mikudagur 1. juni 2011síða 10

Mikudagur 1. juni 2011 · Nr. 63 10 Sosialurin Kjak Hans Joensen formaður Havnar Arbeiðsmannafelag Tey tímaløntu hava í áravís verið við skerdan lut og eru tað framvegis Tað er ikki rætt sum stjórin í Vinnihúsinum sigur í fjøl­ miðlunum, at tey starvsfólk, sum arbeiða á skrivstovu og í handli, eru við skerdan lut. Millum onnur hevur stjór­in í Vinnuhúsininum verið frammi og víst á, at tað ikki er rímuligt, at Løg­ tingið hevur tryggja teimum tímaløntu rætt til at vera heima hjá sjúkum barni utt­ an lønarmiss. Stjórin í Vinnihúsininum vísti m.a. á, at skrivstovufólk á privata arbeiðsmarknaðinum ikki vóru fevnd av lógini. Starvsfólk hava nógv betur lógarásett rætt­ indi enn tey tíma­løntu Tað sum hvørki stjórin í Vinnuhúsinum ella út­varp­ið nevndi var, at starvs­manna­ lógin, sum er galdandi fyri m.a. skrivstovufólk, bæði á privata og almenna ar­beiðs­ marknaðinum, geva starvs­ fólkum rætt til bæði løn undir sjúku utt­an tíðar­av­ marking og upp­sagnar­freist upp til 6 mánaðar, alt eftir starvsaldri. Her er talan um lógar­ásett rættindi, sum fakfeløg­ini, sum umboða hesar starvs­ bólkar soleiðis ikki hava havt tørv á at reisa sum sáttmála­ krøv. So at siga eingir av lim­ unum í arbeiðara­feløg­un­um eru fevndir av starvs­manna­ lógini. Arbeiðarafeløgini mugu við sáttmálasamráðingum stríðast fyri at fáa rætt til løn undir sjúku og longri upp­sagnar­freist Arbeiðarafeløgini hava ikki frá Løgtinginum fing­ ið rætt til løn undir sjúku og upp til 6 mánaðar upp­ sagnar­freist, og tí mugu arbeiðarafeløgini, í sambandi við sáttmálasamráðingar royna at “keypa sær” hesi rætt­indi. Bæði løn undir sjúku og 6 mánaðar uppsagnarfreist er ein sjálvsagdur rættur í øllum almennum sáttmálum, men Føroya Arbeiðsgevarafelag fer neyvan uttan víðari at geva limunum í arbeiðara­ feløg­unum hesi rættindi, hóast sama felag ger sátt­ mála við fakfelagið hjá skriv­stovu­fólkum á privata arbeiðs­marknaðinum, sum frammanundan hevur rætt til løn undir sjúku og upp til 6 mánaðar uppsagnar­freist sambært starvsmanna­lóg­ ini. Vil Føroya Arbeiðs­ gevarafelag ikki geva øllum somu sømdir? Tað hevði verið áhugavert at fingið at vita, um ynski hjá Føroya Arbeiðsgevarafelag, um felags treytir fyri løn­ tak­arar skal skiljast soleiðis, at tey tímaløntu nú kunnu vænta at kunna fáa løn undir sjúku og upp til 6 mánaðar uppsagnarfreist soleiðis sum starvsfólk hava. Stórur ójavni er millum tey tímaløntu og tey sum eru undir starvsmannalógini Sum eg havi nevnt oman­ fyri, so er rættuliga stór­ur munur á teimum rætt­ind­ um, sum tey tímaløntu hava í mun til tey sum fevnd eru av starvsmannalógini. Eg unni sjálvandi starvs­ fólkum rættindi teirra, men eg haldi tað er hugstoytt, at umboð fyri Vinnuhúsið harta Løgtingið fyri at bøta eitt lítið sindur upp á tann mun sum er í rættindunum hjá teimum tímaløntu í mun til tey sum eru fevnd av starvsmannalógini. At enda skal eg takka teimum løgtingslimum, sum hava tikið undir við ynskjum okkara um at bøta um rættindi hjá vanliga føroyska arbeiðsfólkinum, tí hóast langt er eftir á mál, so er hendan lógarbroyting tó ein bati. Oyggjaleikirnar til Føroya Jógvan Arge formaður í mentamála- nevndini í Havn Tórshavnar Býráð er til reið­ ar saman við almennum myndugleikum og øðrum samstarvsfeløgum at tryggja, at í kommununi verða umstøður at avgreiða kappingar í eitt nú golfi og skjóting á Oyggjaleikum 2021 ella fyrr. Í yvirlýsing frá einum samd­um býráð verður sagt, at býurin longu nú hevur um­støður og førleika at hýsa flestu ítróttakappingum á hægsta altjóða stigi, og býurin viðurkennir, at tørvur eisini er á altjóða kappingarumstøðum til golf og skjóting. Tað eru hesar umstøður Tórshavnar Býráð er til reið­ar at útvega saman við al­menn­ um myndugleikum og øðrum samstarvsfeløgum til Oyggja­ leikirnar, sum ÍSF fer at søkja um at skipa fyri í 2021 ella kanska longu í 2019. Leikirnir seta krøv Umstøður til golf verða í dag mettar sum ein avgjørd fyritreyt fyri, at Føroyar kunnu fáa vertsskapin fyri oyggjaleikum í framtíðini. Skjóti­ítróttin er sera fram­ komin í fleiri av teimum oyggjasamfeløgum, sum eru við í oyggja­leika­sam­ starvinum, og tær um­støð­ urnar eru eisini umráðandi. Island Games Assosciation leggur dent á, at luttakararnir á oyggjaleikum verða hýstir nær hvørjumøðrum og nær ítróttabreytunum. Tí boðar Tórshavnar Býráð frá, at tað er sannført um, at býurin kann hýsa 2500 ella fleiri luttakarum innanfyri 10 minuttir frá hø­v­ uðskappingarbreytum, hallum og vøllum. ÍSF er farið undir sam­ráð­ ingar og fyrireiking til at søkja um Oyggjaleikirnar 2021, men nevnt hevur verið, at tað kann henda seg, at møguleiki verður fyri at fáa Oyggjaleikirnar longu í 2019. Ongantíð betur, um tað verður. Góðar umstøður fyrireikaðar Á oyggjaleikum verð­ur kapp­ ast í um 15 ítrótta­greinum. Megin­parturin av greinunum eru tær somu hvørja ferð, men fyrireikararnir hava sjálvir møguleika fyri at bjóða nakrar greinir fram. Hugsandi er, at ÍSF eitt nú fer at bjóða fram bæði fim­ leik og judo, sum ikki eru fastar oyggjaleikagreinir, men har vit eru sterk og hava eina stolta søgu í oyggja­ leikahøpi. Føroyar hava luttikið í Oyggjaleikunum síðani fyrstu leikirnar í 1985, og stevn­an hevur eina ferð verið í Før­oy­ um, men tað eru longu meir enn 20 ár síðani. Kortini hava Oyggjaleikirnir havt stóran týdning fyri menning og margfeldni í nógvum ítrótta­ greinum í Føroyum. Oyggjaleikirnir hava eis­ini gjørt sítt til, at fleiri ítrótta­ greinir hava fingið breytir, sum annars ikki hava funnist í Før­ oyum. Tórs­havn­ar komm­una hevur sein­astu árini útvegað eitt nú rennibreyt til frælsan ítrótt og fimleikahøll á altjóða stigi. Hetta eru fyrst og fremst umstøður til almenningin at nýta, men møguleikin fyri at hýsa oyggjaleikum og slíkum kappingum hevur eisini talt við í avgerðunum. Um golf er tað sama at siga. Ein golfvøllur í Havn er sjálv­andi fyrst og fremst ætlaður til almenna nýtslu hjá føroyingum, men eisini til útlendskar golfspælarar, sum ferðast kring heimin, og til spæl og kappingar á altjóða stigi. Golf er sera væl umtókt ítróttagrein til motión úti í heimi og hevur eisini fest røtur í Føroyum, hóast umstøðurnar eru aftarlaga sum er. Golf­vøll­ ur kostar nakað. Við oyggja­ leikum um 8-10 ár sum máli ber til at gera eina slíka íløgu yvir nøkur ár, so hon ikki darvar aðrar neyðugar ætlanir stórvegis. Stóran týdning fyri okkum At átaka sær vertskapin fyri Oyggjaleikunum hevur stóran týdning fyri Føroyar og Havnina. Hetta setir okk­ um á kortið, dregur nógv fólk til Føroya og harvið inntøkur til ymsar partar. Hetta hev­ ur eisini týdning fyri menn­ ingina av ítróttinum og før­leik­anum at skipa fyri stór­um stevnum. Og hjá luttakarum og áskoðarum er tað móti øllum at kunna uppliva slíka stevnu á heimavølli. So nú er bara at bróta upp um armar og spýta í lógv­ar­ nar!