mánadagur 20. juni 2011síða 22

Mánadagur 20. juni 2011 · Nr. 70 22 Sosialurin Ítróttarblaðið Tróndur Arge Kvívíkingar hava vunnið nógvar sigrar í kappróðri. Kvívíkingur eigur fleiri FM heiti í kappingini millum 8-mannaførini, og dreingirnir hava ofta vunnið við Junkaranum. Hóast nógvar sigrar, so var talan um merkisverdan og søguligan sigur, tá ið Junkarin leygardagin vann kappingina millum 5-manna­ førini við kvinnum. Hetta var nevniliga fyrstu ferð yvirhøvur, at Junkarin við kvinnum vann ein róður. Tá ið úrslitini á Norðoyastevnu verða havd í huga, so var sigurin kortini ikki púra óvæntaður. Í Klaksvík var Junkarin nummar tvey, bara eitt sekund aftanfyri Jallin. Í Hósvík var als eingin kapping um fremsta plássið. Junkarin legði seg beinanvegin á odda, og Junkarin var ógvuliga sannførandi. Tað sást, tá ið ljósablái báturin úr Kvívík fór um málið meiri enn tríggjar bátslongdir frammanfyri teir næstu. Harvið hevur Junkarin lagt seg á odda í FM kappingini, sum tær úr Kvívík ongantíð hava verið í nánd av at vinna. Á Norðoyastevnu vann Jallurin, sum ta ferðina var eitt sekund frammanfyri Junkaran. Í Hósvík var Jallurin í tættari kapping við Blik um næstfremsta plássið. Ta kappingina vann Blikur, sum var stóran stavnin frammanfyri Blik. Á Norðoyastevnu var Beinta nummar fýra, Falkur var nummar fimm og Teistin nummar seks. Í Hósvík býttu Beinta og Falkur um pláss. trondur@sosialurin.fo Tróndur Arge Viðmerkjararnir vóru ikki so væl nøgdir, tá ið tað leygardagin á portal.fo varð sagt, at kapp­ingin var avlýst millum 6-manna­førini við monnum. Tað høvdu teir sjálvandi loyvi til. Men boðskapurin í hesum var, at tað var als eingin kapp­ing millum teir seks lut­tak­ararnar. Tá ið teir fóru um málið var tað leyst millum allar bátarnar. Á Norðoyastevnu vann Riddarin, sum var trý sekund frammanfyri Lóm, og aftur hesa ferð vóru tað bátarnir úr Miðvági og av Argjum, sum vóru ávikavíst nummar eitt og tvey. Men hesa ferð megn­aðu argjamenn ikki at geva miðvingum kapping, tí Riddarin var átta sekund ella umleið tríggjar bátslongdir framman­fyri Lóm, sum aftur var tíggju sekund frammanfyri Smyril úr Vági. Fyrstu 200-300 metrarnar var eitt sindur av kapping, men so var spenningurin av­blástur. Riddarin svam frá øll­um hinum, og tá ið hann fór um málið, hevði Lómur tríggjar báts­longdir eftir á mál. Allir bátarnir komu á mál í somu røð sum seinast, burtur­sæð frá at Gongurólvur hesa ferð var nummar fýra. Á Norð­oya­stevnu var hann á sætta plássi og aftastur. trondur@sosialurin.fo 6-MANNAFØR MENN Meðan fleiri av hinum favoittunum høvdu trupulleikar, so var tað eingin slingur í valsinum hjá miðvingum, sum vunnu í stórum stíli Riddarin vardi borg Tróndur Arge Tá ið sammett verður við fyrstu FM kappingina, so var talan um fýra nýggjar vinn­arar í kappróðrinum á Sundalags­ stevnu í Hósvík. Felags fyri allar teir nýggju vinnararnar var, at teir vóru í kapp­ingunum, sum vóru á tús­und metrum. Nýggju vinnararnir vóru Drekin í dreingjaróðrinum, Hvess­ingur í kappingini millum 6-manna­før við kvinnum, Erla Kongsdóttir í gentu­ róðr­inum og Junkarin í kapp­ ingini millum 5-manna­før við kvinnum. Genturnar á Ørnini og dreing­irnir á Spógvanum vunnu aftur hesa ferð í barna­ róðr­unum, og hinir vinn­arar­ nir óru Riddarin við monnum í kapp­ingini millum 6-mannafør við monnum, Argjabáturin og Klaksvíkingur. Harvið um­ boðaðu vinnararnir í teimum níggju róðrunum níggju ymisk róðrarfeløg. Í fýra róðrum var munurin millum fremsta bátin og tann næsta ikki nógv meiri enn eitt sekund. Eingi met vórðu sett í kappróðrinum á Sunda­lags­ stevnu. Tað mundi komast av, at róðrarlíkindini ikki vóru so góð. Fríska høgættarlotið lá upp á tvørs av róðrarøkinum, og tað argaði manningarnar. Næsti FM kappróðurin verð­ur nú leygardagin, tá ið tað verð­ur kappast á Jóansøku, sum hesa ferð verður á Tvør­ oyri. Fýra nýggir vinnarar KAPPRÓÐUR: Hóast veðrið ikki var vánaligt, so vóru róðrarlíkindini ikki góð í Sundalagnum, har róðrartíðin var longri enn á Norðoyastevnu Tróndur Arge Dreingirnir í Róðrarfelagnum NSÍ vunnu á Norðoyastevnu, og teir vunnu aftur í Hósvík. Í Klaksvík vóru teir bara stavnin frammanfyri Fípuna Føgru. Í Hósvík var munurin eitt sek­ und aftur til teir næstbestu, sum vóru tvøradreingir um­ borð á Firvaldi. Í Hósvík end­ aði Fípan Fagra á triðja plássi. Firvaldur luttók ikki á Norð­ oya­stevnu. Á Norðoyastevnu vóru tað genturnar á Ørnini í Sanda­vági, sum vóru bestar í barna­róðr­ inum, og soleiðis var tað eisini á Sunda­lagsstevnu. Í Klaksvík var munurin aftur til Blik gott og væl tvey sekund. Í Hósvík var Hulda næstbest. Hon var eitt sekund aftanfyri Ørnina. Á Norðoyastevnu var Hulda nummar fýra. Hesa ferð end­aði Blikur á triðja plássi. trondur@sosialurin.fo BARNARÓÐUR Bæði í kappingini millum dreingir og gentur vóru vinnararnir teir somu í Hósvík, sum tað vóru í fyrstu FM kappingini Spógvin og Ørnin best í barnaróðrinum Mynd: Jens Kristian Vang Mynd: Jens Kristian Vang Søguligur sigur til kvívíkingar 5-MANNAFØR KVINNUR Fyri fyrstu ferð nakrantíð eydnaðist tað leygardagin kvinnunum í Kvívík at vinna í kappróðri