fríggjadagur 1. juli 2011síða 12

Fríggjadagur 1. juli 2011 · Nr. 75 12 Sosialurin Ítróttur Tróndur Arge – Isle of Wight Tað mangla 25 metrar av svimjingini á Isle of Wight og Pál Joensen vend­ur fyri seinastu ferð í 4x100 metrar frí. Á geilini við síðuna av er Guernsey og tað er púra javnt mill­um teir báðar. Guernsey hevur samanlagt 15 gullheiðursmerkju, meðan vit hava 14. Skulu vit leggja okkum undir liðina á Guernsey saman­lagt, so má Pál í eyka tangan at finna seinastu orkuna at leggja seg á odda. Nøkur sekund seinni er greitt, at Pál Joensen er í einum flokki fyri seg sjálvan. Fyri hvørt tak hann tekur, økist munurin millum hann og Jeremy Osborne úr Guernsey. Tá Pál kemur á mál vísur klokkan í Medina svimjuhøllini; 3:24.10. Nýtt oyggjaleikamet, gull í 4x100 metrar frí hjá monnum, og ein frá­líkur endi upp á svimjingina. Upp og niður Tað hevur gingið upp og niður hjá føroysku svimjarunum á oyggja­ leikunum. Mánadagin gekk illa, men týsdagin gjørdu vit eitt gott hál. Mikudagin gekk aftur verri og vandi var fyri einum veruligum vón­broti á Isle of Wight. Undan finalu umfarinum í gjár tordu fá at vænta tað stóra av okkara svimj­ arum. Tað skuldi tó vísa seg at verða eitt minniligt kvøld í Newport á Isle of Wight. Vónirnar um at fanga Guernsey aftur samanlagt vóru at kalla ongar, men longu í nærstu finaluni svam Pál seg til eitt gull­heiðursmerki í 400 frí. John Gallichan úr Jersey trýsti Pál til tað seinasta, men seinastu 50 metrar­ nar setti Pál ferð á og vann. Magnus Jákupsson vs Ian Powell Í fimm kappingum eru 25-ára gamli Ian Powell úr Guernsey og 16-ára gamli Magnus Jákupsson til­meld­aðir við tveimum teimum bestu tíðinum. Í 100 metrar rygg svam Magnus skjótari enn oyggja­ leikametið frá 2009, men tað gjørdi Ian Powell eisini. Hann kom á mál 0.41 sekund áðrenn Magnus og vann sostatt gullið frammanfyri Magnusi. Í 50 metrar frí hjá monnum vann Pauli Øssurson Mohr gull og Heðin L. Olsen bronsu. Minni enn eitt sekund skilti nummar eitt frá nummar seks. Birita og Poula fremst Í 50 metrar rygg hjá kvinnum vunnu vit bæði gull og silvur. Hesa løt­una var gott lag á føroysku við­ halds­fólkunum. Birita Debes var undan finaluni mett sum favorittur, meðan meiri óvist var hvussu Poula Øssurs­dóttir Mohr fór at klára seg. Tað var longu greitt tá tær vendu á 25 metrum, at Birita Debes lá væl til at vinna gull. Tí mundi størsta gleðin verða tá tað gjørdist greitt, at Poula kom var næst á mál. Í stórum stíli Svimjing Tað gekk ikki sum ætla við svimjingini á Isle of Wight, men føroysku svimjararnir settu punktum í stórum stíli. Tað var bara tann eini marginalurin, ið koppaði skeivan veg, sum gjørdi at Guernsey vann svimjingina samanlagt. Føroyar vunnu moralska sigurin, við at vinna óalmennu og seinastu kappingina í svimjingini, 8x50 metrar frí mix Tróndur Arge – Isle of Wight Fleiri ferðir komu føroysku svimjararnir á mál við eini tíð, sum var betri enn oyggjaleikametið undan hesum leikunum, uttan at vinna gull. Hetta, tí at metið bleiv sett í somu svimjing av øðrum luttakarum. Fyrsti dagurin gav greið boð um, at svimjingin hevur tikið seg nógv fram til oyggjaleikirnar í ár. Í 11 finalum vóru heili 11 nýggj oyggjaleikamet sett. Av teimum tilsamans 38 nýggju metinum, eiga vit níggju. 1: 1500m frí menn, Pál Joensen; 15:28.85 2: 200m bringa menn, Pál Joensen; 2:1596 3: 4x100 menn, Magnus Jákupsson, Pauli Ø. Mohr, Heðin L. Olsen, Pál Joensen: 3:24.10 4: 400m blandað menn, Pál Joensen: 4:23.10 5: 50m firvald menn, Magnus Jákupsson: 24.97 6: 100m rygg kvinnur, Birita Debes: 1:02.80 7: 4x50 frí kvinnur, Guðrun Mortensen, Poula Ø. Mohr, Kristina Eliasen, Birita Debes: 1:46.70 8: 50m rygg kvinnur, Birita Debes: 29.60 9: 8x50m frí kvinnur og menn, Magnus Jákupsson, Pauli Ø. Mohr, Heðin L. Olsen, Pál Joensen, Guðrun Mortensen, Poula Ø. Mohr, Kristina Eliasen, Birita Debes: 3:28.52 (8x50m mix telur ikki við í samlaðu heiðursmerkjastøðuni) Endaliga heiðurs­ merkjabýtið í svimjing 1: Guernsey 15 gull, 12 silvur, 11 bronsur 2: Føroyar 15 gull, 12 silvur, 6 bronsur 3: Hetland 5 gull, 2 silvur, 3 bronsur 4: Jersey 3 gull, 10 silvur, 12 bronsur 5: Isle of Man 2 gull, 4 silvur, 3 bronsur 6: Isle of Wight 2 gull, 1 silvur, 1 bronsu 7: Cayman 2 silvur, 4 bronsur 8: Menorca 1 bronsu Níggju føroysk oyggjaleikamet Svimjing Tað blivu sett heili 38 nýggj oyggjaleikamet á Isle of Wight. Tað sigur ikki so lítið um hækkaða støðið á svimjingini seinastu tvey árini. Av teimum 38, áttu føroysku svimjararnir níggju