mikudagur 6. juli 2011síða 15

15 Mikudagur 6. juli 2011 · Nr. 77 Sosialurin Í 1965 var ein norðurlendsk stevna í Føroyum, og tá vórðu hesar myndirnar tiknar í Havn á ólavsøku. Dreingirnir standa framm­ an fyri norska skipinum Gann, sum kom til Føroya við gest­unum. Tone Stålesen, sum við tá og hevur vitjað aftur í Før­ oyum, minnist, at teir fimm dreingirnir á myndini vóru brøður, og teir høvdu eisini ein lítlan beiggja, sum lá í barnagarði. Gentan varð avmyndað á Skansanum. Um nakar veit navnið á børnunum, sum nú eru vaks­ in fólk, eru tey vælkomin at venda sær til Sosialin. randi@sosialurin.fo Kennist nakar við tey Vit ynskja við hesum at heiðra pápa okkara, ið verður 75 ár 7. juli. Babba varð føddur á Skála 7. juli 1936. Hann er sonur Krist­ian og Jensinu Davidsen í Gerðinum á Skála. Babba er yngst­ur av 8 systkjum. Hann flutti ungur til Havnar, har hann fór at læra elektrikara hjá Viggo Andreasen. Hesa tíð­ina búði hann hjá systir síni Onnu Fíu og sváginum Andri­ as í køkubúðini. Eftir lokið læruskeið fór babba nið­ur til Danmarkar at ogna sær prógv sum el- installatør og byrj­aði egið el- installatør virki. Síðani møtti hann okkara kæru mammu, Hedvig, sum er dóttir Ninnu og Dáva Peter­sen úr Saltnesi. Tey giftust í 1965. Tey fyrstu árini búðu tey í Fjósatúni og fluttu tey seinni niðan í Varðabú. Babba hevur roynt eitt sindur av hvørjum. Í mong ár hevði hann egið virki. Flestu munnu óivað minn­ast Lampubúðina og Atlas­búð­ ina. Hann arbeiddi eisini hjá Tryggingini í nógv ár. Eftir at babba fór frá Tryggingini, settist hann ikki hendur í favn. Dugnaskapur og áræði eru tveir av hansara egin­leik­ um og hava júst hesir virkað til, at hann enn hevur egið virki; Búgv, ið leigar hús og íbúðir út. Babba er í øllum lívsins viðurskiftum ein tryggur stuð­ul. Hann hevur ráðini, tá góð ráð eru dýr. Altíð er hann klárur og førur fyri at hjálpa og evnini eru góð og mong. Babba hevur eginleikan, at hann fer gjøgnum heilt. Har onnur hava hug at setast aft­ ur og siga alt vera vónleyst, heldur babba áfram við dirvi og góðum treysti. Tá babba setir sær eitthvørt fyri, er heilt víst, at hann fær hetta í lag. Orka og áræði trýta ikki hjá pápa okkara. Altíð hevur hann verið raskur og væl fyri kroppsliga. Í nógv ár hevur hann svomið hvønn morgun og er hann ikki bangin fyri at klatra upp á hægstu tekju. Eitt av hansara mongu avrikum er, at hann, fyri heilt fáum árum síðani, súkklaði úr Havnini og heilt inn á Skála. Framsíggin er hann sum fáur, hugskotini eru mong og dirvið er stórt. Babba hevur eitt lætt sinni, er jaligur og dugir at síggja tað stuttliga í øllum. Hansara stóru umsorgan merkja vit hvønn dag. Hann er áhugaður í, hvussu vit øll hava tað, og er hann altíð klárur við troystarríkum orð­ um og eini hjálpandi hond. Babba dylir ikki fyri, at trúgvin á Jesus fyllir nógv í lívi hansara og hann hevur málað Jesu myndina klárt fyri eygum okkara. Góði babba, vit elska teg og eru sera stolt av tær. Hjartaliga til lukku við deg­ num ynskja vit tær. Børn tíni Kristian, Ninna, Mirjam, Dávid og Hanna Hjalgrim Davidsen 75 ár Jarðarferðin við Dánial Johansen Av Strondum verður í Sjóvar kirkju hósdagin kl. 14.00. Familjan Fríggjadagin tann 1. juli, fyngu hesi prógv, sum Bachelor Of Architectural Technology And Construktion Managment (byggifrøðingar) á VIA University College í Horsens. Á myndini eru frá vinstru Regin Gaard Fossaberg Tórshaven, Einar Toftegaard Saltangará, Kristoffur A. Olsen Klaksvík, Ragnar Nielsen Oyndafjørður, Ada Kristina Petersen Sandur, Elin Højgaard Klaksvík, Allan Svabo Jónsson Miðvágur og Óli Højgaard Olsen Leirvík. Á myndini vanta Høgni Joensen Miðvágur, Hanus Jacobsen Syðrugøta, Rúni Kruse Tórshavn, Olgar Mortensen Vágur, Nýklaktir Byggifrøðingar