mikudagur 29. juni 2011síða 12

Mikudagur 29. juni 2011 · Nr. 74 12 Sosialurin Ítróttur Tróndur Arge, Isle of Wight, Newport – Tað er deiligt at okur vunnu teir við fleiri hundrandapørtum, enn teir vunnu á okum í gjár, soleiðis sigur Pál Joensen, eftir at hann hev­ur fingið gullheiðursmerkið um hálsin fyri stafettina 4x50 metrar frí. Hóast Pál hevur onnur og størri mál enn oyggjaleikirnir, so lýsir gleðin úr eygunum á honum, tá hann saman við hinum fýra, ið hava vunnu gull í 4x50 metrar frí í tættari kapp­ing við Guernsey, tosa við Rás2. Mánakvøldið tapa føroysku svimjararnir fyri Guernsey í 4x50 metrar blandað við 0.04 sekundum. Tað skal ikki henda aftur eru boðini og tað sæst eisini á teimum fimm, Pál Joensen, Paula Ø. Mohr, Heðini L. Olsen, Magnusi Jákupsson og Dánjali Hestoy, at sigurin hevur stór­an týdning fyri teir. Ikki minst, at teir vinna við 0.22 sekundum, sum er 0.18 sekund fleiri enn Guernsey vann við mánakvøldið. Tað kann gott vera, at Pál hevur onn­ur og størri mál at røkka í ár, men hann tolir ikki at tapa og tað merkist á honum, at sigurin í 4x50 frí er týdningarmikil. Óskil í Medina Center Tað hevur valdað ruðuleiki í Medina svimjihøllini í Newport og tað hevur serliga gingið út yvir fjølmiðlarnir. Sjónvarpið hjá Kringvarpinum er hart rakt av hesum mánadagin. Tey uppgeva at fáa myndir frá svimj­ingini hendan dagin. Meðan áskoðarar við amatør myndatólum taka upp uttan nakað, so slappur Kring­varpið ikki at filma. Restina av fjølmiðlinum eru koyst í eitt horn við út­hurðina, har svimjararnir venda og tískil er torført at síggja hjá frásøgufólki hvør er á odda tá svimj­ararnir nærkast málinum. Alt hetta, saman við lutfaldsliga vánaligu úrslitinum gera sítt til, at einki lag er á føroyinginum tá finalu umfarið mánakvøldið endar. Týsdagurin byrjar væl Týsdagin er lagið betri. Kringvarpið sleppur eftir tógvið stríð, og við góðari hjálp frá Jon Hestoy, at filma. Svimjararnir greiða allir sína skyldu í innleiðandi umførinum. Veðrið er eitt sindur kaldari enn mánadagin og tað er eisini støðan inni í sjálvari svimjuhøllini. Damurnar aftur bestar Í 4x50 blandað hjá kvinnu er ongin slingur í valsinum. Birita Debes leggur hart út í ryggsvimjing og hinar tríggjar, Tanja Skaalum, Astrið Foldarskarð og Guðrun Mortensen, halda fast um leiðsluna allan vegin. Tær koma á mál við tíðini 1:58.82, sum eisini er nýtt oyggjaleikamet. Fyri Astrið Foldarskarð kemur sig­urin væl við, tí hon hevur stutt framm­an­undan fingið bronsu í 50 firvald og tað er hon ikki nøgd við. Tað er vendingin á 25 metrum, ið gong­ur illa, og kostar í síðsta enda dýrt. Miðal aldurin á teimum fýra í kvinnu stafettuni er 14 eitt hálvt ár. Met og gull til Pál Tað finnast nógv góð lýsingarorð um Pál Joensen og nú hevur fólki á Isle of Wight eisini fingið eina hóming av hvør føroyska tjóðarhejtan er. Í 400 metrar blandað gongur javnt á eina løtu, men tá skift verður til bringusvimjing, kemur munurin brádliga til sjóndar. Pál svimur frá hinum og tá hann kemur á mál vísur tíðin hjá honum 4:32:10, sum er nýtt oyggjaleikamet. Eisini í 200 metrar frí er Pál fyrstur á mál við tíðini 1:49.83, sum er gott hálvt­ annað sekund skjótari enn nummar tvey. Tíðin er langt frá oyggja­ leikametinum, men tað er tí at Pál í hesi kappingini velur at spara so nógvar kreftur sum hann kann til stafettina. Birita, Poula og Kaj Leo Millum teirra, ið handar heiðurs­ merki í Medina svimjuhøllini týs­ dagin er Kaj Leo Johannesen, løg­ mað­ur. Fyrsta uppgávan hjá hon­um er at handa heiðursmerki til trý tey bestu í 100 metrar rygg hjá kvinnum. Á ovastu rók við nýggj­ um oyggjaleikameti stendur Birita Debes og undir liðini á henni á næst­ ovastu rók stendur Poula Ø. Mohr. Eisini í 200 metrum bringu vinna vit gull. Turið S. Christiansen er í harðari kapping um fyrsta plássið allan vegin, men í seinastu vend­ ingini dregur hon frá og vinnur við tíðini 2:38.22, sum eisini er nýtt oyggja­leikamet. Illa nøgdur Magnus Hóast hann bara er 16-ára gamal og kappast móti tveimun sterkum svimjarum í besta aldri, so er Magnus Jákupsson einki fegin um bronsu­heiðursmerkið, ið Kaj Leo handar honum í 100 metrar firvald. Ian Powell av Guernsey vinnur við nýggjum oyggjaleikameti, men tað hevur Magnus í sinninum at gera betri í framtíðini. Púra javnt hjá Paula Áskoðararnir í høllin eru á gosi, tá Darren Mew av Isle of Wight vinnur 50 bringu svimjing. Síðani steðga øll í høllini upp eina løtu, tí talvan á vegginum vísur ikki hvat nummar Pauli Ø. Mohr er blivin. Tað gonngur ein løta, so verður sagt, at Pauli og Mikael Popov av Isle of Wight eru komnir á mál í senn við tíðini 30:55. Tað merkir, at teir fáa báðir handað silvurheiðursmerki. Góður týsdagur Sostatt endaði týsdagurin við 10 heiðursmerkjum og fýra oyggja­ leika­metum til føroysku svimj­ar­ arnar. Lagið er væl betri tá farið verður úr høllini týskvøldið enn mána­kvøldið. Vónbrotið er skolað burtur í heiðursmerkjum. trondur@sosialurin.fo Skolaðu vónbrotið burtur í heiðursmerkjum Svimjing Seks gullheiðursmerki, tvey silvur heiðursmerki, tvey bronsuheiðursmerkju og fýra oyggjaleikamet, soleiðis vaskur tú eitt vónbrot av tær. Tað er júst tað ungu svimjararnir hjá okkum gjørdu í gjár í Medina svimjihylinum á Isle of Wight Heiðursmerkjabýtið í gjár Føroyar 6 gull, 2 silvur, 2 bronsu Guernsey 3 gull, 4 silvur, 2 bronsu Isle of Wight 1 gull, 1 silvur Hetland 1 gull, 1 bronsu Isle of Man 2 silvur, 1 bronsu Jersey 3 silvur, 3 bronsu Cayman 1 bronsu Heiðursmerkjabýtið í svimjing til nú Guernsey 9 gull, 7 silvur, 4 bronsur Føroyar 8 gull, 5 silvur, 3 bronsur Isle of Man 1 gull, 3 silvur, 2 bronsur Hetland 2 gull, 1 silvur, 1 bronsu Isle of Wight 2 gull, 1 silvur Jersey 5 silvur, 8 bronsu Cayman 1 silvur, 3 bronsur Oyggjaleikamet til Føroyar í gjár Pál Joensen 4:23.01 í 400 blandað Turið S. Christiansen 2:38.22 í 200 bringu Birita Debes 1:02.80 í 100 rygg Birita, Tanja, Astrið og Guðrun 1:58.82 í 4x50 blandað Myndir: Álvur Haraldsen