mánadagur 6. juni 2011síða 27

27 Mánadagur 6. juni 2011 · Nr. 65 Sosialurin Jákup Petersen yvirlækni Og landsstýris­ maðurin John Johannessen legðist ikki á boðini Tað gekk nógv betri og skjótari, enn eg nakran­tíð hevði væntað, tá Klaks­ víkar Sjúkrahús heitti á lands­stýrismannin í heilsu­ málum, John Johannessen, um at finna okkum pening til hølisbroytingar og reno­ ve­ri­ng. Í hesum døgum er ikki lætt at finna pening. Klaks­ víkar Sjúkrahús fekk at vita, at nýggja heilsu- og sjúkra­húsið mátti bíða nøk­ur ár afturat orsaka av fíggjarligu viður­skift­un­ um. Leiðslan á sjúkra­húsin­ um hevði nakrar fundir um hetta og kom til ta niður­ støðu, at umstøðurnar í verandi byggningi eru so út av lagi vánaligar, at tørvur varð á broytingum og renoveringum so skjótt sum gjørligt. Fundur varð síðani aftur hildin við landsstúrismann, John Johannessen, sum heitti á okkum um at gera eitt yvirlit og eina kostnaðarmeting. Hetta varð so gjørt, og eina ella tvær vikur seinri møtti eg John sum segði, at alt var í lagi og, at vit eisini fingu tann pening, vit høvdu biðið um. Eg var púra paff. Helt eina løtu, at hetta kundi ikki passa. »Tað skal líka góðkennast«, smíltist John. So skjóta málsviðgerð minn­ist meg ikki at hava upp­livað. Vit hava í mong ár havt eitt sera gott samarbeiði við Heilsumálaráðið – men her var eg bilsin. Eg veit væl, at tað skal meira enn ein politikari til at fáa sovorið ígjøgnum, men uttan ein jaligan og skjóttarbeiðandi landsstýrismann kann máls­viðgerðin taka mánaðir og ár. Eina stóra tøkk til tín John! Hvørja heildarætlan hevur SSL at halda seg til? Jákup av Skarði – og hevur SSL sett sær eina ætlan frameftir? Tað hevði verið framúr at fingið at vita, um Strand­fara­ skip Landsins hevur nakran livandi tjans at gera sítt arbeiðið til fulnar, ella um landsins mynduleikar bert fóðra SSL og Føroya fólk við "slutur fyri slatur"! Um SSL harafturat hevur eina visón, kundi tað lætt um vónirnar hjá fólkunum, ið hava valt at búleikast á oyggjunum, ið ikki hava vegasamband. Tíanverri er tað nú vorðið gerandiskostur, at oyggjafólk klandrast um slíkt, ið Løgtingið við einum pennastrokið kundið fingið av skafti! Harafturat hevði hetta pennastrok fyrst givið mongum familjum mat í munnin, síðani tryggjað Kalsoy, Skúvoy, Sandoy og Nólsoy trygga farleið, fyri harafturat at vinna Føroyum "know-how" í skipasmíð! 19. januar 2011, varð eg ógvuliga optimistiskur - kanska ov optimistiskur - og helt, at nú fór at bragdað. Sosialurin og Johan Dahl bóru góð tíðindi um nýggju ferjuna til Nólsoyarleiðina og hetta varð langt undan val­ fyrireikingum, fíggjarlóg og øðrum jonkasligum lovorðum. Ja, eg veit, eg havi verið optimistiskur frá tí, at vit fyri mongum árum síðani høvdu fundir við SSL, við Tórshavnar Skipasmiðju (sum hon tá at) og við Jacob Vestergaard. Men mangir floksformenn og politikkarar í ymsum val­ skeiðum, hava borið fram tørvin á tryggari farleið um Nóls­oyarfjørð. Hvat er nú at gera? Er onkur, ið ikki veit svar til tann spurningin, so loyvi eg mær at siga mína hugsan: "Føroya fólk hevur longu goldið eina millión fyri skitsuprojekt. Nú er eftir at nýta einar tvær milliónir til detail-projektering og síðani tvey fylgjandi ár við 20 milliónum. Verður hetta sett í gongd nú, so siglir nýggja ferjan um fjørðin á vetri 2012!" Hví skal hetta gerast? Tí! Nú standa nólsoyingar aftur og ivast um bilurin slepp­ ur inn aftur, um handilsvøran skal handast í land, um øll sleppa við tá ið báturin siglir, um rørslutarnað sleppa heim, um jarðarferð kann skipast í respektivum umstøðum, og um farandi er um fjørðin. Tí! Strandfaraskip Land­ sins hevur hava tørv á einum eykaskipi, soleiðis at Kalsoy, Sandoy, Skúvoy og Nólsoy kunnu verða vís í at gestir og íbúgvar sleppa trygt til og frá sum ferðaætlanin lýsir. Hetta uttan at flest allar farleiðir skulu umskipast, tá ið tøkniligir trupulleikar eru við yngsta skipinum í flotanum. Tí! Sam er eisini gomul ferja. Við at byggja nýggja ferju til Nólsoyar, er væl møgu­ligt at bæði skrokkur og motorar kunnu "kopierast" til nýggja ferju í Norðuroyggjum. Løgtingið hevur víst á tørvin at føroyingar duga at smíða føroyska bátin. Men hvar er tørvurin á læra seg at smíða ferjur? Hvar er tørvurin á at sniðgeva? Hvar er tørvurin á at skipa alt tað sum hevur við elektronkikk, samskiftið og navigatión? Hvar er tørvurin á at síggja frameftir og visionera um bátasmíð til onnur lond? Um Løgtingið avgjørdi at byggja nýggja ferju til Nóls­ oyarleiðina, so hevði Ternan verið eykaskip. Um Ternan lá á Vestmanna, so var helst bert talan um ein tíma frá tí at Teistin fekk trupulleikar til Ternan traðkaði til. Tí eru einastu ráð: Byggið nýggja ferju til farleiðina um Nólsoyarfjørð, so eru trupulleikar loystir og vón er fyri framman - longu í des. 2012! Sjálvboðin samanlegging í Streymoy? Heðin Mortensen borgarstjóri í Tórshavnar kommunu – Persónliga meti eg úrslitið av fólkaatkvøðuni at vera bæði gleðiligt og positivt. At vit fáa eina stóra kommunala eind í Streymoynni er bæði gott fyri Tórshavnar kommunu og fyri Føroya land, sigur Heðin Mortensen, borgarstjóri í Havn. – Frammanundan arbeiðir stórur partur av fólkinum í økinum í Havn, og tað er bara ein fyrimunur við eini stórari kommunalari eind, har skattapeningurin verður verandi í kommununi, ístaðinfyri sum nú at fara úr kommununi. – Vestmanna og Kvívík eru vælútbygd øki, og per­ sónliga meti eg tað positivt, at bygdirnar kunnu gerast partur av Tórshavnar komm­ unu, soleiðis at vit í felag kunnu lyfta tær mongu upp­ gávur, sum nú verða lagdar út á kommunurnar. – Eg óttist als ikki eina fólkaatkvøðu í Havn, tí eg kann ikki ímynda mær nakra serliga mótstøðu ímóti, at gott og væl tveytúsund fólk aftrat koma uppí komm­ un­una. Tað er onki at vera bangin fyri. Afturfyri fáa vit eitt stórt og vælútbygt øki uppí kommununa. – Persónliga síggi eg tað sum ein stóran fyrimun, at Kvívík og Vestmanna komm­ unur verða innlimaðar í Tórs­havnar kommunu, tí ikki bara verður lættari at lyfta í felag, men vit koma at standa sterkari í kappingini móti útheiminum um bæði vitan og vinnu. Og eg meti eisini heimildina til sam­ anleggingina at vera í lagi. Tað, kommunurnar m.a. hava at halda seg til í hesum sambandi, er so­ kall­aða grøna álitið frá 1998, har staðfest verður, at ”útsynningsstreymoyar komm­una” sum ein nátúrlig landa­frøðilig eind fevnir um Vestmanna, Kvívíkar, Kolla­ fjarðar, Tórshavnar, Kirkju­ bøar, Nólsoyar og Hests kommunur. Í aðrar mátar er løgtingslóg nr. 12 frá 2007 um sjálvbodnar kommunusamanleggingar einasta galdandi lóg á økinum. Har verður gjørt vart við, at sjálvbodnar samanleggingar eru heimilaðar í økinum, og beinleiðis staðfest, at Vestmanna og Kvívíkar kommunur hava valfrælsi, hvørji eind tær vilja vera partur av. Málið verður nú lagt fyri Tórshavnar býráð. Heðin Morten­sen roknar við, at borgarstjórarnir í teimum báðum kommununum møta at greiða frá teirra støðu, áðrenn farið verður undir eina politiska viðgerð av málin­um.