fríggjadagur 24. juni 2011síða 12

Fríggjadagur 24. juni 2011 · Nr. 72 12 Sosialurin Áki Bertholdsen Vágs Byráð setir nú ferð á arbeiðið at gera nýggjan barnagarð. Í hesum sambandi hevur býráðið samtykt at biðja tekn­isku umsitingina hjá býráðnum um at fyrireika arbeiðið, so at tað kann byrja. Hesi seinastu árini hevur býráðið sett tilsamans 3,2 milliónir av til nýggjan barnagarð og tær eru nú tøkar at arbeiða fyri. Ætlanin er at byggja barna­garðin í stigum. Fyrsta byggi­stig er mett at kosta sjey milli­ónir og tað røkkur til eina barna­garð til 50-60 børn. Tilsamans verður hann 450 fermetrar til støddar. Gongst sum ætlað, verður farið undir eitt byggistig afturat seinni, men, hvussu stórt tað verður, er ikki greitt enn. Men býráðið hevur sett sær sum mál at nøkta tørvin sum er í kommununi til barna­ansing. Seta krøv Men tað er kortini ein spurningur um seinasta orðið er sagt í hesum máli. Vága Kommuna skyldar meiri enn eina álíkning, sum er tað mesta, ein kommuna kann skylda. Tí hevur Fíggjarmálaráðið kravt, at kommunan brúkar tær 3,2 milliónirnar til at rinda skuld fyri ístaðin fyri at byggja barnagarð. Tað góðtekur Vágs Býráð ikki, men enn er málið ikki avgreitt Orsøkin til, at skuldin hjá Vágs Kommunu er vaksin upp um eina álíkning, er hon hevur lænt til nýggja ellis- og røktarheimið. – Tað var samgongan sjálv, sum setti hesa ætlanina íverk og vit hava tikið lánini eeftir avtalu við Fíggjarmálaráðið og har vóru ongar treytir við, staðfestir borgarstjórin, Kirstin Strøm Bech. Tá ið Fíggjarmálaráðið hevur tikið endaliga avgerð, tekur Vágs Kommuna støðu til, hvussu farast skal víðari fram. Verður avgerðin ikki eftir vild, er Vágs Kommuna sinn­ að at fara í rættin við máli­ num, hevur borgar­stjórin áður boðað frá. Men tað kann so eisini hava við sær, at barna­garð­ urin verður drýggjaður yvir nøkur ár. Men gongst sum ætlað, verður hann liðugur næsta ár. Barnagarðurin skal byggjast yviri á Bakka, har kommunan eigur grund­ stykki til endamálið. aki@sosialurin.fo Vágbingar fara nú at byggja barnagarð BARNAANSING: Vágs Kommuna ætlar nú at byggja barnagarð, men higartil hevur Fíggjarmálaráðið sagt nei Í Vágs Býráði eru tey rætti­liga for­tørn­að yvir, at fíggjar­mála­ráð­ið ætlar at nokta teim­um at byggja barnagarð. – Og verður tað neyð­ugt, eru vit eisini sinn­að at stevna Fígg ja­mála­ráðnum, stað­festi Kirstin Strøm Bech, borg­ar­stjóri í Vági, fyri Sosi­ali­num fyri stuttum. – Hesi seinastu árini hava vit tilsamans sett 3,2 milliónir av til ein nýggj­an barna­garð í Vági, sig­ur borgar­ stjórin. – Men 9. mai fáa vit heilt óvæntað bræv úr Fíggjarmálaráðnum, har kravt verður, at vit skulu sleppa ætlan­ini um at byggja barna­ garðin og ístaðin fyri skulu vit brúka tær 3,2 milliónirnar til at rinda skuld við, tí skuldin skal vera ov stór, sigur Kirstin Strøm Bech. Hon vísir eisini á, at tað var landsstýrið sjálvt, sum kom við ætlanini um at byggja ellis- og røktarheim í Vági og sum eggjaði kommununi til at taka lán til endamálið. Fundir hava verið ímillum fíggjar­mála­ ráðið og kommununa, men enn er ongin loysn funnin. Kirstin Strøm Bech vísir á, at í løtuni er nettoskuldin hjá Vágs Kommunu 33 milliónir og skatta inntøkan var 36 milliónir. Tá eru 10 milliónir av láninum til nýggja ellis- og røktar­heimi­ num tald við. Sostatt skylda vit minni enn eina álíkn­ ing, sum er tað mesta, vit kunnu skylda eftir lógini. – Vit skulu læna 12 milliónir afturat til ellis- og røktarheimið, so tá verður skuldin sostatt 45 milliónir. – Men hesi næstu árini skulu vit rinda fimm milliónir um árið í av­drátt­um, so longu um trý ár eru vit aftur undir einari álíkning í skuld. Vágbingar til reiðar at stevna Træta Enn er óvist um vágbingar sleppa at byggja barnagarð. Fíggjarmálaráðið sigur nei, tí kommunan skyldar ov nógv. Men talan er um skuld, sum Fíggjarmálaráðið sjálvt hevur eggjað okkum til at taka, siga vágbingar. Myndina hevur Erik Christensen tikið eftir høvuðsvegnum í Vági Býráðið hevur sett sær sum mál at nøkta tørvin sum er í komm­ ununi til barna­ansing