mikudagur 6. juli 2011síða 71

vika 27 l 4. juli 2011 39 vestanstevna Vestan stevnuna 2011 7 síður um: Vilmund Jacobsen Vágoyggin er við síni vøkru og óspiltu náttúru sera væl egnað til gongu­túrar. Her er møguleiki fyri løttum túrum, eitt nú suður í Oyrar, fram við størsta vatninum í Føroyum, út á Bøsdalafoss og Træla­nípu. Norður á Fjallavatn, sum er næst størsta vatn í Føroyum, har sum Seyðamaðurin á Sondum stjól stakk­in frá huldukonuni í Húsagjógv, er eis­ini ein lættur túrur. – Vit kunnu eisini bjóða tyngri gongu­túrar, sum niðan í Gásadal, norður á Víkar og upp á høgu fjøll­ ini í oynni. Allar hesar túrar kanst tú gera einsamallur, men um tú veruliga vilt fáa nakað burtur úr, er best við ferðaleiðara. Vága Kunningarstova vísir á, at hevur tú hug at koma runt úti í náttúruni, men vilt sleppa undan at ganga, er Davidsen’s hestar ein góður møguleiki, tí eisini hestatúrar er nakað, sum Vágoyggin er sera væl egnað til. – Ein serstøk uppliving, sum tú bara fært í Vágum, er at sigla eftir Vatninum við Lakeside. Hetta er avgjørt ein uppliving fyri lívið, og tað er eingin forðing, um tað regnar. Ein siglitúrur við M/S Brynhild út í Tindhólm, til Mykinesar ella undir Sørvágsbjørgini er avgjørt nakað, sum er vert at uppliva. – Tindhólmur við síni serstøku náttúru og søgu er nakað sum ein bara má uppliva. Hesir túrar verða gjørdir við ferðaleiðara eftir avtalu, men bert fyri bólkar, sum í minsta lagi mugu telja 15 fólk. Vága Kunningarstova vísir á, at eitt annað, sum bara tey í Vágum kunnu bjóða, er Krígssavnið. – Vágoyggin var sera nógv merkt av krígnum, og ber til at fáa innlit í hesa tíð við at vitja á Krígssavninum sum er opið allar gerandisdagar frá klokkan 9-16 og leygardag og sunnu­dag frá klokkan 14-17 í summar­hálvuni. Lagt verður aftrat, at Vág­ oyggin eisini er væl fyri við gistingar­møguleikum. Í oynni er bæði »guest­house«, gistingarhús, vallara­heim, summarhús og ból og biti. – Jú, Vágoyggin er nakað heilt fyri seg, og vit kunnu fyriskipa alt, hvat tað skal vera. Seti tykkum í samband við okkum á vagar@ vagar.fo. vilmund@sosialurin.fo Vágoy nakað heilt fyri seg – Vit hava nógv at bjóða fólki, sum vilja hyggja seg um í óspiltari náttúru, og her eru góðir gistingarmøguleikar, sigur Vága Kunningarstova