mikudagur 15. juni 2011síða 8

Mikudagur 15. juni 2011 · Nr. 68 8 Sosialurin Tekstur: Snorri Brend Mynd: Álvur Haraldsen Fyri tann unga Majors Liu hevur uppihaldið her á landi verið at meta sum ein stór uppliving. – Eg havi búð hjá eini góð­ ari familju, og eri soleiðis komin at kenna tykkara sam­felag, og eisini hvussu tað er liva í eini føroyskari familju, sigur hann á góðum før­oyskum máli. Ein partur av upplegginum hjá AFS er júst hetta, at hesi fremmandu skulu læra seg tað lokala málið, og ikki minst læra eina aðra mentan enn teirra egnu at kenna. Og tað sigur Majors seg av sonnum hava gjørt: – Tað er stórur munur at búgva í einum landi sum Eysturríki, og so flyta higar til Føroyar at búgva í eitt ár – eitt land sum er so full­ komuliga øðrvísi enn mítt heimland, slær hann fast. – Men tað hevur verið sera áhugavert, ikki minst tí, at vit í Eysturríki búgva í eini íbúð, men her havi eg búð í einum sethúsum. Upprunaliga søkti hann til Danmarkar, men fekk seinni í boði at koma til Føroyar. Og hetta tók hann so av, hóast hann einki vistu um landið – hann var jú ikki føddur, tann minniliga dagin í 1990, tá Føroyar vunnu á eysturríkska landsliðnum í fótbólti. – Man búnast eisini nógv eftir einum slíkum ári. Men kanska finnur man ikki ordiliga útav tí, fyrrenn ein kemur aftur til Eysturríkis. Vertsfamiljur Tað eru kanska tey sum ikki rættiliga vita, hvat ein vertsfamilja er - og tí heldur ikki tora at taka við hesum tilboðnum ella avbjóðingini. Men tey sum hava verið við í AFS - og ikki minst tey sum hava havt ein útlendskan AFS'ara búgvandi - duga at siga eina aðra søgu: Eina søgu um, at tey sjálvi á henda hátt kunnu hitta eina fremmanda mentan, uttan at ein neyðturviliga skal ferðast jørðina runt. Tann útlendski skiftis­ næmi­ngurin gerst í roynd og veru partur av familjuni, og fær sínar dagligu skyldur, vinir og ítriv, eins og hann gongur í skúla saman við javnaldrum sínum. AFS skapar eisini tann veruleikan, at ein er part­ur av eini familju sum hevur eyguni vend ímóti um­ heiminum og við áhuga at læra meiri um onnur fólkasløg. Hetta kann gerast veru­ leikin hjá eini føroyskari familju. Hetta hava nógvar aðrar føroyskar familjur gjørt undanfarin ár, og hetta vóna tey í AFS Føroyar aftur fer at gerast veruleiki hetta komandi árið. Vanliga koma einir tríggir slíkir næmingar til Føroyar, onkutíð fimm, meðan vit senda einar 12 slíkar til onnur lond um árið, onkutíð upp í 20. snorri@sosialurin.fo Hitta fremmanda mentan heima við hús AFS Í hesum døgum er nógv virksemi í føroysku deildini av AFS, hvør endamál er at senda og móttaka útskiftisnæmingar. Higar eru nevniliga komnir AFS'arar sum eru á skiftisuppihaldi í Danmark. Hesi hava so verið saman við teimum føroysku skiftisnæmingum hesar seinastu dagarnar. – Hetta hevur verið eitt sera gott ár, siga trý teirra sum hava verið her hetta seinasta árið – Majors Liu úr Eysturríki, og tær báðar Loreta Ladu úr Italia og Maaria Pihlajamäki úr Finlandi. Við AFS til onnur lond AFS Føroyar er eitt økisfelag hjá AFS Interkultur, ið samskipar arbeiðið hjá AFS í Føroyum. AFS Føroyar arbeiðir við at senda føroyskar næmingar avstað til onnur lond hvørt summar og taka ímóti næmingunum, ið koma til Føroya at búgva. Felagsskapurin AFS er ikki knýttur at nakrari trúgv, politiskari sannføring ella samfelagsligum bólki. Høvuðsendamálið hjá AFS er, at øll menniskju skulu hava møguleika at uppliva og skilja aðrar mentanir og harvið virka fyri einum heimi við minni trupulleikum vegna skeivar fatanir av øðrum fólki, mentanum og siðum. Meiri fæst at vita um AFS Føroyar við at ringja til Lilju Holm-Mortensen, tlf. 282991 ella við at vitja á Facebook-síðu teirra. Álvheygg vil hitta dreingirnar aftur Snorri Brend Hundraðtals dreingir úr øllum býnum komu tá saman til eina góða løtu, har ið skrivarin í KFUM, Jóhannes Álvheygg við sínum blíða og fyri­ kom­andi máta tók ímóti teimum. Fast var at byrja við sanginum "Jesus besta navni er", og lítil ivi man vera um, at nógvir havnadreingir í einum ávísum aldri munnu duga henda sangin enn, sjálvt 40 ár seinni. Ein fastur táttur í hesum kvøldum var ein góður filmur - svart/ hvítur sjálvandi - men tað bilti ikki so nógv, tá filmar sum "Flyvende Øje" og "Palle alene i verden" vórðu vísti. Nógv er broytt síðani hesa glæsiligu tíðina hjá havnardreingjum. Í 1975 fór Jóhannes Álvheygg, ella bara Álvheygg sum hann varð nevndur á mannamunni, í starv sum skrivari hjá Bláa­ krossi, og tey seinnu árini hevur hann búð í Danmark. Nú er hann komin aftur til Føroyar at vitja, og hóast hann er farin væl upp um tey 80 árini – hann er í roynd og ver vorðin 87 ára gamal - bilar tí blíða sinninum einki. Í hesum føri kundi hann hugsað sær at hitt nakrar av dreingjunum aftur frá tíðini tá dreingja­møtini vórðu hildin - og gjarna aðrar við. Hetta verður møgu­ leiki til nú hóskvøldið klokkan 19:30 - í KFUM, sjálvandi. snorri@sosialurin.fo Tað vóru tær tíðir, tá nógvir av dreingjunum í Havn settu hvørjum øðrum stevnu í KFUM. Hetta eina kvøldið um vikuna var tað teirra kvøld, tí tá var Dreingjamøti á skránni. HEIMURIN SAVNAST Tað er ikki á hvørjum degi, at bæði føroyskir og danskir AFS'arar hittast. Hesa vikuna hava fleiri av skiftisnæmingunum í Danmark vitjað her, fyri at seta seg eitt sindur inn í okkara viðurskifti eisini. Tey trý - Majors Liu úr Eysturríki, og tær báðar Loreta Ladu úr Italia og Maaria Pihlajamäki úr Finlandi – síggjast mitt í myndini Mynd: Álvur Haraldsen UNGUR Í SINNINUM Hóast Jóhannes Álvheygg er farin um tye 87 árini, hevur hann framvegis sítt ljósa sinni. Nú ynskir hann at minnast aftur á gamlar dagar, tá "allir" dreingir í Havn gingu á Dreingjamøti Mynd: Jens Kristian Vang