fríggjadagur 24. juni 2011síða 10

Fríggjadagur 24. juni 2011 · Nr. 72 10 Sosialurin Vilmund Jacobsen Fiskidaganevndin hevur í samband við tilmælið fyri fiski­árið 2011/2012 gjørt kanningar millum fiskimenn og -kvinnur, sum er týðandi partur av tilmælinum hjá nevndini. – Kanningin bendir á, at útlitini fyri komandi ár eru góð, og at útlitini fyri toskastovnini framvegis eru góð. Hýsustovnurin er fram­vegis illa fyri, tó at ábendingar eru um glottar. Upsastovn­urin er framvegis hampiliga væl fyri. Støðan hjá fleiri av hinum týðandi fiskasløgunum er eisini hampiliga góð, meðan verri stendur til hjá summum fiskasløgum. Fiskidaganevndin vísir í sínum tilmæli á, at støðan við æti inni á landgrunninum er í ár eitt sindur verri enn í fjør. – Bæði kanningin hjá fiskidaganevndini og kanningin av plantuæti á Lívfiskastøðini í Skopun, sum Havstovan ger, vísa, at minni er til av æti inni á landgrunninum. Víst verður í samrøðukanning á, at fiskurin inni undir landi er rak, og lítið av æti er at síggja. Kanningin vísir tó, at støðan við æti úti á er góð. Nógv æti er í fiskinum, og fiskurin er feitur, sigur fiskidaganevndin. Veiðiorkan minkað – Veiðiorkan á botn­fiska­ veiðu undir Føroyum er minkað munandi sein­ astu árini. Hetta er serliga galdandi fyri ávísar bólkar. Fiskidagatalið varð skorið við fleiri enn 5.200 døgum, svar­ andi til 16% frá fiskiárinum 2009/2010 til 2010/2011. Samstundis er talið av fiski­ loyv­um í bólkunum 1 til og við 4 minkað úr fleiri enn 125 loyvum fyri fimm árum síðani til 99 loyvir í dag. Av hesum eru 84 í veruligar vinnu. Fiskidaganevndin metir, at fyritreytirnar fyri, at stovn­arnir koma fyri seg aftur, eru til staðar, men tó er neyðugt, at eitt vakið eyga verður hildið við veiðini eftir ungfiski, serliga smáum toski. – Vit eru samd um at mæla til óbroytt fiskidagatal fyri fiskiárið 2011/2012. Til­ mælið er grundað á, at nevndin mælir til varsemi, hóast veiðiorkan í flotanum er minkað. Verður ein fram­ hald­andi minking í veiði­ orkuni, eigur at verða um­hugs­að at hækka fiski­ daga­talið aftur. Ein minniluti í fiskidaga­ nevndini, Sniálvur Røvils­ berg, mælir til, at bólkarnir 5A og 5B verða lagdir saman við felags dagatali á sama støðið sum í verandi fiskiári. Fiskidaganevndin er eisini samd um, at bólkur 5 framvegis fær tillutaðar 100 snelludagar á Føroya Banka. – Eitt vakið eyga eigur at verða hildið við veiðini eftir ungfiski, og at neyðug átøk eiga at verða sett í verk, um uppíblandið av smáum toski er ov stórt sambært kunngerð um friðing av ungfiskaleiðum. Dagføringar Eins og undanfarna ár, mælir fiskidaganevndin eisini til, at ein dagføring verður gjørd av stongdu leiðunum, og at kanningar verða gjørdar av, hvørja ávirkan tað hevur á fiskastovnarnar, at leiðir verða stongdar heilt ella lutvíst ár um ár. – Vit mæla eisini til, at ein lýsing verður gjørd av, hvussu tær stongdu leiðir­ nar skulu vektast í fiski­ daga­skipanini. Ein slík lýsing hevur eisini týdning í samband við skjala­prógvan av, hvussu burðardygg fiski­ dagaskipanin er. Ein samd nevnd mælir til, at Havstovan fær hægri játtan til at gera fleiri kann­ ingar, sum føra við sær, at metingarnar av veiði­ trýstinum verða neyvari. – Eitt vakið eygað eigur at verða hildið við hjáveiðu hjá pelagiska flotanum. Myndug­leikarnir eiga at um­ hugsa at seta eftirlitsfólk umborð á øll skip, sum royna eftir uppi­sjóvar­fiski undir Føroyum. Nevndin vísir eisini á, at hagtøl fyri fiskidagar í ymisku bólkunum í fiskidagaskipanini kunnu verða misvísandi og elva til mistulking. – Ein samd nevnd mælir frá, at óbrúktir dagar verða brúktir sum grundgeving fyri at skerja fiskidagatalið, sigur fiskidaganevndin í sínum tilmæli til lands­ stýrismannin. vilmund@sosialurin.fo Vilja hava óbroytt fiskidagatal – Vit eru samd um at mæla til óbroytt fiskidagatal fyri komandi fiskiár. Tilmælið er grundað á, at nevndin mælir til varsemi, hóast veiðiorkan í flotanum er minkað. Verður ein framhaldandi minking í veiðiorkuni, eigur at verða umhugsað at hækka fiskidagatalið aftur, sigur fiskidaganevndin, sum nú er komin við sínum tilmæli til landsstýrismannin, Johan Dahl Limir í nevndini eru: Dennis Holm, for­ maður, Dánjal Jacob­ sen (partrolarar), Theo­ dor Poulsen (trol­bátar), Auðunn Konráðs­son (MÚ), Hálvdan Gud­ mundsen (línu­skip) og Sniálvur Røvilsberg (Fiskimanna­felagið). Skrivari er Hertha Olsen. Fiskidaganevndin hevur havt 7 fundir. Fiskidaganevndin er sett við heimild í § 5 stk. 9 í løgtingslóg nr. 28 um vinnuligan fiskiskap frá 10. mars 1994, við seinni broytingum. Uppgávan hjá nevnd­ini er at lata lands­stýris­manninum metingar um støðuna í botn­fiska­stovn­unum og tilmæli um fiski­ dagar, og hvussu fiski­ skap­urin skal skipast tað kom­andi fiskiárið. Fakta um limirnar Fakta um arbeiðs­ uppgávu Ein samd fiskidaganevnd mælir til, at Havstovan fær hægri játtan til at gera fleiri kanningar, sum føra við sær, at metingarnar av veiðitrýstinum verða neyvari Mynd: Rógvi K. Mouritsen