mánadagur 27. juni 2011síða 14

Mánadagur 27. juni 2011 · Nr. 73 14 Sosialurin Ítróttarblaðið Eyðun Klakstein, Isle of Wight 19 ára gamla Bjørk Herup Olsen hev­ur nú vunnið sítt fyrsta heið­ ur­smerki á Oyggjaleikum. Fyri tveim­um árum síðani varð hild­ ið, at hon kundi gera seg gald­andi í heiðursmerkjastríðnum, men í 10.000 metrum kiksaði hon. Tann kappingin var eitt stórt vón­brot og hevur verið trupul at leggja aftur um seg. Tí var trýst á Bjørk Herup Olsen, tá ið hon í gjár kappaðist í hálvum maraton. Hon hevði fyri kapp­ingina sagt, at hon ætlaði sær heiðurs­merki og vildi kappast um gullið. Helt seg til sína ætlan Hálva maratonið varð runnið í góð­ um og lýggjum veðri sunnu­morg­ unin. Tríggjar aðrar kvinnur løgdu hart út, og tað fekk Bjørk at ivast í, um hon skuldi halda seg til sína ætlan ella ikki. – Eg ivaðist í, um eg skuldi fara aftan á teimum, men eg valdi at renna mítt egna tempo, sigur hon. Fyri tveimum árum siðani byrjaði hon renningina í 10.000 metrum í sera høgum tempo, men móti end­anum av kappingini megnaði hon ikki at halda ferðini og datt mest sum niður ímillum. Hesa­ferð varð øðrvísi. – Eg lá leingi nummar fýra, men tá tað var hálvur annar kilometur eftir, fór eg fram um hana, sum hevði verið nummar 3, og eg helt meg frammanfyri hana seinasta teinin, sigur Bjørk Herup Olsen. Hon var sera fegin, tá ið hon kom um málstrikuna og harvið prógv­aði fyri sær sjálvari og øllum hinum, at hon kann vinna heiðurs­merki á Oyggjaleikum. Bjørk kom í mál við tíðini 1:24:35, og tað er føroyskt met. Bjørk skal seinni í vikuni renna aðrar tvær aðrar kapp­ingar. eydun@sosialurin.fo Eyðun Klakstein, Isle of Wight Foreldrini hjá Bjørk Herup Olsen fylgdu henni í kappingini á Isle of Wight sunnudagin – og tey vóru sera spent. Seinastu 8 kilometrarnar sást einki til Bjørk, tí tey runnu uttan fyri stadion, og tí var spenningur stórur um, hvussu støðan var, tá ið Bjørk skuldi koma á stadion. Hon lá leingi nummar 4, og tær, sum lógu aftan fyri hana, hóttu hana. Men tá ið tvær tær fremstu í renningini vóru komnar inn á leikvøllin og runnu runt breytina, var Bjørk tann næsta í røðini. Hon hevði á seinasta teininum tikið seg fram um tað triðfremstu, og hon rann frá henni seinastu løtuna. Sunneva Olsen, mamma Bjørk, var sera fegin, tá ið tað gjørdist greitt, at Bjørk hevði vunnið bronsuna. – Hetta var fantastiskt – serliga tí, at tað gekk so illa fyrstu og aðru ferð á Oyggja­leik­ unum. Hetta var væl uppi­borið, sig­ur Sunneva Olsen. – Tað sá kanska ikki so gott út fyrsta partin av renningini, og tað sá næstan út til, at hon skuldi detta niður á fimta pláss, men ístaðin stríddi hon seg fram á triðja pláss. Tað var deiligt. eydun@sosialurin.fo Bjørk vísti at hon kann OYGGJALEIKIR Fyri tveimum árum síðani kiksaði hon á Oyggjaleikunum, men sunnumorgunin vísti Bjørk Herup Olsen, at hon veruliga kann verða við í altjóða kappingum og vann bronsu í hálvum maraton Bjørk Herup Olsen fekk revansju fyri kiksaðu renningina á Oyggjaleikunum fyri tveimum árum síðani Mynd: Álvur Haraldsen Mamman gav Bjørk eitt klemm, eftir at Bjørk var komin á mál sum nummar 3 í hálvum maraton Mynd: Álvur Haraldsen Mamman var fegin OYGGJALEIKIR Mamma Bjørk Herup Olsen helt, at dóttirin hevði uppiborið at vinna heiðursmerki á Oyggjaleikum