mikudagur 22. juni 2011síða 10

Mikudagur 22. juni 2011 · Nr. 71 10 Sosialurin Tekstur: Snorri Brend Myndir: Jens Kristian Vang Seinastu trý árini hevur Jonni, saman við trimum øðrum urguleikarum, gingið til skipaða undirvísing í tí, sum verður nevnt PO-út­ búgv­ing. Hesa útbúgvingina hev­ ur ein bert kunna tikið í Dan­mark, men takka verið Urguleikarafelagnum og musikkskúlanum er hesin møguleiki nú eisini til staðar hjá føroyskum urguleikarum. Í hesum føri varð byrjað við einum eitt-ára undanskeiði. Sjálv útbúgvingin tekur trý ár. Aftaná fyrsta árið av útbúgvingini kunnu næm­ ingarnir taka EO-prógv (Elementært urgu­leik­ara­ prógv). Síðani kunnu tey halda fram tvey ár aftur­at og tá taka PO-prógv (Præli­ mi­nert urgu­leikara­prógv). Hesa tíðina hava tey ver­ ið runt í einum stórum parti av tí, sum hevur við ta dag­ ligu tænastuna hjá einum urguleikara at gera. Og hetta hevur eisini verið ein strævin tíð. – Vit hava nú fingið tað fyrsta prógvið í hesum sam­bandi. At tú gongur til skipaða undirvísing ger, at tú lærir nógv og venir meir miðvíst. Hesi fyrstu trý árini havi eg lært sera nógv og eri vorðin meir tilvitað um mítt spæl, sigur Jonni Dahl Hansen. Saman við hinum trimum næmingunum - Magna Husgaard úr Klaksvík, Jón Magnus Joensen av Argjum og Arnbjørn Krist­ iansen úr Kollafirði - er hon nú munandi betri før fyri at røkja tænastuna sum urgu­ leikari. Gott grundarlag Eins og hjá so mongum øðr­ um tónleikarum fekk Jonni tíðliga áhuga fyri tónleiki, og byrjaði longu at ganga til undirvísing sum 12 ára gomul. Hesa fyrstu undirvísingina tónleiki fekk hon frá Gud­ mundi Mortensen, sum í dag er urguleikari við Dóm­ kirkjuna í Havn og lærari í musikkskúlanum og ein av teimum, ið hevur fingið PO- útbúgvingina skipaða her á landi. Í Felagsskúlanum á Oyrarbakka, fekk hon frálæru frá Hans Erlandi í Brekkunum, ið eisini var urguleikari. – Hesa undirvísingina dámdi mær sera væl og har fekk eg eina grundleggjandi vitan um tónleik, sigur Jonni. Seinni hevur hon fingið undirvísing í urguspæli frá tveimum øðrum kendum urguleikarum – Oddvør Jo­ hansen sum í dag er urgu­ leikari við Hoyvíkar kirkju, og Meinhard Bjartalíð, sum í dag virkar sum prestur í Glyvra Prestagjaldi. Gávurnar sum urguleikari fekk Jonni gjørt brúk av longu sum 16-17 ára gomul, tá hon á fyrsta sinni spældi til eina gudstænastu í heimakirkjuni við Norðskála. – Eg minnist einki serligt til ta gudstænastuna. So tað man helst hava gingið eftir vild, sigur Jonni, sum í dag er 44 ára gomul. Skipað undirvísing Norðskála kirkja hevði um hetta mundið ein urguleikara – Jóhonnu Joensen – sum spældi fast til gudstænastur og aðrar tænastur í kirkjuni. Hon vildi tó fegin lata teir ungu urgu-spírarnar sleppa at royna seg, og soleiðis bar tað til, at Jonni og ein vinkona hennara, Marita Dam av og á settust við urguna og spældu til gudstænastur her. Tá Jonni var 25 ára gomul flutti hon út til Runavíkar, men helt kortini fram at spæla við Norðskála kirkju. – Í dag spæli eg so í Glyvra kirkju, her eg røki tænastuna saman við Jensinu Simonsen, og tað dámar mær væl, greiðir hon frá. Møguleiki at nema sær útbúgving innan hetta fakið, var ikki bara sum at siga tað her á landi. Urguleikarafelagið ar­ beiddi tó við at fáa eina skip­ aða undirvísing og útbúgving í urguspæli og royndi at fáa urguleikarar at melda seg til, men júst tá bar tað ikki til hjá henni. – Nei, júst tá helt eg meg ikki hava tíð til tað. Døtrarnar vóru ikki so gamlar, og eg helt ikki at tíðin fór at røkka til, so tí meldaði eg meg ikki til útbúgvingina tá, vísir hon á. Ikki bara Fyri trimum árum síðani bórust so somu tíðindi aftur, og tá avgjørdi Jonni at melda Einki spæl at gerast urgu­ leikari URGULEIKARI - Tað er ikki bara tað at kunna spæla eitt vakurt præludium til eina gudstænastu. Tað at leiða sálmasangin er líka týdningarmikið, sigur Jonni Dahl Hansen, urguleikari við Glyvra kirkju. Hon hevur spælt urgu í mong ár, og hevur nú fingið elementært urguleikaraprógv. Sálmarnir – tað týdningar­mesta Kring landið finnast nógvir urguleikarar sum ár eftir ár, sunnudag eftir sunnudag sita á sínum fasta plássi við urguna. Ein partur av teirra tænastu er at spæla eitt stykki ella ein sálm, tá gudstænastan byrjar og tá hon endar. Men tann stóra og týdningarmesta uppgáva teirra er at spæla til sálmasangin. Hetta veit Jonni Dahl Hansen alt um, og hetta er hon eisini fult vitandi um: – Okkara týdningarmesta uppgáva er at fáa sálma­ sangin at ganga væl. Tað er tí eisini sera stuttligt at spæla til eina gudstænastu og merkja, at fólk syngja av fullum huga. Eisini er áhugavert hjá mær at sita og lurta, tá aðrir urguleikarar spæla sálmar. – Tað er ein frægd at syngja við, tá væl er spælt undir, sigur hon. URGULEIKARI Tað er ein frægd at lurta eftir góðum sálmasangi og góðum urguleiki, sigur Jonni Dahl Hansen