fríggjadagur 8. juli 2011síða 39

Sosialurin nr. 78 · 8. juli 2011 7 og motiverandi, størri skúlaeindir og sterkari pedagogiskar leiðslur. Eftirspurningurin eftir ólærdari ar­ beiðsmegi er støðugt minkandi, meðan tørvurin á heitum hondum at røkja vælferðartænasturnar verður alsamt vaksandi um fá ár. Tí skulu øll, eisini vaksin við lítlari ella ongari útbúgving, hava reellan møguleika at nema sær útbúgving og eftirútbúgving. Hetta loysir seg í longdini, tí rættir før­leikar geva fleiri frísk ár á arbeiðs­markn­að­ inum. Sperdir fjølmiðlar Tú hevur starvast sum blaðkvinna á Sosialinum. Hvørji skoðsmál gevur tú føroyskum miðlum, og hví? – Miðlanir eru fíggjarliga so illa sperdir, at eitt skoðsmál hevði verið órætt­víst. Har eru dugnalig starvsfólk á øll­ um miðlum, sum bæði vilja og duga at framleiða dygdargóðan, óheftan journa­listikk. Umvegis skattin skuldi Kring­varpið fingið umstøður at fram­ leitt føroysk upprunatilfar burturav. Hin­vegin skuldu privatu miðlanir átt lýsinga­marknaðin, eins og í øðrum upp­lýstum, demokratiskum londum, har opinleiki og ein virkin almenningur eru høgt í metum. Hvat heldur tú um at seta kynskvotu á tingumboðanina? – Nei, eg hevði ikki viljað verið hon, sum varð tikin fram um eitt fólkavalt mannfólk! Hinvegin skulu kvotur vera í al­mennum og privatum nevndum og ráð­um. Ræðandi ójavnstøðan, til dømis í bankaleiðslunum, ger, at eg nú taki fult undir við kvotum í privatum nevnd­um eisini.   Hvat heldur tú um verkætlanina Salt? Hvønn útjaðarapolitikk skal løgtingið føra? – Salt ger tað vónandi hugaligari at liva í Suðuroynni. Men nógv meiri skal til fyri at venda gongdini. Her má bæði hugsast stórt og eitt sindur ørt. Ein Suðuroyar­ grunnur við granskingarstuðli úr ES og aðrastaðni frá kundi verið karmur um eina granskingar- og royndarstøð, har endamálið var vinnulig nýhugsan innan t.d. burðardygga orku, taraframleiðslu, aling á sjógvi og landi og annað. Hetta hevði skapað arbeiðspláss og lokalan vøkstur, og kundi í longdini gagnað restini av landinum. Skal verða liviligari í Føroyum Hvussu fær føroyska samfelagið lærdu útisetarnar heimaftur? – Demografiski skeivleikin og fólka­ minkingin er okkara størsta avbjóðing. Vit verða ov fá, sum skulu rinda fyri tey mongu um fá ár. Tí má tað gerast liviligari í Føroyum, so fólk tíma at búgva her. Tá vit standa á lívsins vega­móti og skulu velja familjuni eitt heimland, eru bústaðarviðurskiftini og barna­skúlin avgerandi. Her hugsi eg um frælsi at kunna leiga ella eiga, og ein skúla, sum stendur mát við granna­londini. Avbjóðingin er eisini at fáa met­høga føroyska prísstøðið nið­ur og vanliga livistøðið upp. Hetta krevur eitt nú lagaligari bústaðarlán, gjarna úr einum almennum lánigrunni, eina rættvísari skattaskipan, har øll eru við til at rinda, ein burðardyggan fisku­vinnu­reform, so teir fáu ikki skúma róman og menning av grønari og bíligari orku. Eisini mugu vit vísa í verki, at vit vilja vera eitt vælútbúgvið, modernað og upplýst norðurlendskt væl­ferðar­samfelag við einum livandi og fræls­um mentanarlívi. Hvør er tín politiska fyrimynd, og hví? – Skal eg bara velja ein persón, so velji eg abban, Petur Mohr Dam, sum var millum stovnarar Javnaðarfloksins, for­ maður floksins í hálva øld og løgmaður landsins. Tað sigst, at longu sum átta ára gamal lovaði hann mammu síni, Sáru Mariu av Heygum úr Vestmanna, sum dóttir okkara er uppkallað eftir, at hann fór at stríðast fyri, at ongin einkja skuldi sita í somu trongstøðu sum hon. Pápin, Óla Christian Dam úr Kollafirði, fórst á sjónum í 1907, og neyðin man hava kenst nívandi í barn­ dóms­heiminum í Skopun, har mamman sat eftir við fimm smáum børnum. Eg haldi, at vit kunnu siga, at hann helt sítt lyfti! – Demografiski skeivleikin og fólka­minkingin er okkara størsta avbjóðing. Vit verða ov fá, sum skulu rinda fyri tey mongu um fá ár. Tí má tað gerast liviligari í Føroyum, so fólk tíma at búgva her, sigur Rigmor Dam, valevni fyri Javnaðarflokkin Stríðið um valdið... Politisku flokkarnir brynja seg til stríðið at fáa tín kross á løgtingsvalinum. Tað verður ikki uttan svørslag. Floksformenninir hava lagt ætlanina, og allar snildir verða brúktar fyri at sannføra teg um, at tín atkvøða er neyðug fyri at menna fólkaræðið. Sosialurin fer komandi vikurnar at taka pulsin og varpa ljós á valstríðið. Vit práta við valevni, sum ætla sær á ting á fyrsta sinni, umframt at seta serfrøðingum stevnu um politikk og valstríð. Fakta Navn: Rigmor Dam Aldur: 39 ár Flokkur: Javnaðarflokkurin Bústaður: Tórshavn Yrki: Kunningarráðgevi hjá Starvsmannafelagnum Fyrrverandi yrki: Í fiski, við kassan, á posthúsi, á dagstovni, lærarinna og journalistur Útbúgving: Lærarinna Aðrir flokkar hava samband ella loysing sum fremsta mál, og tí sigi eg: Lat meg sleppa at byggja land, meðan tit stríðast um loysingina! mynd: tjóðveldi David Isfeld, Tjóðveldi Næstu ferð: