fríggjadagur 3. juni 2011síða 20

Fríggjadagur 3. juni 2011 · Nr. 64 20 Sosialurin Ítróttur Rólant Waag Dam Bólturin er rundur, og øll hugs­ andi og óhugsandi fyri­varni kunnu gravast fram. Men eftir fyrru hálvfinaluna í steypa­ kappingini, sum var mill­um KÍ og Víking í Gøtu í kvøld, so er eingin ivi um, at KÍ verður annað liðið í finaluni, sum verður spæld á Summar­festivalinum í Klaksvík. Úrslitið í Sarpugerði í kvøld var 12-0 til KÍ, sum í hálv­leikinum var frammanfyri 7-0. Harvið er seinna hálvfinalan, sum verður í Klaksvík 2. hvítu­sunnudag, bara avgreiðslu­søk. Stóri málskjúttin hjá KÍ í kvøld var 15 ára gamla Eyðvør Klakstein, sum fekk møgu­leikan í álopinum, tí Sofía Purkhús var upptikin av lands­liðs­venjing í flogbólti, og tískil ikki kom á vøllin fyrr enn í 2. hálvleiki. Eyðvør Klakstein skoraði fimm mál – trý í 1. hálvleiki og tvey í 2. hálv­leiki! Ein annar av ungu KÍ spælarunum, 16 ára gamla Maria K. Thomsen, skoraði tríggjar ferðir - allar tríggjar ferð­ir­nar í 1. hálvleiki. Líkindini at spæla fótbólt í Sarpugerði vóru ikki so galin í gjár. AB á veg til Klaksvíkar Nógv skal venda niður, sum nú vendir upp, um AB kvinnurnar ikki vera annar parturin í steypa­finaluni, sum verður spæld á Summarfestivalinum í Klaksvík. Í øllum regninum og vind­ inum í dag hevur AB verið á Skála, har úrslitið í fyrru hálv­ finaluni var 2-0 til AB. Støðan í hálvleikinum var 1-0. Elin Maria á Borg Isaksen skoraði bæði málini. Tað fyrra, tá ið ein hálvur tími var farin, og tað seinna, tá ið 2. hálvleikur var 20 minuttir gamal. Seinna hálvfinalan verður á Argjum 2. hvítusunnudag. Vík. - KÍ 0-12 (0-7) 0-1: Maria K. Thomsen 0-2: Eyðvør Klakstein 0-3: Eyðvør Klakstein 0-4: Maria K. Thomsen 0-5: Eyðvør Klakstein 0-6: Maria K. Thomsen 0-7: Rannvá B. Andreasen 0-8: Rannvá B. Andreasen 0-9: Eyðvør Klakstein 0-10: Eyðvør Klakstein 0-11: Rannvá B. Andreasen 0-12: Sigrid Jacobsen Skála - AB 0-2 (0-1) 0-1: Elin Maria Isaksen 0-2: Elin Maria Isaksen 12-0 til KÍ! Fótbóltur Steypakapping kvinnur: Eingin ivi er um, at KÍ verður annað liðið í steypafinaluni á Summarfestivalinum. Eisini AB liggur væl fyri í svinginum við einum 2-0 sigri á Skála Tróndur Arge FC Suðuroy liggur framvegis fremst í 1.deild. Teir vóru í gjár á vitjan í Runavík. Næstbesta liðið hjá NSÍ hevur í ár staðið seg væl, men seinastu umførini hevur liðið mist stevið. FC Suðuroy vann dystin við fýra málum móti ongum. Støðan í hálvleikinum var 2-0 og tað var John T. Poulsen, ið skoraði bæði málini. Hann hevur nú skotið átta mál í hesum kappingarárinum. Móti endanum av dystinum øktu David Asare og Teitur Tausen til enda­liga úrslitið 4-0. NSÍ hevði ein gyltan møguleika at koma inn í aftur dystin, tá ein tími var leiktur. Runavíksingar fingu brots­spark, men Hugues Namni brendi. Løtu seinni fekk hann bein­ leiðis reytt kort. FC Suðuroy liggur fremst við 26 stigum. Seks á rað á Argjum Við sigri móti absolutta botnliðnum, 07 Vestur, hava argjamenn nú vunn­ið seks dystir á rað. Dysturin í Sør­vági var 18 minuttir gamal, tá Martin Olsen legði argjamenn á odda. Tíggju minuttir fyri hálvleik økti sami Martin Olsen til endaliga úrslitið 2-0. Stutt fyri tíð var Gunnar Haraldsen útvístur fyri AB, men 07 Vestur brendi brotssparkið. AB hevur við seks sigrum á rað lagt trýst á oddaliðið FC Suðuroy. TB vann í Gundadali Tvøramenn vóru á vitjan hjá FC Hoy­vík, sum hósdagin tapti á Argjum. FC Hoyvík kom á odda eftir eitt korter við brotssparki, sum varð gjørt móti Tony Rasmussen. Eyðun Højgaard umsetti til mál. Leiðslan helt sær bara í fýra minuttir, tá Dmitrije Jankovic stútaði horna í mál. Við seinasta sparkinum í fyrra hálvleiki legði Tórur Mortensen TB á odda eftir fríspark úr høgru. Um miðjan seinna hálvleik økti Aron Sørensen fyri TB eftir horna í vinstru. Tjúgu minuttir fyri tíð minkaði Tony Rasmussen um munin við skoti uttanfyri brotsteigin eftir horna. Seinstu løtuna av dystinum trýsti FC Hoyvík, meðan TB vóru vandamiklir upp á mótálop. Einki mál kom afturat í dystinum, sum also endaði við 3-2 sigri til tvøra­ menn, ið framvegis liggja á triðja plássi. Skála vann tepurt á HB Skála hálaði seg upp á fjórða plássið við einum teprum sigri á HB, sum var á vitjan í gjár. Einsamalla mál­ið í dystinum skoraði Markus Olsen tíðliga í seinna hálvleiki. Skála hevur ikki tapt síðani triðja um­far og hevur vunnið fimm av teim­um seinastu seks dystinum. Sunnu­ dagin skal Skála á vitjan á Argjum, fáa teir eisini fult í tí uppgerðini, so er ikki óhugsandi at Skála fer at bjóða av í oddinum. Víkingur vann greitt EB/Streymur var á vitjan í Leir­ vík hjá Víkingi. Bæði Kaj Leo í Bartalsstovu og Erling Jacobsen, sum báðir spældu við U-21 lands­ liðnum týskvøldið, vóru við hjá næst­bestu víkinginum. Støðan gjørd­ist ein greiður 6-0 sigur til heima­liðið. Støðan var bara 1-0 í hálv­leikinum, men í seinna hálvleiki skrædn­aði hjá EB/Streymi. Ingi Sørensen og Bárður J. Hansen skor­ aðu tvey mál í part, meðan Andras Mikkelsen og Ottar Olsen skoraðu hvørsítt. Fult umfar sunnudagin Komandi sunnudag verður fult umfar í landskappingini. Oddaliðið, FC Suðuroy, er í Havn á vitjan hjá HB. Á Argjum møtast tvey lið í góðum stima. AB hevur vunnið seks teir seinastu dystirnar, meðan Skála hevur vunnið fimm av teimum seks seinastu. TB fær í Hvalba vitjan av Víkingi, í Gundadali tekur FC Hoyvík móti NSÍ, meðan seinasti dysturin er við Margáir, har 07 Vestur er á vitjan. trondur@sosialurin.fo Favorittarnir vunnu á útivølli Fótbóltur FC Suðuroy, AB og TB vunnu øll á útivølli í gjár og tí er støðan í oddinum óbroytt. Við teprum sigri hálaði Skála seg upp á fjórða plássið. 07 Vestur hevur framvegis onki stig í botninum, meðan Víkingur, HB, FC Hoyvík og EB/Streymur øll eru í niðurflytingarvanda Mynd: Álvur Haraldsen Mest sannlíkt er at KÍ og AB hittast í finaluni á Summarfestivalinum Mynd: Álvur Haraldsen