fríggjadagur 3. juni 2011síða 49

nr. 64 · 3. juni 2011 17 VIKUSKIFTI sum tey sigla mitt í býnum, so nær eru tey, nú vit ganga á høvuðsgøtuni. Við kajina liggja einir tveir flod­ damparar, tann eini við hjóli í hekk­ uni til framdrift og tveimum damp­ skórsteinum í hvørjum borðinum – hetta gevur dám av »The deep South« og sangleikinum »Showboat« við Ava Gardner og Howard Keel. Sunnudagin 20. juni Savannah fráferð á veg til St. Augustin Dagurin verður brúktur til at koyra langt, tí vit skulu náa nakað langt suð­ur í Florida. Vit náa San Augustin um kl.8.00 um kvøldið og veðrið er av tí besta – heitt, umleið 35 hitastig og stilt. Hotellið, vit búgva í, minnir um øll hini, tað er reint og nosligt alla­staðni og morgun­maturin er tann sami – gjøgnum­standardiseraður t.v.s. keð­iligur, men kann etast. Bestikkið er alla­staðni plastikk so tað er onki hotel­ kent yvir tíð, sum allastaðni er tæn­ astur­nar i ordan og fólkini eru sera blíð og fyrikomandi. Vit eru øll troytt av koyring, og fáa okk­um eitt glas av reyðvíni, og so til songar. Mánadagin 21. juni Býurin St. Augustin Vit koma inn í býin um kl. 15.00 seinna­ part. Býurin er grundlagdur í 1565 av spaniólum, og vóru tað teir, sum bygdu stóra skansan Castillo de san Marcos, sum liggur miðskeiðis í býnum út móti sjónum við kanónum rættaðum tann vegin, um bretar skuldu komi fram­ við. Og tað hendi so ein skjønnan dag at teir gjørdu álop og fólkið alt í býnum bleiv savnað í stóra skansanum at blíva vard. Bretar bumbaðu skansan í 60 dagar, men vegna tess, at skansin var bygdur av einum slag av skeljum og móru, sum var blandað til eitt slag av nóg so bleytum betong, sukku kanon­kúlur­ nar inn í virkismúrin og gjørdu sum so ikki tann stóra skaðan. Høvdu virkis­ múrarnir á skansanum verið av gróti, vildu hesir fingið nógv størri skaða, og skansin hevði tá kanska fallið. Sum sagt omanfyri, góvust bretar at bumba og herseta skansan, og tóku seg aftur til Georgia, har teir komu frá, men áðrenn teir fóru, brendu teir allan býin niður – hann var at kalla allur bygdur úr viði. Tó vóru nakrir múrar eftir av sama slag sum skansin, og her mátti tað illa stadda fólkið finna skjól. Seinni bleiv Florida bretsk koloni, tá bretar góvu spaniólum Cuba afturfyri Florida – tá kundu stórveldi geva hvør øðrum koloniir. Býurin var eitt skifti størsti fram­ leið­arin av appelsinum í landinum, og ber býurin brá av at verða stýrdur av plantagu­eigarum, og tað finnist eitt savn við einum plantagueigarahúsum og nøkr­um smáttum, sum arbeiðararnir, sum tá vóru svartir trælir, búðu í. Villakvarterini eru sera grøn við stórum trøum og runnum, meðan býar­miðjan er at kalla samanbygd við hús­um í tí, vit kunnu kalla kolonistíli í victorianskum sniði. Onkur stórhandilsmaður, sum eitur John Flagler, hvørs ríkidømi kom av at keypa og selja hús, hevur bygt stórhotel, sum í stíli eru full av klass­iskum elementum, men sum eru stoypt úr betongi – sera hugtakandi at síggja. Hesin býur hevur eisini verið til­ haldsstað hjá sjórænarum og tað sæðst á teimum tilboðum á skeltum og plakat­ um til okkum ferðafólk, sum vit ganga framvið. Niðri við bryggjuna liggur eitt eftirgjørt sjórænaraskip við tilboði um ein rættan sjónrænaratúr at møta Kaptain Kid, Morgan og øðrum. Seinni koyrdu vit ein býtur fyri ferðafólk, og var frásøgumaður, sum segði fra søgu býarins og nevndi hann spaniolarnar og frælsisstríði móti bretum, og tá ið vit komu framvið einari karussel segði hann okkum, at tær mældu tann øvugta veg í mun til tær bretsku og teir koyrdu á skeivari síðu, altso høgru, meðan teir fyrr høvdu koyrt á vinstru síðu – hetta fyri at fáa, sum teir søgdu, kong George heilt burtur úr systeminum, tí sum frásøgumaðurin segði: We are Americans. Vit koyra nú út til hotellið La Quinta, eitt heldur turrisligt hotel, ongin bar, onki spiritus, ongin matstova, bert ein turrislig og hálvkeðilig buffet at eta mogunmat í – alt í alt eitt keðiligt stað, men alt var reint og nossligt. Vit fóru út á eina matstovu og handil nærhendis, og har fingu vit ein góðan búff, men onki reyðvín aftur­við, so eg mátti vera nøgdur við eitt glas av limonadu, sum smakkaði sera væl. Í handlinum, sum mest var at líkna við ein handil á bygd, var alt møgu­ligt at fáa, fløgur við country musikki, bøkur við uppbyggiligum og national­um innihaldi, klæðir í meira ella minni gellutum sniði, alt sum minti okkum á at vit vóru í »country side« og musikkurin úr hátalarunum var alla staðni country ella musikkur frá 50unum. Sum um alt herúti er eitt sindur uppsteðga onkunstaðni mið­ skeiðis í 50'unum. Castillo de san Marcos Hotel í St. Augustine, sum er staðstoypt San Marcos Listaskáli Gøtumynd Handilsgøta í St. Augusyin Eitt av teim mongu Squaeres í Savannah