mánadagur 6. juni 2011síða 20

Mánadagur 6. juni 2011 · Nr. 65 20 Sosialurin Ítróttarblaðið Tróndur Arge – Svangaskarð, Toftir Pulsurin slær títt og kalda veðrið er eina løtu gloymt. Teir gott og væl 900 áskoðararnir síggja út til at fáa fullan valuta fyri váta túrin inn á Svangaskarð. Fyrri halvleikur er hálvrunnin og maðurin við fýra talinum hjá Slovenia gongur tungu leiðina av vøllinum. Slovenia hevur aftur rent seg í eitt ódnarveður á Svangaskarði. Daniel Udsen spælir bóltin fram til Jóan Sìmun Edmundsson, sum letur bóltin fara og brádliga er Christian L. Holst leysur móti mál­inum. Hann verður eltur av Marko Suler, sum endar við at fella Silkeborg framherjan stutt uttan­ fyri brotsteigin. Fríspark og reytt kort! Missa stevið Frísparkið er á áleið somu støðu, sum tá Øssur Hansen fyri skjótt 11 árum síðani javnaði í evstu løtu. Sjálvur stóð Øssur Hansen inn­ ballaður í einum B68-jakka og krok­ aði aftanfyri pressuboksina. Har frá sá hann okkara skjóta bóltin í einum bleytum boða uppum málið. Vit tóku ikki av møguleikanum og løtu seinni er mál í hinum endanum. – Eg hevði heldur vilja fingið eitt mál í støðuni, enn at teir fingu ein mann útvístan. Málini telja meir og tað sóu vit eisini í dystinum. Fyrsta málið hjá teimum koppar dystinum á og har frá duga teir væl at gera tað trupult fyri okkum, segði Brian Kerr eftir dystin. Gott lag í hálvleikinum Í hálvleikinum er lagið gott og vónin um at fáa stig er framvegis góð. Vit hava spælt eins væl, um ikki betri, enn Slovenia. Vit eru ein maður í yvirtali, men eru eitt mál afturúr. Men seinni hálvleikur er bara ein minutt gamal, tá vit gera sjálvmál eftir horna. 2-0 til Slovenia og teir takka fyri og leggja seg at verja. Føroyska liðið hevur 172 rættar avleveringar eftir málið, men ongin førir til mál. Í fyrra hálvleiki hava vit 78, men skapa fýra ella fimm góðar málmøguleikar. Dysturin endar sum eitt vónbrot, men sjáldan hevur føroyska lands­ liðið verið so væl við í einum dysti og tapt. Men niðurstøðan er at tað eru málini, sum telja. trondur@sosialurin.fo Vildi heldur Brian Kerr: A-landsliðið Vit vóru omaná í 24 minuttir, men so fekk Slovenia reytt kort. Landsliðsvenjarin er ikki í iva um, at hann hevði heldur vilja fingið málið, enn at teir fingu reytt kort í støðuni. Vit taptu upp á tvey býtt og bílig mál, sigur Sigfríður Clementsen, viðmerkjari Reyða kortið (24.) Daniel Udsen Christian L. Holst Marko Suler (reytt kort) Jóan Símun Edmundsson (letur fara) Sigfríður Clementsen um reyða kortið: Spælið, ið førir til reyða kortið, er gott. Vit sóu fleiri ferðir í dystinum, at Jóan Símun og Christian Holst funnu væl hvønn annan. Vit hava ikki sæð líknandi samanspæl í føroyska álopinum í fleiri ár. Men tað hevði verið betri um vit fingu mál, heldur enn at teir fingu ein mann útvístan. Vátt Grasvøllurin á Svangaskarði var serstakliga vátur eftir áhaldandi regn mest sum allan dagin. Vinstrumegis sæst liðskiparin, Fróði Benjaminsen, í glíðandi takling á slovenska Bacinovic Myndir: Álvur Haraldsen Føroyar - Slovenia 0 Mál 2 6 Skot á mál 6 6 Skot við síðuna av 3 5 Horna 6 11 Gjørd fríspørk 11 2 Gul kort 0 0 Reyð kort 1 (www.uefa.com)