð er tað leikurin "Joseph and The Amazing Technicolor Dreamcoat", tey hava sett á breddan. Tað er eingin minni enn Andrew Lloyd Webber, ið hevur skrivað tónleikin, meðan Tim Rice hevur skrivað orðini. Hetta var fyrsti leikurin hjá monnunum, ið nøkur ár seinni m.a. skriv- aðu heimskendu og fagnaðu sangleikirnar "Jesus Christ Superstar" og "Evita". Hó- ast vit møguliga kenna hesar báðar seinast nevndu sangleikirnar betri enn "Jos- eph..." er hetta ikki nakar ókendur leikur. Tvørturí- móti hevur hann verið spældur óteljandi ferðir síðani hann var fyrstu ferð framførdur í 1968. Tá vardi hann bert 15 minuttir, men seinni var hann longdur fyrst til 40 og síðani til 90 minuttir. Sangleikurin, sum í týðingini hjá Anna Kristin Bæk og Dániali Hoydal eitur "Jósef og ótrúliga lit- fagra dreymakotið" er bíb- ilskur og snýr seg um Jósef, sum av brøðrunum verður seldur til Egyptalands. Søgugongdin verður lýst við sangum, ið fylgja Jósefi frá trælatilveruni til hovið hjá Fárao í Egyptalandi, har hann við dreymatýðing sín- ari vinnur álit Fáraos og síð- ani fær høvið til at bjarga og at fyrigeva brøðrunum. Felagið Tónaungdómur stendur fyri tiltakinum. At seta ein slíkan sangleik upp er eyðvitað eitt megnartak, ið krevur nógv fólk og ikki minni av fyrireiking. Um- framt Tónaungdóm og Studentaskúlan í Hoydølum eru, m.a. Tórshavnar mus- ikkskúli, Tórshavnar Kvøld & Ungdómsskúli og Norð- urlandahúsið við í tiltakin- um. Tað er fyri tað mesta næmingar, ið luttaka, men í summum førum er neyðugt at fáa hjálp uttanifrá, t.d. í sambandi við barnakórið, sum skal vera við. Umframt barnakórið luttaka 10 dans- arar, 20 leikarar, 20 kór- sangarar og 15 tónleikarar í hesi megnarverkætlanini. Jákup Veyhe hevur átikið sær at leikstjórna leikin, framleiðslustjóri er Herleif Hammer meðan Hans Oliv- ur Joensen tekur sær av samskipan. Føroya Banki er høvuðsstuðul til tiltakið. Ein heimasíða er í gerð www.hoydalar.fo/josef, har tú kanst fáa fatur á tíðind- um og upplýsingum yvir- høvur um sangleikin. Ætl- anin er eisini at hava tilfar á heimasíðuni, ið kann nýtast til undirvísingartilfar í t.d. kristni, tónleiki, enskum og føroyskum. Søgugongdin fylgir Bíbliusøguni, men málið er frískari og lættari sum t.d. tá teir øvundsjúku brøðurnir leggja saman ráð: "Boðini í dreymunum eru týðilig og greið:/ at vit ikki kunnu kalla Jósef lítlabeiggja meir./ Um hann nú verður høgt á strá, vit duga ei at spá. / Men eitt er vist, og tað er tað, at Jósef hvørva má!/". Tónleikaliga er leikurin eisini av tí lætt- ara slagnum við fangandi, sangbærum løgum. Tað er sermerkt fyri henda leikin, at hann inniheldur fleiri ymisk tónleikasløg. Her er alt í millum himmal og jørð frá reinum poppi til rock&roll og víðari til kalypso. "Jósef og ótrúliga litfagra dreymakotið" verð- ur framførdur í Norður- landahúsinum í døgunum 8. til 12 mars, so nú er tíð at gleða seg til enn eina spennandi tónleikahending í Føroyum. Webber í Norður- landahúsinum 4 Nr. 16 - 24. januar 2004 Nr. 16 - 24. januar 2004 5 Mentanarhúsið í Fuglafirði skipar leygarkvøldið fyri tónleikacafé. Hetta verður tað fyrsta av slíkum tiltøkum, sum verða afturvendandi næstu tíðina TÓNLEIKUR Eyðun Klakstein Mentanarhúsið í Fuglafirði hevur hýst nógvum stórum og spennandi tónleikatil- tøkum, síðani tað læt upp, men nýggi leiðarin í húsin- um ætlar, at pláss eisini skal verða fyri minni og meira intimum tiltøkum í húsinum eisini. Leygarkvøldið verður eitt tiltak, sum kanska kann koma undir hendan táttin. Tá verður nevniliga tón- leikacafé í Mentanarhúsin- um, og ymiskir tónleikarar fara at syngja og spæla sínar egnu sangir. Fleiri slík tiltøk verða frameftir. – Hetta verður gjørt, tí at hópin av dugnaligum tón- leikarum sita kring alt landið og hava trupult við at fáa høvi at framføra sín tónleik fyri eini fjøld av tónleikaáhugaðum. Sam- stundus sakna tey mongu, ið hava stóran áhuga fyri tónleiki, júst hetta slagið av konsertum, sigur Sólarn Solmunde, leiðari fyri Mentanarhúsið. Seta ferð á menning Ætlanin við nýggja átak- inum hjá Mentanarhúsinum er at geva fólki møguleikan at koma saman at hugna sær við góðum tónleiki. Og tónleikurin skal vera í miðdeplinum. – Vit meta tað vera sera umráðandi at seta ferð á menningina av føroyskum tónleikarum, soleiðis at Føroyar í framtíðini kunnu hava gagn av tónleiki sum útflutningsvinna, og fleiri tónleikarar kunnu fylgja í fótasporunum hjá eitt nú Teitur, Eivør og Týr, ið eru við til at seta Føroyar á heimskortið, sigur Sólarn Solmunde. Fyrsta tiltakið av hesum slagi verður leygarkvøldið frá klokkan 20. Opið verð- ur líka til kl. 04.00 sunnu- náttina. – Eg hati leysar endar, sum listarfólk kanska hava lættari at liva við, sigur Annlis Bjark- hamar, sum næstu mánaðirnar fer at brúka frítíð sína til at samskipa stóra tónleikafestivalin í Gøtu TÓNLEIKUR Eyðun Klakstein Fyrrverandi landsstýris- maðurin við mentamálum, Annlis Bjarkhamar, hevur tikið eina øðrvísi og stóra uppgávu á seg í hesum árinum. Hon skal samskipa stóra tónleikatiltakið G! festival- inum, sum verður hildin í Gøtu á triðja sinni í juli mánaði. – Eg eri komin at kenna tónleikaumhvørvi í Gøtu gjøgnum Free Føroyar til- tøkini, sum eg var við til at skipa fyri, og gjøgnum G! festivalin í fjør, tá ið eg hjálpti til, sigur Annlis Bjarkhamar. Í fjør kom hon upp í leik- in stutt áðrenn festivalin at hjálpa til við vaktarhaldin- um, men hesaferð er tað hon, sum skal seta fólk hava ábyrgdina av teimum ymsu økjunum. – Eg veit, at hetta er ein sera stór uppgáva, men eg eri spent upp á hana, og fyri meg er endaliga úrslitið fyrst og fremst lønin fyri stríðið, sigur Annlis Bjark- hamar. Betri fyrisiting Starvið sum samskipari á G! festivalinum er ikki full- tíðarstarv. Tað eru fíggjar- ligu umstøðurnar ikki til. – Tí fari eg at brúka meginpartin av frítíðini hjá mær næstu mánaðirnar til at skipa fyri, sigur Annlis Bjarkhamar. Hon skal millum annað finna fólk at standa fyri øllum teimum ymsu upp- gávunum, sum eru á einum slíkum festivali. Uppgávur- nar eru nógvar, og eingin kann røkja allar. – Tað er umráðandi at fáa góð fólk at taka sær av teimum ymsu uppgávun- um. Tað ræður um at fáa nógv fólk við, so tað verður lættari at skipa fyri. – Hetta verður strævið, men eisini sera spennandi, og tað er meira av idealist- iskum orsøkum enn pen- ingaligum, at eg geri hetta, sigur Annlis Bjarkhamar. Eingir leysar endar Hon ætlar sær at gera eina meira skipaða fyrisiting av festivalinum, og einki verð- ur latið tilvildini at ráða yvir. – Eg hati leysar endar, sum listarfólk kanska hava lættari at liva við, sigur hon avgjørd. G! festivalurin verður hildin í døgunum frá 16. til 18. juli, og arbeitt verður støðugt við at finna tón- leikanøvn, sum skulu verða við. Enn er einki navn al- mannakunngjørt, men for- maðurin í Grót segði við blaðið í gjár, at arbeitt verð- ur við bæði útlendskum og føroyskum nøvnum. – Eg hati leysar endar – Eg veit, at hetta er ein sera stór uppgáva, men eg eri spent upp á hana, og fyri meg er endaliga úrslitið fyrst og fremst lønin fyri stríðið, sigur Annlis Bjarkhamar Tónleikacafé skal seta ferð á menningina C M Y K 5 4