fríggjadagur 24. juni 2011síða 13

13 Fríggjadagur 24. juni 2011 · Nr. 72 Sosialurin Ítróttur Tróndur Arge Tað var ein dag oktobur í Kekkia í 1997, at tveir ungir miðvallarar hjá HB komu ov seint til eina hvíld hjá landsliðnum. Táverandi venjarin, Allan Simonsen, hevði beint undan tosað við stórum bókstavum um týdningin av at halda allar avtalur. Eftirspælið av hendingini bleiv blást upp í fjølmiðlinum. Teir fingu tveir møguleikar. Antin kundu teir gjalda eina minni bót ella leikbann í eitt ár. Nýggi hjálparvenjarin hjá HB, Ingi Rasmussen, valdi tað fyrra, meðan Mikkjal Thomassen valdi tað seinna. Teir spældu um tað mundi saman á miðvøllinum hjá HB. Stutt eftir skifti Mikkjal til B36. Sunnu­ dagin standa miðvallarnir hvørsínu megin miðvallarstrikuna. Lærumeistarin og næmingurin Tað er eisini ein annar áhugaverdur dystur millum mennninar á bonk­unum. Í tíðini hjá Sigfríði Clementsen sum venjari hjá B36, var Mikkjal millum drúgvastu leikar­ar­ nir hjá honum. Sigfríður tók hann eis­ini við sær til Streymnesar í 2008. Í 2009 gjørdist Mikkjal Thomassen á fyrsta sinni ein partur av venjara­ toyminum hjá B36. Tað gekk illa í hond hjá árstalsfelagnum, meðan Sigfríður Clementsen var koyrdur í EB/Streymi. Tað endaði við, at Sigfríður rætti B36 og Mikkjali eina hjálp­andi hond og sama hóraðu undan niðurflyting. Endurtøka Í kvøld verður ein dystur Voda­ fone­deildini. Við Margári tekur EB/ Streymur ímóti B68 í eini endurtøku av hálvfinaluni í steypakappingini. EB/Streymur hevur veruliga fingið ferð á og líkjist meira og meira ein­ um liðið, ið kann kempa við um FM heitið. Søguligi dysturin móti HB, har EB/Streymur upp á 28 minuttir brendi trý brotsspørk, hevur sett ljóskastarin á EB/Streym. Víkingur heldur fast Við sigri á Toftum megnaði Víking­ ur at halda fast um annað pláss­ ið, hóast øll trý liðini kring eir í lands­kappiingini eisini vunnu. Tað er enn ein ábending um, at Víkingur í ár skal takast í álvara í FM stríð­num. Gestir í Sarpugerði eru KÍ, sum skiftast um at spæla góðar og minni góðar dystir. Vinnur Víkingur hendan dystin, sam­stundis sum B36 ikki fær fult í grannauppgerðini, so liggur Víkingur ájavnt ella frammanfyri B36 í summarsteðginum. NSÍ skjýtur mál NSÍ er tað liðið, ið hevur skotið flest mál í ár, meðan B71 er liðið við veikastu verjuni. Tað er tí sannlíkt, at NSÍ vinnur dystin í Runavík leygardagin. Tað kemur óiva eisini at merkja NSÍ, at teir skulu møta Premier League liðnum, Fulham, í Evropa League. Ein slíkan dyst vil ongin sita uttanfyri og hetta er sein­asti møguleikan at prógva fyri venjarinum, at tú hoyrir heima á liðnum. ÍF aftur í Sørvági Tað var sannur dramatikkur, tá ÍF seinast var í Sørvági. Samanlagt var ÍF á odda 2-0 í seinnu hálvfinaluni, tá 90 minuttir vóru leiktir. Tað end­ aði við at 07 Vestur var um reppi at skorað fyri triðju ferð í 97. min­utti. Og seinast dystur var í Sørvági, komu heili tíggju mál, so undir­ haldandi verður tað helst sunnu­ dagin. 07 Vestur er uttan Tór-Ingar Akselsen Tað verður fyrrverandi mið­vall­ arin hjá HB, Ingi Rasmussen, sum skal hjálpa Sigfríða Clementsen við at fáa vent ringu gongdina hjá HB. Heimasíðan hjá HB boðar frá, at tað verður ein gamal kenn­ ingur í felagnum, sum verður nýggjur hjálparvenjari hjá HB. Ingi Rasmussen hevur ongantíð umboðað annað felag enn HB í Føroyum. – Eg havi fyrst og fremst valt at taka av, tí eg bleiv biðin og tí støðan er sum hon er. HB hevur brúk fyri at øll standa saman í løtuni. Annars er hetta ein spennandi uppgáva og eg meti at liðið hevur dygdir til at liggja longri frammi enn stiga­ talvan vísur í løtuni, sigur Ingi Rasmussen 42-ára gamli miðvallarin hev­ ur lokið B-venjaraútbúgving. Hann er útbúgvin bókavørur og hevur eisini starvast sum tíð­inda­maður á millum annað Dimmalætting og Kring­varp­ inum, umframt eitt ár á Sosial­ inum. – Eg eri onkuntíð blivin spurdur fyrr, men tá hevur upp­ gáv­an verið ein onnur. Felagið setti sær í ár fyri at byggja eitt nýtt lið upp. Málið hevur millum annað verið at seta nýggjar yngri leikarar úr okkara egnum felagi við. Eg vóni, at vit kunnu siga, tá ið kappingarárið er lokið, at tað eydnaðist, sigur Ingi Rasmussen. Ingi og venjarin hjá B36, Mikkjal Thomassen, spældu saman á miðvøllinum hjá HB fram til 1998, umframt at Ingi eis­ini hevur spælt eitt sindur saman við Sigfríði, áðrenn hann eisini skifti til B36. Tað eru tí tríggir mans, sum eru upp­ vaksnir í HB og kennast væl, ið standa á odda fyri grannunum sunnu­kvøldið. trondur@sosialurin.fo Ingi Rasmussen skal hjálpa HB Lærumeistarin møtir næminginum Fótbóltur Sigfríður Clementsen og Ingi Rasmussen standa sunnudagin fyri fyrstu ferð á odda fyri HB. Mótstøðu liðið er B36, við Mikkjal Thomassen á odda. Sigfríður og Mikkjal hava fleiri ferðir arbeitt tætt saman, meðan Ingi og Mikkjal hava eina felags landsliðssøgu Næmingurin. Mikkjal Thomassen og lærumeistarin, Sigfríður Clementsen