mikudagur 13. juli 2011síða 20

Mikudagur 13. juli 2011 · Nr. 80 20 Sosialurin Ítróttur Tróndur Arge Í juni mánaði í 2007 komu tá­ver­ andi heimsmeistarnir til Føroyar. Ongantíð áður og ongantíð síð­ani hevur føroyska landsliðið spælt móti einum verandi heims­meistara. Maðurin, ið lyfti heimsmeistara­ steypið upp um høvd eftir finalu­ sigurin, er ongin minni enn Fabio Cannavaro. Maðurin, sum árið fyri gjørdist fyrsti verjuleikarin, ið bleiv kosin heimsinsbesti leikari. Hann er við á ferðini og um armin hevur hann liðskiparabandið. Yvirav honum stendur ein enn størri maður – likamliga væl at merkja. Hóast Rógvi Jacobsen um hetta mundið er føroyameistari við HB og nærkast metinum sum mest skorandi føroyski landsliðsleikarin, so er langt upp til heimsins besta heimsmeistara. »Himmalvíður munur á Cannavaro og Matarazzi« Sjálvur dysturin endar við einum 2-1 sigri til Italia. Hóast Fabio Cannavaro er í miðverjuni, so megnar italska verjan ikki at verja fyri klaksvíkinginum, tá hann fær eitt gott innlegg úr høgru. Rógvi setur pannina á og skorar eitt vakurt og minniligt mál. – Eg minnist væl tann dystin. Fabio Cannavaro var blíður og vinarligur gjøgnum allan dystin. Tað var ein himmalvíður munur á at spæla yvirfyri honum og so Marco Matarazzi, sum allatíð skuldi spæla harður, sigur Rógvi Jacobsen. Eftir dystin býttu Rógvi og Canna­varo um troyggju. – Vit avtalaðu at býta um troyggju, men hann segði at vit skuldu gera tað aftaná vit vóru komn­ir inn í FSF húsið. Har stóð hann so og bíðaði og var sera fyri­ komandi. Hann er ikki av størstu monnum, so troyggjan er í minna lagi, sigur Rógvi Jacobsen góð fýra ár eftir dystin. Troyggjan liggur í eini skuffu Tá Sosialurin ringir fyri at frætta um troyggjuna, fer Rógvi at yvast hvar hon liggur. Eftir eina løtu kemur hann fram til, at hon helst er í Klaksvík. – Allar landsliðstroyggjurnar liggja í eini skuffu. Eg havi ikki hugsa um at hongt hana upp, men tá eg síggi hann spæla, so hugsi eg um at eg eigi eina troyggju av hon­ um, sigur Rógvi Jacobsen víðari. – Eg haldi at beiggi mín hevur spælt innandura í henni onkuntíð, men annars verður hon ikki nógv brúkt, sigur Rógvi Jacobsen, sum í returdystum í Italia skoraði sítt tíggj­unda mál í landsliðshøpi. Tað er met. Alt byrjar í Napoli Fabio Cannavaro var føddur í Napoli í 1973. Sum ungur spældi hann við Bagnoli, men longu sum 15-ára gamal hevur Napoli fingið eyguni fyri góðum fótbóltseginleikunum hjá honum. Í 1988 gongur leiðin á fyrsta sinni til Napoli. Fyrstu árini var hann bóltadrongur, meðan leikarar sum Diego Maradona og Ciro Ferrara ráddu fyri borgum. Rógvi Jacobsen um troyggjuna hjá Fabio Cannavaro: Hon er í m Fótbóltur Hann er bara 177 sentimetrar til hæddar, men ein av størstu verjuleikarunum í fótbóltssøguni. Hann er blíður og fittligur á vøllinum, men ein marra at spæla ímóti. Hann hevur spælt fleiri landsdystir enn nakar annar italiumaður, og er fyrsti og einasti verjuleikarin, ið er kosin til heimsins besta fótbóltsleikarar. Í farnu viku boðaði Fabio Cannavaro frá, at hann gevst at spæla fótbólt Heimsmeistari á Tórsvølli Fabio Cannavaro og Rógvi Jacobsen í hornatøkum í landsdystinum millum Føroyar og Italia á Tórsvølli, juni 2007 Mynd: Álvur Haraldsen