mikudagur 25. mai 2011síða 9

9 Mikudagur 25. mai 2011 · Nr. 60 Sosialurin Leo Poulsen Tað gongur eftir ætlan við Boðanesheiminum. Formarnir til fyrstu lon­ irnar eru settir upp, og alt útgravingar- og jørð­ arbeiðið er liðugt. Sáttmálin varð undir­ skriv­aður í de­semb­er, og síðani er pro­jek­terings­ arbeiðið gjørt liðugt, eins og fyrireikingararbeiðið er fingið frá hondini. Hátíðarhald í sam­ bandi við at spakin varð settur í varð hild­ið 14. desember, og síð­ani hevur verið ar­beitt við at grava út og fáa jørð­ arbeiðið frá hondini. – Vit eru knappliga 20 mans á arbeiðsøkinum umframt nakrar aftr­ at, sum hava við pro­ jek­teringina at gera. Van­liga arbeiða vit 8-10 tímar um dagin, so tað er full vika og meira aftrat, sigur Eyðun Peter­sen, projektleiðari hjá Articon. Hann sigur, at teir ikki hava mist dagar or­ sakað av veðrinum. – Tað hevur verið ill­ fýsið til tíðir, men tað er ikki nakað, sum hevur darva okkum. Vit hava funnið út av, at plássið er ógvuliga veðurgott, so í tann máta hevur valið av staðið verið heppið, sigur Eyðun Petersen. Tíðarætlanin hevur hildið higartil. – Vit hava loypandi samskifti við projek­ter­ ingsleiðararnar og við byggiharran, sum er Tórs­havnar kommuna, sigur Eyðun Petersen. Sum nevnt heldur tíðar­ætlanin higartil, og gongur framhaldandi sum ætlað, standa bú­ eindirnar innilokaðar á nýggjárinum. Boðanesheimið, ið fer at geva rúm fyri 64 búfólkum, skal handast Tórshavnar kommunu í oktober komandi ár. Leo Poulsen Hættirnir eru fleiri fyri at sleppa undan at sita í fongsli. Mánadagin tók ein ung­ ur maður við 30 tíma sam­ felagstænastu fyri dýrandi fullur at hava koyrt ein bil á sjógv. Málið hevur verið fyri í rættinum áður, men tá tað barst nøkrum vitnum frá at møta, varð sakin tikin upp aftur mánadagin. Sambært ákæruritinum høvdu tveir ungir dreingir koyrt bil eina leygarnátt í apríl 2009, ein biltúrur sum endaði við, at teir rendu bilin til sjós. Ungi maðurin, ið var ákærdur fyri at hava ført bilin, noktaði seg sekan við teirri grundgeving, at hann ikki mintist aftur til hendingina. Vinmaður hansara sat so í vitnisstólinum mánadagin. Hesin vinmaðurin greiddi frá, at hann var far­ in til ákærda, og teir høvdu ballast. Einaferð um hálv­ gum trítíðina var hann dottin av, men varð vaktur av løgregluni, sum stóð uppi yvir honum. Vitnið greiddi síð­ani frá, at hann varð avhoyrdur av løgregluni, men segði, at teir so avgjørt ikki høvdu verið úti og koyrt bil. Ákærin trúði so lítið upp á vitnisfrágreiðingina, at hon fleiri ferðir mátti minna vitnið á, at hann var undir vitnisábyrgd, og at lúgva í rættinum kostar 60 dagar treytaleysa fongsulsrevsing. So vís var Lene Christen­ sen í sínum máli, at hon beinleiðis spurdi vitnið, hví hann leyg. Ein spurningur, sum fekk dómaran at tala at. Broytti meining Síðani førdi ákæruvaldið eitt vitnið, sum hevði sæð teir báðar koyra bil hesa náttina. Ein ung kvinna greiddi í smálutum frá, at bilurin sløraði eftir vegnum, rendi á ein garð, og tá teir báðir komu úr bilinum vóru teir so fullir, at annar datt, meðan hin mátti stiðja seg móti bilinum, fyri ikki at fara sama veg. So hendi tað óvanliga, at dómarin fór út um at tosa við fyrra vitnið, og júst hvat varð sagt er ikki til at vita, men tá dómarin kom inn aftur, ynskti vitnið at broyta frágreiðing. Hann segði nú, at hann so at siga einki mintist frá deg­ num og hendingini, men tá unga kvinnan segði seg hava sæð hann og vinmannin í bil­ inum, so var tað einki, sum hann mintist, men kundi held­ ur ikki siga nakað ímóti tí. Ákæruvaldið fráfall eina ákæru um falska vitnis­frá­ greiðing, og dómarin gjørdi síðani av, at ungi maðurin, sum hevði koyrt bilin, varð dømdur 20 daga treytaðan fongsulsdóm. Treytin fyri ikki at fara inn at sita, var – sum framman undan av­ talað millum ákæra og verja – samfelagstænasta í 30 tím­ ar. Umframt hetta fekk mað­ urin eina bót, ið svarar til nettoløn í ein mánað, í hesum førinum 1.500 krónur, eftir sum ungi maðurin gongur í skúla og tí bert fær stuðul. Endaliga er maðurin dømdur at missa koyrikortið í tvey og eitt hálvt ár, galdandi frá 16. desemer 2009, tá koyrikortið varð tikið frá honum. Ungi maðurin tók við dóm­inum. Samfelagstænstu fyri at koyra bil á sjógv Mánadagin varð ein ungur maður í Føroya Rætti dømdur 20 daga treytað fongsul fyri dýrandi fullur at hava koyrt ein bil á sjógv. Fyri at sleppa undan at sita, skal maðurin gera 30 tímar samfelagstænastu Gongur sum eftir ánni Tað gongur væl við Boðanes­ heim­inum. Útgravingararbeiðið og jørðarbeiðið er liðugt, og betongarbeiðið er komið væl í gongd. – Tað gongur eftir ætlan, sigur Eyðun Petersen, verk­ætlanarleiðari hjá Articon Fyrstu búeindirnar taka skap, og alt skal verða innilokað á nýggjárinum Mynd: Álvur Haraldsen