mánadagur 6. juni 2011síða 26

Mánadagur 6. juni 2011 · Nr. 65 26 Sosialurin Kjak Opið bræv til nevndina fyri Listasavn Føroya og Menta­mála­ ráðið Vit, undirritaðu harmast stórliga um bókina "SEKEL FÆRØSK KUNST I HUNDREDE ÅR. ONE HUNDRED YEARS OF FAROESE ART", sum vit halda vera ov sub­ jek­tiva og ósemjuliga til, at hon kann virka sum tann almenna føroyska listasøgan, ið hon skal eitast at vera. Listaviðgerðin í bókini hevur slagsíðu til fyrimuns fyri nøkur ávís listafólk, men til bága fyri onnur, ið verða lýst úr einum negativum sjónarhorni. Útsagnirnar um Grafiska Verkstað Føroya á síðu 326, har leiðarin á verkstaðnum verður nevndur við navni sum partamaður við tey (ónevndu) listafólkini, ið ikki vildu samstarva við fyrrverandi Listasavnsstjóran, kunnu als ikki góðtakast, ei heldur kunnu vit góðtaka, at listastríðið verður lýst á so partískan og avmarkaðan hátt, sum tað gjørt í bókini við smáum seks reglum. Bókin er á donskum og enskum og kann við einsíðaðu viðgerð síni av føroyskari list verða Steinprenti og føroysku listini til óbøtandi skaða. Vit vilja fegin hava eina frágreiðing frá nevndini fyri Listasavn Føroya um hvussu tað ber til, at henda bókin er komin út, eyðsýniliga uttan nakra skilagóða ritstjórn. Í øðrum lagi vilja vit vegna Steinprent og tey illa viðfarnu listafólkini hava eina umbering og eitt lyfti um, at bókin ikki verður týdd til føroyskt og givin út við tekstinum í verandi líki. Við hávirðing Jan Andersson Fríða Matras Brekku Zacharias Heinesen Bárður Jákupsson Tróndur Patursson Torbjørn Olsen Tóroddur Poulsen Rannvá Kunoy Marius Olsen Hansina Iversen Olivur við Neyst Bárður Oskarsson Brandur Patursson Birgir Kruse Gyðja Hjalmarsdóttir Didriksen Kinna Poulsen Inger Smærup Sørensen Elin Josefina Smith Aggi Ásgerð Ásgeirsdóttir Andrias Andreassen Tummas Jákup Thomsen Gunnar Hoydal Bjørn Kunoy Herluf Lützen Búgvi Poulsen Carl Jóhan Jensen Hanni Bjartalíð Hjördis Haack Hans Pauli Olsen Súsan í Jákupsstovu Oddfríður Marni Rasmussen Arnbjørn Ólavsson Dalsgarð Sunleif Rasmussen Javnaðarflokkurin fegnast um nógvu góðu stórmálini Javnaðarflokkurin fegnast um tey góðu úrslit, sum eru komin burtur úr tí serstøku politisku støðuni, sum hev­ ur valdað nú eina tíð, har Javn­aðarflokkurin og Sam­ bandsflokkurin hava sitið í eini minniluta­sam­gongu, tí Fólkaflokkurin kastaði ábyrgdina frá sær og rýmdi úr landsstýrinum. Samtyktirnar í løgting­in­ um hesa vikuna hava víst, at hetta hevur verið til stórt gagn, tí í einum skipaðum samstarvið við Tjóðveldi hevur tað borið til at framt fleiri megnarmál, sum Javn­ aðarflokkurin er sera glaður fyri. Arbeiðsskapandi játtanarkarmar: Játtanarkarmarnir fyri 2012-16 eru samtyktir, í høv­ uðs­heitum eftir tí leisti, sum landsstýrismaðurin í fíggj­armálum og formaður Javnaðarfloksins hevur skot­i­ð upp, og sum er gjørt upp­aftur betri við semjuni mill­um Javnaðarflokkin, Sam­bandsflokkin og Tjóð­ veldi, so tað er vaksið um íløg­urnar við fleiri arbeiðs­ skapandi verkløgum og við tilsvarandi minking av ar­ beiðsloysinum út um landið. Samstundis er ein leistur lagdur fyri, hvussu vit á ein tryggan og skilagóðan hátt tillaga raksturin av sam­ felagnum og styrkja inn­tøku­ grundarlagið, so vit fáa vent undirskotinum á fíggjar­ lógini til eitt yvirskot í 2016. Góðar høvuðs­ raðfestingar: Høvuðsraðfestingarnar í játt­ anarkarmunum í 2012 eru fyri barnafamiljurnar, sum fáa ein hækkaðan barnafrádrátt, fyri útbúgvingarøkið, har øll skikkað verða tryggjað pláss á miðnámsskúlunum umframt fleiri lestrarpláss innan mari­timu útbúgvingarnar og á Fróskaparsetrinum. Til­búgvingartrygdin verð­ur styrkt við munandi upp­rað­ festing av tyrlutilbúgvingini. Íløgurnar til skúla-, almanna- og heilsuverkið verða verða øktar munandi. Samstundis fekk fólkaskúlin eina eyka- játtan, sum tryggjar, at skúlin fær virkað og ment seg og neyðugt rúm til at fremja bygnaðarligar broytingar. Landssjúkrahúsið, Psykiatriskur Depil og Klaksvíkar Sjúkrahús: Hetta er av sonnum ein sól­ skinssøga, at stórfingna verklagslógin um útbygging av Landssjúkrahúsinum við nýggjum Psykiatriskum Depli er samtykt, eins og neyð­ugi peningurin fram til 2016 er avsettur við játt­ anarkarminum. Somuleiðis er íløgujáttanin til nútíðargerð av Klaksvíkar Sjúkrahúsi økt munandi. Skúladepil í Marknagili og Matvøruskúli í Klaksvík: Byggingin av nýggjum skúla­depli í Marknagili kann nú rættiliga fara ígongd, við samtyktini av broyttu verklagslógini og av fígg­ ingini við samtyktu játt­ anar­karminum. Somuleiðis er peningur settur av til út­ bygg­ing av Tekniska skúla í Klaksvík til nýggju matvøru­ útbúgvingina. Sosialpolitiskar verklagslógir: Tríggjar sosialpolitiskar verk­lagslógir er samtyktar, sum tilsamans útvega stuðul og bústaðir til 60 børn og vaksin við serligum tørvi: - bygging av stovni í Eyst­ uroynni til børn við fjøl­ breki, - bygging av sambýli í Tórs­ havn til fólk við sálar- sjúku, og - bygging av vardum bú­ staðum í Norðoyggjum og Eysturoy. Nýtt havrann­ sóknarskip: Verklagslógin um bygging av nýggjum havrannsóknar­ skipið er samtykt og pen­ ing­urin settur av á játt­anar­ karmunum, so vit endaliga kunnu fáa nútímansgjørt hetta alneyðuga amboðið, sum Føroyar sum Fiski­ vinnutjóð ikki kunnu vera fyriuttan. Samstundis vil hetta vera ein tann størsta ítøkiliga granskingaríløgan í áravís. Styrkja sam­ferslu­ kervið í útjaðarinum: Í játtanarkarminum er pen­ ingur settur av m.a. til Hval­ biar­tunnilin, nýggja ferju til Skúvoyarleiðina og eina loysn við Viðareiðisvegnum. Mentunarpolitisk framlop: Í samtykta játtanarkarminum verður gjørt eitt rættiligt mentunarpolitiskt framlop, við nýggjum raðfestingum m.a.: - at seta størri ferð á verkætlanina um Tjóð­ pallin, - at fyrireika nýtt Tjóð­savn við at samskipa øll søvnini í eini nýggjari felags byggiverkætlan, - at útbyggja Kringvarpshúsini, so samansjóðað sjónvarp og útvarp kunnu virka í sama húsið, - og at fremja verkætlanina um hvala­ støðina við Áir – umframt verkætlanina um mentunar­ húsið Salt . Skjøtil settur á nýggjan fiski­ vinnu­politikk: Javnaðarflokkurin hevur í semju við Sambands­flokkin, Tjóðveldi og Framsókn lagt lunnar undir nýggjan fiski­ vinnupolitikk, sum m.a. sæst aftur í avgerðini um makrelfiskiveiðina fyri 2012 og friðingar­tiltøkum viðv. ungfiski. Málið er økja um virðisskapanina í føroysku fiskivinnuni, og at skipa alla veiði í føroyskum sjóøki, so at hon í seinasta lagi í 2015 skal verða fiskað samsvarandi búskaparliga og lívfrøðiliga burðardyggum krøvum. Arbeiðs­marknaðar­ politiskt framstig: Tað er eisini at fegnast um, at umsíðir eydnaðist tað Javnaðarflokkinum í sam­ starvi við Miðflokkin og Tjóðveldi at fáa samtykt uppskotið um, at eisini tíma­ lønt skulu kunna fáa lønar­ endurgjald við barnsins fyrsta sjúkradag. Samanumtikið Rætt er, at politiska støð­an hevur verið heldur ógreið, síðani vit fingu minni­luta samgonguna. Javn­aðar­ flokkurin fegnast tó um, at vit stóðu fast um fíggjar­ karmarnar og onnur mál, sum í síðsta enda fekk Fólka­flokkin at rýma úr sam­gonguni. Hetta hevur givið okkum serstakliga góðar møguleikar fyri at fáa fleiri javnaðarpolitisk hjartamál og onnur góð mál við, samtykt í Løgtinginum, Føroya fólki at gagni – mál, sum vóru blokerað undir ABC-samgonguni. Tað er røðin av góðum málum omanfyri eitt prógv um. Hartil er avtalað gjørd millum Javnaðarflokkin, Sam­bands­flokkin og Tjóð­ veldi, at landsstýrismaðurin í fíggjarmálum, Aksel V. Jo­hannesen, á Ólavsøku skal leggja uppskot fyri tingið, sum aftur skal gera Húsalánsgrunnin til eitt virk­ ið alment bústaðar­politiskt amboð, og harumframt skal gjaldið til Heilsutrygd leggjast inn í skattin, fram um alt til fyrimunar fyri allar teir veiku inntøkubólkarnar í samfelagnum. Javnaðarflokkurin Ting- og landsstýrismanningin