mikudagur 15. juni 2011síða 9

9 Mikudagur 15. juni 2011 · Nr. 68 Sosialurin Leo Poulsen Tað eru nú fýra ár síðani Anna Maria og Oddmar Færø keyptu tað, sum tey hildu vóru teirra dreymahús. Fitt hús við stórum grundøki og – hildu tey – allar møguleikar at víðka um húsarúmdina. Stóri urtagarðurin við áarløki og trøum vóru við til at seta prísin á húsunum upp á 3,6 milliónir krónur. Men tá tey skuldu søkja um byggiloyvi fingu tey at vita, at økið var skógarfriðað, og har mátti einki broytast ella byggjast upp í. Tey gjørdu so av at stevna sakføraranum, ið hevði staðið fyri søluni, tí tey høvdu einki fingið at vita um, at tala var um skógarfriðað øki. – Tað mest harmiliga var, at vit fóru til ein sakførara, sum bara súltaði málið og á tann hátt spiltu vit tvey ár burtur til onga nyttu, sigur Oddmar Færø. Ikki fyrr enn tey fóru til Christian Andreasen kom gongd á málið, ið var fyri í Føroya Rætti fyri tveimum mán­aðum síðani. Í gjár kom so dómurin, men tað var ikki tann lesn­að­ ur, sum hjúnini Færø høvdu væntað og vónað. Upprunaliga kravdu tey, at keypið gekk aftur, men tað endaði við, at tey fingu 450.000 í endurgjaldi fyri at almenningurin kundi brúka teirra grundstyki og urta­ garð, men tað var ikki hetta, ið tey ynsktu. Málið súltað Tað var tann veruleiki, at tey kendu seg snýtt við tað at tey ikki fingu at vita, at økið var skógarfriðað. – Tað snýr seg jú ikki um pengarnar, men um tann veruleika, at vit ikki kunnu umbyggja húsini. So hóast tú kanst siga, at vit vunnu sakarmálið, so gjørdist tað ikki til tað úrslit, sum vit høvdu vónað og roknað við, sigur Oddmar Færø. Hann heldur, at sakførarar í stóran mun halda hondina yvir hvørjum øðrum, og serliga argur er hann um, at hann í tvey ár hevði ein sakførara, sum bert tóktist áhugaður í at súlta málið. Eisini sakførarin hjá Odd­mar Færø og konuni, Christian Andreasen, var ov­ farin av dóminum. Fundur skal verða teirra millum seinna­partin í dag, og tá fæst helst greiða á, hvat víðari skal henda í málinum. – Eg havi ikki rættiliga tosað við Christian Andreasen eftir dómin, so eg veit ikki, hvat hann fer at mæla okkum til at gera, sigur Oddmar Færø. Fyribils stendur hann bert spyrjandi um dómin, sum kemur púra óvart á. Vit hava roynt at fingið fatur á Hans Trygva Teirin, sum umboðar hin partin, men tað hevur ikki eydnast. Oddmar ovfarin og vónbrotin Rættarmál – Eg má siga, at eg eri ógvuliga vónbrotin av dóminum, og partar skilji eg als ikki. Nú má eg tosa aftur við sakførara mín fyri at finna út av, hvat nú skal henda í málinum, sigur Oddmar Færø Tað er hendan ognin við Sundsvegin, sum ósemja hevur tikið seg upp um Mynd: Jens Kristian Vang Anna Maria og Oddmar Færø Leo Poulsen Tað var sunnumorgunin eftir bátastevnuna í Vestmanna, at ein Bayliner 27 fór úr Vest­ manna til Havnar tíðliga. Tað var norðanvert Velbastað, at báturin knappliga steðgaði, motorurin setti út og báturin tók sjógv inn. Fimm mans vóru í bát­ inum, harav tveir teirra høvdu biðið sær skjúts til Havnar. Hvørgin teirra var í bjarg­ingar­vesti, meðan hinir tríggir menninir allir høvdu bjarg­ingar­vest og onkur eis­ ini flótidrakt. Teir tríggir við bjargingar­ útgerð komu sær upp á land, meðan hinir báðir hvurvu og sóust ongantíð aftur. Einki er komið alment fram um, hvat kann vera hent, men tað er greitt, at bát­ur­in sakk ógvuliga skjótt. Sum sagt er málið nú latið Føroya Rætti, men eing­in dagur er enn ásettur til sjó­ forhoyr. leo@sosialurin.fo Tað var hesin Baylinarin, ið gekk burtur í Hestfirði ein sunnumorgun fyri mánað síðani Málið um sjóforhoyr latið rættinum sjóforhoyr Kriminalløgreglan lat í gjár Føroya Rætti málið um sjóforhoyr í sambandi við hendingina, tá ein stuttleikabátur sakk í Hestfirði fyri mánað síðani