leygardagur 31. januar 2004síða 8

Nr. 21 - 31. januar 2004 15 Hóskvøldið bjóðaði felagið IRIS í Klaks- vík til tíðindafund á Hotel Føroyum í sam- bandi við at kendi læknin frá sjónvarps- sendingini "Lægens Bord", Peter Q. Geisl- ing, var komin til Føroya LÆKNAVITJAN Magnus Gunnarsson maggi@sosialurin.fo Læknin Peter Qvortrup Geisling var júst komin til Havnar, tá vit hittu hann á tíðindafundinum á Hotel Føroyum hóskvøldið. Hetta er fyrstu ferð, hann er í Føroyum, so hann er spentur uppá at vitja tey ymisku støðini og at upp- liva føroysku náttúruna. Peter sigur, at eitt av endamálunum við ferðini er at koma í samband við føroyska fólkið, og at tey sum koma at lurta eftir hon- um á teimum ymisku støð- unum skulu hava eitt gott upplivilsi. Hann fer m.a. at siga frá hvussu sjónvarps- sendingarnar "Lægens bord" verða gjørdar og um ymiskar stuttligar og meira álvarsligar hendingar, hann hevur verið úti fyri. Hann vónar at fólk eru opin og tora at seta honum spurningar. Hann sigur, at tað er ógvuliga ymiskt frá einum staði til annað í Dan- mark, hvussu frí og opin fólk eru, summastaðni seta tey nógvar spurningar tá orðið er frítt, og aðrastaðni koma tey aftaná og seta honum spurningar. Peter fylgir væl við hvussu nógv fólk hyggja eftir hansara sendingum. Um hann til dømis gevur "månedens buket" einar tvær ferðir í einum øki, har hyggjaratalið hevur verið heldur lágt, vísir tað seg, at hyggjaratalið veksur mun- andi. Børnini fylgja væl við Hann fær nógvar teldu- postar og brøv frá fólki, ið hyggja eftir hansara send- ingum, umleið 400 um mánaðin. Tað er bæði "rís og rós" hann fær. Hetta heldur hann vera sera positivt, at fólk geva seg til kennar, eisini við kritikki, tí tað er við til at menna send- ingarnar og gera tær betri. Hann sigur, at hann einaferð fekk eitt bræv frá eini konu sum saman við lítla soni sínum var á eini servicestøð, tá Peter keypti bensin til sín gamla Mazda MX-3 frá 1992, sum hann keypti sum brúktan í 1997. Sonurin sær, at Peter kemur út við tveimum fronskum hot-dogs í hondini og helt fyri við mammu sína, at tá sjónvarpslæknin kundi eta so ósunnan mat, so kundi hann tað eisini. Mamman helt, at Peter í hesum føri var eitt vánaligt fyridømi fyri son hennara. Hetta vísir bara, at hann heldur ikki kann gera sum hann vil, tá hann hevur frí. Lægens Bord í Føroyum Peter kundi hugsað sær at gjørt nakrar sjónvarpssend- ingar úr Føroyum til "Læg- ens Bord" við føroyskum sjúklingum. Har kundi hann m.a. greitt frá um føroyska heilsuverkið, eis- ini við søguligum atliti. Peter Q.Geisling er út- búgvin journalistur og lækni. Hann brúkar báðar hesar útbúgvingarnar í arbeiði sínum. Hann skal vitja á Lands- sjúkrahúsinum, á Klaks- víkar Sjúkrahúsi og skúla- næmingar í Klaksvík. Um- framt tað verða tveir al- mennir fyrilestrar. Í Norð- urlandahúsinum leygar- dagin kl. 15.00 og á Hotel Norð sunnudagin kl. 19.00. Fleiri eru í uppskoti til at fáa "månedens buket". Ein verður latin í Norðurlanda- húsinum leygardagin og ein á Hotel Norð sunnudagin. Tað eru Niclas Heri Jákupsson og Jógvan Elia- sen frá felagnum IRIS í Klaksvík, sum skipa fyri ferðini í Føroyum. Peter Qvortrup Geisling: Møguliga »Lægens Bord« í Føroyum Journalisturin og læknin, Peter Qvortrup Geisling, frá sjónvarpssendingini "Lægens Bord" er fyri fyrstu ferð komin til Føroyar. Hann kundi hugsað sær at gjørt nakrar sendingar úr Føroyum Mynd: Álvur Haraldsen Jógvan Eliasen frá felagnum IRIS í Klaksvík og Peter Qvortrup Geisling frá væl umtóktu sjónvarpssendingini "Lægens Bord" Mynd: Álvur Haraldsen 15 14 Nr. 21 - 31. januar 2004 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Tøkk Vit takka hjartaliga tykkum øllum, sum sýndu okkum samkenslu, tá elskaði maður mín, pápi, verpápi og abbi okkara Sofus M. Jakobsen so brádliga fór heim til Harran. Tøkk fyri blómur, kransar, gávur til trúboðarar og fyri allar troystarríkar heilsanir og umsorgan. Tøkk til øll tykkum, sum fylgdu honum og hjálptu til í sambandi við jarðarferðina. Hjartaliga tøkk øll somul. Harrin signi tykkum øll. Agnas, Árni, Bjarni, Finn og Elin Tøkk Vit takka hjartaliga fyri sýnda samkenslu tá pápi, abbi og langabbi okkara Jens Erik Arge Argir doyði og fór til gravar. Tøkk til Bergur D. Joensen, prest og sangarar og tykkum, sum fylgdu honum til hansara seinasta hvíldarstað. Tøkk til leiðslu og starvsfólk á Lágargarði fyri ta tíð hann var har. Børnini Tøkk Hjartaliga takka vit øllum tykkum, sum á ymsan hátt sýndu samkenslu tá okkara kæri pápi, verpápi, abbi og langabbi Andreas Olsen vanliga nevndur Líðar Tvøroyri doyði og varð jarðaður. Okkara serligu tøkk til starvsfólki á Suðuroyar Ellis- og Røktarheimi, sum vóru so góð við hann. Takk fyri peningagávur til Ellisheimið. Takk fyri blómur og kransar – ein serstøk tøkk til Jónsvein Bech prest, fyri troystarrík orð. Tøkk til organist og sangarar og tykkum, sum fylgdu honum til hansara seinasta hvíldarstað. Familjunnar vegna Børnini Leygardagin 21. februar verður veitsla fyri støk í aldrinum frá umleið 40-60 ár í húsunum hjá Starvs- mannafelagnum í J.H. Schrøtersgøtu 9 í Havn Tað eru tey bæði Dagbjørt Hjaltalin og Ólavur Groth, sum skipa fyri tiltakinum. Tey siga, at her verður serliga hugsað um tey støku í aldrinum frá 40-60 ár ella har á leið, men onnur eru eisini vælkomin. Bæði mannfólk og kónufólk eru vælkomin. Har verður møguleiki at eta, dansa, práta og hugna sær saman. Á skránni verður kalt borð og tað sum har til hoyrir. Drykkivørur kunnu eisini keypast á staðnum. Aftaná verður dansur og endað verður kl. 02.00 við súpan. Dagbjørg og Ólavur siga, at tey eru støk, og tey vita, at tað eru nógv onnur, sum eru í somu støðu sum tey. Tí eru tey sannførd um at tørvur er á eini slíkari veitslu, har tey kunna hugna sær saman. Í øðrum londum verður javnan skipað fyri slíkum tiltøkum fyri støk og fólk eru glað fyri tað, siga tey. Veitslan byrjar leygar- kvøldið kl. 20.00 og hildið verður á til kl. 02.00 um náttina. Dansað verður eisini til 60-ara musikk. Áhugað kunnu tekna seg við at flyta peningin á konto í 407.410.7 í Suður- oyar Sparikassa. Á flyting- ini skal standa navn, bú- staður og evt. telefon- nummar. Veitslan kostar 250 krónur og kvittanin verð- ur nýtt sum atgongu- merki. Seinasta freist at gjalda er hósdagin 12. februar. Luttakaratalið er sett til max 100 fólk, so best er at tekna seg sum skjótast, verður sagt. Áhugað eru vælkomin at ringja til Dagbjørg ella Ólavur um okkurt er at spyrja um. Dagbjørg tlf. 258833 og Ólavur tlf 220589. Tey hittast best millum kl. 16 og 22. Sí annars lýsing í Lýs- ingartorginum undir teig- inum "dansur". Veitsla fyri støk Ólavur Groth og Dagbjørg Hjaltalin skipa fyri veitsluni fyri støk í húsunum hjá Starvsmannafelagnum leygarkvøldið 21. februar Mynd: Jens Kristian Vang C M Y K 14