mánadagur 30. mai 2011síða 18

Mánadagur 30. mai 2011 · Nr. 62 18 Sosialurin Ítróttarblaðið Uni Holm Johannesen Tað er sanniliga stuttligt at vera viðhaldsmaður hjá B36 í dag. Tað ásannar formaðurin í felagnum. Árstalsfelagið hevur knógvað HB, NSÍ og Víkingi seinastu vikurnar. B36 er oddalið við 24 stigum. Tað er fýra fleiri enn nærmasti kapp­ ingarneytin. Mikkjal Thomassen og John Petersen hava havt evstu ábyrgdina av liðnum. Tað hevur hilnast sera væl. Úrtøkan er betri enn væntað undan kappingarbyrjan, og ungir spælarar hava tikið ábyrgd. John Hansen og Høgni Eysturoy eru millum teirra, sum brádliga eru millum mest eyðsýndu spælararnar í kappingini. Hóast fyrstu 10 landskappingar­ dystirnir hava kastað nógv stig av sær, ger Sámal Ímundarsson, for­ maður, greitt, at nevndin fer helst at knýta aðrar leikarar at hópinum í summarsteðginum. – Kappingarárið er strævið. Spæl­ararnir verða slitnir, og vit vita, at skaðar og leikbann fara at gera um seg. Vit skulu vera fyri­ reik­aðir. Nevndin er sera errin av ungu spælarunum, sum hava staðið seg væl, men úrvalið av leik­arum er lítið. Væntandi verður onkur knýttur at hópinum, tá flytingar­ vind­eygað letur upp, sigur Sámal Ímundarsson. Hann vil ikki seta nøvn á spælarar, sum nevndin hev­ ur víst áhuga. Tað er hugsandi, at talan er um útlendskar spælarar, sigur hann. Vunnu greitt B36 vann sannførandi á Víkingi, sum er nummar tvey, fríggjakvøldið. Úrs­litið var 2-0. Tað var bara fyrstu løtuna, at gestirnir bitu frá sær, ann­ ars hevði høvuðsstaðarliðið tamar­ hald á støðuni. Lukasz Cieslewicz sendi heimaliðið á sigurskós. John Hansen varð rendur um koll í brots­ teiginum. Pólski framherjin tók av møguleikanum úr ellivu metrum. 23 ára gamli Cieslewicz hevur skotið sjey mál higartil. Fýra mál eru eftir brotsspark. Súni Olsen økti um leiðsluna. Tað var stutt eftir hvíldina. Miðvallarin dróg við bóltinum, og staddur skamt frá brotsteigarmarkinum, sendi hann leðurkúluna avstað. Eitt flott mál. Víkingur royndi at trýsta í seinna umfarinum. B36 var sera væl skipað í verjustøðu, og gestirnir spældu seg ongantíð fram til upplagdar møguleikar. Errin liðskipari Klæmint Matras er liðskipari hjá B36. Hann heldur, at tað er fan­ tastiska deiligt, sum hann málber seg, at ungu spælarar taka ábyrgd. Hópurin hevur havt fráveru til summar dystir. Súni Olsen stóð millum áskoðararnar nakrar vikur, tí hann var skaddur. Jákup á Borg hevur havt skaðar at dragast við, og Klæmint Matras hevur havt leikbann. Tað hevur ikki darvað úrslitunum. – Eg eri errin av avrikinum higar­ til. Vit hava smalan hóp, men vit hava prógvað okkara virði á vøll­ inum, sigur Klæmint Matras. uni@sosialurin.fo Uni Holm Johannesen Bill Mc. Leod Jacobsen, venjari hjá B68, hevur gramt seg í miðl­ unum fleiri ferðir. Tað hevur ofta verið nógvur vindur, tá tofta­menn hava spælt á heima­ vølli. Onkutíð hevur tað darv­að somikið, at venjarin hjá tofta­ menn hevur ikki skilt, at dóm­ arin ikki útsetti dystin. Tað var kanska ikki neyðugt, tá NSÍ vitjaði á Toftum fríggja­ kvøldið. Tó so, vindurin var so nógvur, at liðini fingu sjáldan ferð á bóltin. Úrslitið var ein keðilig grannauppgerð. Lítið spæl Heimaliðið var meira á bólt­ inum fyri steðgin. Orsøkin var fremst av øllum, at toftamenn høvdu vindin undan. Teir høvdu hinvegin lítið hugflog. Møgu­leikarnir vóru fáir. Tað regnaði av grimd fyri hvíldina. Regnið oysti niður. Tofta­menn kendu seg noydd­ ar at skifta búnar í hálv­ leikinum. Teir spældu í reyðum troyggjum í fyrra hálvleiki, og í hvítum troygjum eftir steðgin. Christian Høgni Jacobsen legði gestirnar á odda. Tá var seinni hálvleikur júst byrjaður. Heðin á Lakjuni fór til stroks í vinstru síðu. Klaksvíkingurin legði innfyri, og Niklas Joensen royndi at sparka bólt­urin burtur av vandaleið. Leður­kúlan fór fyri føturnar á Christian Høgna Jacobsen, sum sendi bóltin í málið. Heimaliðið svaraði aftur miðskeiðis í seinna hálvleiki, tá Niklas Joensen slapp framvið fleiri mót­støðu­leikarum og sendi bólt­in til Stig-Roar Søbstad, sum stýrdi honum í málið. Komnir fyri seg B68 kom illa frá byrjan í hes­um kappingarárinum, men tofta­ menn hava skavað sær 12 stig saman higartil. Bill Mc. Leod Jacobsen hevur fingið stig frá nøkrum av fremstu liðunum seinastu vikurnar. Hann við­ gekk eisini eftir dystin, at hann var nøgdur við eitt stig – men tað var hinvegin eisini tað ein­asta, hann var nøgdur við fríggja­kvøldið. uni@sosialurin.fo Vindurin darvaði aftur Fótbóltur Vindurin hevur darvað fótbóltsspælinum á Svanga­ skarði í fleiri umførum hetta kappingar­árið. Veðrið syrgdi aftur hesaferð fyri, at undirhaldið var millum lítið og einki á Toftum Onkutíð hevur vindurin darvað somikið, at venjarin hjá toftamenn hevur ikki skilt, at dómarin ikki útsetti dystin. Tað var kanska ikki neyðugt hesaferð Mynd: Birita Hansen (nsi.fo) B68 1 NSÍ 1 B36 2 Víkingur 0 B36 skal hava nýggjar spælarar Fótbóltur Tað hevur framvegis ikki eydnast hinum liðunum í Vodafonedeildini at knógva oddaliðnum B36. Hóast árstalsfelagið hevur verið betri enn mótstøðuliðini higartil, ásannar formaðurin, at nýggir spælarir verða knýttir at hópinum í summarsteðginum Nevndin er sera errin av ungu spælarunum, sum hava staðið seg væl, men úrvalið av leikarum er lítið, sigur Sámal Ímundarsson, formaður í B36 Mynd: Álvur Haraldsen