mikudagur 29. juni 2011síða 16

Mikudagur 29. juni 2011 · Nr. 74 16 Sosialurin Nøvn Undir gudstænastuni sunnu­dagin í Kvívík, varð ein serlig­ur heiður sýndur Elisa­beth Finnsson, sum dagin fyri fór um tey áttati. Tey sein­astu áratíggjuni hevur hon trúført gjørt og ansað altar­dúkunum í Kvívíkar kirkju. Í sambandi við guds­ tænastuna prædikaði Berg­ tórur Bjarkhamar, prestur í Hvalvík, meðan sóknar­ prest­urin, Theodor E. D. Olsen handaði henni eina gávu frá kirkjuni. Altarið Í takkarkvøðu síni til Elisa­ beth segði Theodor Olsen millum annað hetta: Tað sæst ikki á føðingar­ dagsbarninum, men í gjár var rundur føðingardagur í Kvívík, tá Elisabeth fylti 80. Í sambandi við, at Elisa­ beth Finnsson, sum hevur tikið sær so væl av av okkara altari tey seinastu mongu árini, hevði rundan føðingar­dag í gjár, fari eg at lesa hetta sálmaørindi: Funturin minnir um skírnarnáð, altar um kvøldmáltíð sæla, orðið um Harrans hjálparráð altíð skal her verða talað; um øldir skifta, fara ár, Harrin í dag er sum í gjár, sama er trúgvin og skírnin. Soleiðis syngja vit í sætta ørindi í sálminum ”Kirkjan hon er eitt gamalt hús”. Ørindi snýr seg um kirkju­húsið, um innbúgvið, um hvussu vit innrætta kirkjuna. Onnur reglan snýr seg um altarið, og at tað minn­ir okk­um um, at Jesus sjálv­ ur stovn­aði felags­skap við okk­um við ta heilagu kvøld­ máltíðina. Sjálvt orðið ”altar” kemur av tí latínska orðinum ”altus”, ið merkir heyggur. Altarið var eisini vælkent goml­um ísraelitiskum átrún­aði, har altarið var brúkt sum eitt offur­stað, har djór vórðu slaktað. Ja, vit lesa í Fyrru Konga­bók (kapitul 9 og ørindi 25), at sjálvur Sálomin kongur læt byggja eitt altar, soleiðis at templið varð fullgjørt, sum tað stendur skrivað. Tempul Sálomons er eisini fyrimynd hjá øllum kristnum kirkjubygningum, og tí fær altarið eitt so týdningarmið pláss í okkara kirkju. Í Hebrearabrævinum, í Nýggja testamenti verður dentur lagdur á, at Kristus er sáttarofrið, sum er lagt á altarið í halgidóminum. Tí skal altarið eisini vera vakurt og væl hildið. Altarið er ímyndin av tí, at Kristus talar til okkara allar tíðir gjøgn­um orð og sakramenti. Tað er á altarinum, at vit leggja tær heilagu bøkurnar, tey heilagu kerini, og tað er á altari­num, at tey bæði stóru ljós­ini brenna, ið minna okkum á lógina og evangeli­ið, Gamla og Nýggja testamenti. Altarið skal við síni tign og sínum vakurleika minna okkum á, at ongantíð tagnar ljóðið, sum gleðir sálir her á fold. Ella vit kunnu siga sum Grundtvík yrkir í einum sálmi: O, kærleikans ond, ið leiðir Guðs lið fram at sælunnar strond, við háaltars eldi ger hjørtuni eitt, og reinsan við mildi tú knøttinum veit, so mannkynið kennir, at kristni ger ljóst, ber gleði í bróst! Trúfesti Uppgávuna at halda altarið her í Kvívíkar kirkju hevur Elisabeth Finnson røkt trú­ føst og væl tey seinastu ára­ tíggjuni. Okkum er sagt, at hon hevur heklað, orkerað og broderað tríggjar dúkar til altarið í Kvívíkar kirkju – tann eina við systrini Brynhild. Tað eru vit takksom fyri! Harafturat hevur Elisa­ beth syrgt fyri, at dúkarnir verða hildnir, stroknir, sum teir skulu, og verða skiftir, tá tann stundin kemur. – Hetta eru vit í kirkju­ ráðnum takksom fyri, sam­ stundis sum vit vóna, at Elisabeth fer at halda seg til at røkja hendan gerning í rúma tíð framyvir. Hennara partur hevur ikki ligið eftir, segði Theodor Olsen at enda í takkarrøðu síni. Hildið altarið í Kvívíkar kirkju Tøkk Hjartaliga takka vit fyri sýnda samkenslu og hjálpsemi, tá kæra mamma okkara Astrid á Dul doyði og varð jarðað. Børnini Tøkk Vit takka hjartaliga fyri sýnda samkenslu, tá elskaða kona mín, mamma, omma, dóttir, systir v/familju, mostir og fastir okkara Ragnhild Klein Mittelstein andaðist og varð jarðað. Takk fyri blómur kransar og peningagávur til Krabbameinsfelagið. Takk til prestar fyri góð og troystarrík orð og talu. Tøkk til sangarar, berarar og kirkjutænarar. Takk til øll á B6 á Landssjúkrahúsinum og Hotel Tórshavn. Takk til øll tykkum, familju, vinum og starvsfelagar, ið hjálptu til við ervinum, og fylgdu henni til hennara seinasta hvíldarstað. Takk fyri alt. Vegna familjuna Steinfinnur, Rannvá og Bárður Fyri trúføstu tænastu sína í Kvívíkar kirkju fekk Elisabeth Finnsson handað eina gávu frá sóknarprestinum, Theodor Olsen Mynd: Jens Kristian Vang GÁVU Bæði prestar, kirkjuráð, kirkjufólk og onnur vísa sítt takksemi til Elisabeth Finnsson fyri hennara leiklut í arbeiðinum við Kvívíkar kirkju - vinstrumegin: Theodor Olsen, Bergtórur Bjarkhamar og Elisabeth Finnsson Mynd: Jens Kristian Vang TAKKSEMI Malena Purkhús Klaksvík andaðist mánamorgunin 27. juni, 86 ára gomul. Kistan fer úr kapellinum mikukvøldið 29. juni, kl. 18. Jarðarferðin verður úr Betesda hósdagin 30. juni, kl. 13.30. Hanna, Hans Pauli, Kári, Sigrun, Jón og Jóhan Tey, ið ynskja at minnast Malenu við blómum ella kransi, kunnu ístaðin lata eina gávu til samkomuhúsið Betesta í Klaksvík. Konta í peningastovnunum. SunnudagSSkúlin í Ebenezer er hvønn sunnudag kl. 12.00 Øll eru hjartaliga vælkomin!