mánadagur 20. juni 2011síða 14

Mánadagur 20. juni 2011 · Nr. 70 14 Sosialurin Ítróttarblaðið Tróndur Arge – Gundadalur Ein lítil hálvur tími er farin av dyst­inum í Gundadali og úr B36 skýlinum hoyrst sangur. »B36, B36 – í ár verða teir føroyameistarar.« Lukasz Cieslewicz hevur júst lagt árstalsfelagið á odda 2-0 og hóast munurin ikki hevur verið so eyð­ sýndur, so er álopið hjá B36 náði­ leyst. Føroyameistara tult er at hoyra um alt Gundadal, tí B36 hevur fatur á rætta endanum. Í verju­partinum er tjúkt fyri. Jonas Flint Rasmussen og Odmar Færø eru sterkir sum oksar, meðan Høgni Eysturoy og Símun Joensen røkja sínar uppgávur væl á bakkunum. Framman­fyri teir er ein blandingur av stríðs­monnum, sum Klæmint Matras, John Hansen, Ingi Højsted og Heini í Skorini. Allir eru teir sinnaðir at sveitta blóð fyri at verja borg. Millum stríðsmenninar, eru eisini tveir bóltsnillingar. Annar er kendur gøtumaður og hevur eitt framúr fríspark, meðan hin hevur allar fortreytir fyri at gerast ein av okkara heilt góðu miðvallarum. Súni Olsen og Róaldur Jacobsen hava báðir sínar styrkir við bólt­ inum. Hvør í sínum lag eru teir mangan keldan til góðar sendingar, ið álops­parið, Lukasz Cieslewicz og Jákup á Borg, skapa góðar møgu­ leikar burtur úr. B36 hópurin er nakað tunnur, men so leingi flestu av hesum eru tøkir og spæla væl, so er tað nógv, ið bendur á at árstals­ felagið verður við til seinasta umfar í oddastríðnum. Ikki sama KÍ liðið Tá KÍ seinast var í Gundadali vunnu teir 4-1 á HB og alt bar til. Klaks­ víkingar vunnu dystin um mið­vøllin og av tí sama, so vunnu teir dystin. Men so var ikki í gjár. Høgni Madsen og Nenad Stankovic stríddust á miðvøllinum og nakrar ferðir komu teir við góðum avleveringum, men B36 miðvøllurin megnaði í fleiri førum at steðga uppspælinum hjá KÍ. Týdningarmiklasti maðurin í tí skapandi spælinum hjá KÍ er Hjalgrím Elttør. Hann hevði ikki ein av sínum góðu dystum og end­ aði við at verða fluttur á vinstra vong, meðan hann móti HB fyri tað mesta lá mitt fyri. Vóru KÍ hepnir, so kundu teir eitt nú fingið brots­ spark stutt fyri hálvleik og javnað. Men sjálvt um munurin ikki var so eyðsýndur, so tóktist B36 vera omaná. »Í ár verða teir føroyameistarar« Munurin á spælinum var ikki so stórur, men munurin er á kvalitet­ inum á ávísum plássum á vøllinum. B36 hevur styrkt seg til hetta kapp­ ingarárið og tí skulu teir eisini verða sterkari enn eitt KÍ, sum akkurát er flutt upp og hevur mál at verða verandi í deildini. Tað var eis­ini munurin í Gundadali í gjár. B36 hevur nú eina grannauppgerð eftir fyri summasteðgin og tapa teir ikki tann dystin, so eru teir ósigr­ aðir í fyrru hálvu. KÍ skal í sein­ asta umfarium fyri steðgin spæla í Gøtu. trondur@sosialurin »Í ár verða teir fø Vodafonedeildin Soleiðis sungu B36 viðhaldsfólkini í gjár, meðan liðið hjá teimum enn eina ferð staðfesti, at teir eiga eitt tað besta og mest livandi álopsspældið í landinum. Lukasz Cieslewicz skoraði trý, meðan síðu maðurin, Jákup á Borg skoraði tað fjórða. Saman hava teir ikki verið til at steðga í ár Gott álopspar Sera vandamikla álopsparið, Jákup á Borg og Lukasz Cieslewicz stóðu fyri málunum hjá oddaliðnum Myndir: Álvur Haraldsen B36 4 KÍ 1