mikudagur 25. mai 2011síða 10

Mikudagur 25. mai 2011 · Nr. 60 10 Sosialurin Randi Jacobsen Týsdagin í næstu viku verður vegleiðandi fólkaatkvøða í Kví­víkar kommunu um komm­unu­samanlegging. Borgararnir í kommununi verða tá spurdir, annaðhvørt kommunan skal leggja saman við Vestmanna komm­unu, Vága kommunu ella Tórs­ havnar kommunu. Teir verða eisini spurdir, um teir halda tað vera rætt at leggja saman við nakrari kommunu nú. Mánakvøldið var borgara­ fundur í Kvívík. Væl av fólki møttu, men fundurin gav onga ábending um, hvat kví­ víkingar fara at velja. Best sum er Dánjal Petur Müller, borgar­ stjóri í Kvívík vil ikki geva borgarum sínum nakað til­ mæli, men sjálvur heldur hann ikki, at samanlegging hev­ur nakran skund. – Verður eldraøkið lagt út til kommunurnar at umsita, fylgir peningur við, og so má kommunan um, hvønn hon letur taka sær av tí, sigur Dánjal Petur Müller. Hon heldur annars, at uttan mun til hvørji komm­ unu, Kvíkar kommuna velur at leggja saman við, verða kvívíkingar og hini í komm­ un­uni altíð í minniluta og missa ávirkan. – Men tað er gott við eini fólka­atkvøðu, so fólk fáa høvi at siga sína hugsan um saman­legging, og um tey eru áhugað fyri nakrari saman­ legging, sigur Dánjal Petur Müller. Borgararnir í Kvívíkar kommunu hava á eini aðrari fólka­atkvøðu áður sagt seg vera mest sinnaðar at leggja saman við Vága kommunu. Á fundinum mánakvøldið møtti einki umboð fri Vága kommunu, og tí fekst einki at vita um, hvat tann komm­ unan heldur um at leggja saman við eini kommunu á Streym­oynni. Eitt hóskandi øki Karl A. Olsen, borgarstjóri í Vestmanna var ikki i iva um, hvørja loysn hann heldur vera besta. – Sjálvandi eiga Vest­ manna kommuna og Kvívíkar komm­una at leggja saman. Vit hava heitt á kvívíkingar um at leggja saman við okk­ um, men eingin áhugi var, sigur Karl A. Olsen. Hann heldur, at nógv mik­ ið er við tí samtyktini í fyrsta umfari. Seinni ber altíð til at fara víðari við saman­legg­ ing. – Vit halda eisini, at Vest­ manna kommuna og Kvívíkar kommunu eru ein góð eind at byggja víðari á. Hetta er eitt ríkt økið við nógvum vakstrarmøguleikum, sigur Karl A. Olsen. Hann leggur aftrat, at eru kvívíkingar bangnir fyri at missa ávirkan, missa teir minst við at leggja saman við Vest­manna, har bæði Kvík og hinar bygdirnar kunnu fáa um­boð í kommunustýrið. randi@sosialurin.fo Randi Jacobsen Á borgarafundinum í Kví­ vík mánakvøldið var eisini Helena Dam á Neysta­bø, sum nú umsitur komm­ unu­mál. Hon leggur ikki í at hava nakra meining um, hvørjar kommunur skulu leggjast saman, tí tað heldur hon seg ikki hava rætt til at hava. – Á fundinum vísti eg á, at í lógini um sjalv­bodna samanlegging er staðfest, at Kvívík og Vest­manna skuu í somu komm­unu­ eind, og tí verður ta Ein trupulleiki, um Kvívík velur eina aðra eind, sigur Helena Dam á Neystabø. Lógin kemur Hon sigur, at arbeitt verð­ ur við at fáa gjørda eina breiða semju um komm­ unu­bygnaðin, og málið er at hava lógaruppskotið lið­ugt í seinasta lagi 1. juni, so tað kann leggjast fram í ólavsøkutingsetuni, og lógin kann verða komin í gildi, tá ið kommunuvalið verður næsta ár. Kvívíkingar hava áður valt Vága kommunu fram um aðrar kommunur, og standa tey við tað, verð­ ur málið eitt sindur fløkt, tá ið lógin sigur, at Vest­ manna og Kvívík skulu vera saman. Í fyrru landsstýrinum var semja um, at níggju var eitt hóskandi tal av kommunum. Men m tal­ ið verður sjey, átta ella níggju sigur Helena Dam á Neystabø hava minni at siga. Annars heldur hon tað vera óheppið, um endin verður ein stór kommuna við helvtini av landsins borgarum og nøkrum smærri kommunum aftrat. randi@sosialurin.fo Draga í ymsar ættir Kommunusamanlegging Tað kann gerast trupult við kommunusamanleggingini í Streymoynni, tí higartil hava Vestmanna kommuna og Kvívíkar kommuna ikki havt somu áskoðan. Loysnin verður kanska, at Vestmanna og Kvívík báðar fara saman við Havnini Ein fløktur spurningur Eftir lógini skulu Vestmanna og Kvívík í somu kommunueind, men velur Kvívík aðra eind, er støðan ikki so einføld. Talið av kommunum hevur minni at siga, heldur Helena Dam á Neystabø, landsstýriskvinna í kommunumálum Dánjal Petur Müller, borgarstjóri í Kvívík heldur, at samanlegging kann bíða Myndir: Jens Kristian Vang Nógv fólk var á fundinum Karl A. Olsen, borgarstjóri í Vestmanna, heldur Kvívík og Vestmanna vera eina góða eind