mikudagur 6. juli 2011síða 13

13 Mikudagur 6. juli 2011 · Nr. 77 Sosialurin Ítróttur Rólant Waag Dam Tað er merkisvert. Tríggjar út­rokn­ ingar gjørdar av fólkum, óheft av hvørjum øðrum, geva øll neyvt somu úrslit. Rumenski Eduard Ranghuic og football-rankings.info, runa­víkingurin Jákup Emil Hansen og Fótbóltssamband Føroya koma øll fram til, at Føroyar runt roknað hava vunnið sær, runt roknað, 0,07 stig fleiri enn Wales sambært út­ rokn­ingarleistinum hjá FIFA. Aðal­ skrivarin í FSF, Virgar Hvidbro, hevur eisini eina munnliga, tó óal­ menna, fyribils váttan, sum sigur, at hesar útrokningar eru púra beinar. Kortini valdi altjóða fótbólts­ sambandi at seta Wales omanfyri Føroyar á styrkislistanum – og tað er undrunarvert. Tilvitað val Tað fær illa verið annað enn eitt tilvitað val, at FIFA ger soleiðis. Føroyar hava jú vunnið fleiri stig og eiga tí at vera frammanfyri. Gamaní, FIFA brúkar ikki brøkpartar á al­ menna listanum, men tað gera teir í útrokningunum, listin byggir á. Tí eiga Føroyar at vera frammanfyri. Var tað soleiðis, at Føroyar og Wales høvdu vunnið neyvt sama stigatal, so var støðan ein onnur. Sum vit áður hava verið inni á, er bókstavaraðið heldur ikki nýtt í samband við plaseringina, tá F flestum kunnugt kemur áðrenn W. Ein onnur frágreiðing kundi verið, at av tí, at Wales lá omanfyri Føroyar, tá FIFA kunngjørdi styrkislistan fyri mai og tískil liggur omanfyri, nú bæði londini runt roknað hava 273 stig. Men her hava vit dømi sum tala fyri, at hetta ikki er vanlig manna­gongd. Snýtti FIFA Føroyar? Spurningurin er so, hví FIFA eftir øllum at døma tilvitað velur at geva Wales sessin omanfyri okkum, tá alt talar fyri, at sessurin – og harvið eisini plássið í styrkisbólki 5 – er okkara? Tað eru røddir, sum hava róð upp undir, at tað er lítið av miklum hjá FIFA at flyta Føroyar eitt pláss á styrkislistanum, um hugt verður eftir øllum øðrum, felagsskapurin er ákærdur fyri. Serliga í Bretlandi hava ákoyr­ ingarnar í móti FIFA verið harð­ar. Andrew Jennings, BBC-journa­list­ urin, hevur avdúkað nógvan rotin­ skap, mutur og ullint viðurskiftið í FIFA-familjuni, sum felagsskapurin ofta kallar seg. Haraftrat fekk Ongland ikki verts­skapin fyri HM-enda­kapp­ ingini í 2018, sum sjálvsagt ikki gjørdi at­finn­ingarnar mótvegis felags­skapinum minni. Og so seint sum fyri einum mánaði síðani var bretski for­sætis­ráðharrin David Cameron frammi við kritikki av FIFA. Við hesum í huganum er ikki óhugs­andi, at FIFA heldur enn gjarna sær, at atfinningarnar úr Stóra Bretlandi ikki skulu gerast fleiri í tali. Men styrkislistin hjá FIFA stað­festir, at Føroyar eru betri enn Wales, sum so aftur hevur við sær, at Wales verður mett á sama støði sum eitt nú Andorra, San Marino og Malta, hóast liðið telur stjørn­ur sum Craig Bellamy, Aron Ramsey og Gareth Bale Tá tað er støðan, er tað nógv, sum bendir á, at okkurt er galið við styrkislistanum hjá FIFA. Hetta hevði helst fingið bretskar miðlar upp úr stólinum og ákoyringarnar haðani høvdu ivaleyst verðið harð­ ari enn nakrantíð. Hesa støðu ynskir FIFA helst at sleppa undan, og tí gjørdist støð­ an á styrkislistanum – kanska – soleiðis, sum hon bleiv. Møguliga offr­aði FIFA Føroyar í eini roynd at sleppa undan uppaftur fleiri at­ finn­ingum. Tí skal FSF trýsta FIFA og krevja ein útgreinaða útrokning, so alt kem­ur undan kavi. Júst sum FSF ger í løtuni. rolant@sosialurin.fo Offraði FIFA Føroyar? fifa-listin FIFA-LISTIN Hvussu ber tað til, at FIFA valdi at seta Wales frammanfyri Føroyar á styrkislistanum, tá útrokningar vísa, at Føroyar hava fleiri stig? Hetta er ein spurningur, mong seta og sum vit nú royna at svara FIFA og Sepp Blatter eru ikki kend fyri opinleika og erligt spæl Tilgjørd mynd Hóast sama stigatal, 273, hevur FIFA sett Wales omanfyri Føroyar á styrkislistanum fyri juni. Útrokningar hjá football- rankings.info, Jákup Emil Hansen og Fótbóltssambandinum vísa hinvegin, at Føroyar eru, runt roknað, 0,07 stig frammanfyri Wales. Støðan á styrkislistanum er avgerðandi fyri, hvørjum styrkisbólki Føroyar enda í. Enda vit omanfyri Wales, flyta vit ein styrkisbólk upp og kunnu sostatt møta londum sum Malta og San Marino. FSF hevur kravt FIFA eftir eini frágreiðing, har útrokningarnar verða út­ greinaðar. Málið í stuttum: