fríggjadagur 22. juli 2011síða 14

Fríggjadagur 22. juli 2011 · Nr. 84 14 Sosialurin Ítróttur Hilmar Jan Hansen Club Brugge, sum hevur verið belgiskur meistari 13 ferðir og steypa­vinnari 10 ferðir, tekur klokk­ an 19.30 ólavsøkuaftan ímóti FK Qarabagh á Jan Breydel-leik­vøll­ i­num, har pláss er fyri yvir 29.000 áskoðarum. Men tað kundi akkurát tað sama verið EB/Streymur, ið helt ólav­søku í Belgia! – Vit høvdu ein stóran kjans í síðstu minuttunum, ið kundi gjørt, at vit struku avstað við tí heila, tá Arnar Dam kom at standa í góð­ ari støðu inni í brotsteiginum hjá teimum. Men hann fekk eitt skump, so tað bleiv ikki til meira enn at sletta bóltin ímóti málinum. Fleiri aðrir av okkara monnum vóru eisini um boðið í hesi støðuni, men heimaliðið fekk ruddað burtur, sig­ur Heðin Askham, venjari hjá EB/Streymi, ið sat við blandaðum kensl­um eftir dystin. – Hetta er nakað løgið nakað. Vit hava fingið tveir javnleikir og eru allíkavæl ikki víðari, og tað eru vit sjálvandi øgiliga keddir um, sam­stundis sum vit mugu ásanna, at soleiðis skuldi tað bara ikki vera. Vit eru eitt sindur skuffaðir, men kunnu allíkavæl hyggja hvønn­ annan í eyguni, tí allir gjørdu sítt besta, so fingurin kann ikki setast á nakað. Hóast dysturin var so seint sum klokkan 21 lokala tíð, var hitin so mikið nógvur á Tofiq Bahramov- leik­vøllinum í Baku, at makedonski dómar­in gjørdi av, at tveir stuttir steðg­ir skuldu vera í hvørjum hálv­ leiki, so spælararnir kundu fara út til síðulinjuna at fáa sær ein vatn­ sopa. Hildu nullið Dysturin byrjaði annars við einum øgi­ligum trýsti frá FK Qarabagh, sum samanlagt í dystinum eisini hevði tey betru hagtølini. Turri­s­liga kann staðfestast, at í horna­spørkum var 8-0 til heima­ lið­ið, í málkjansum innan fyri mál­ rammuna 2-0 og í royndum, sum ikki raktu málið, var 9-2. Men úrs­lit­ ið av dystinum var altso 0-0, ið EB/ Streym­ur hevði sera stóra æru av! – Okkara uppgáva var at halda null­ið sum longst, samstundis sum mótstøðuliðið frá fyrstu løtu skul­ di royna at jagstra málið, ið kundi tryggja víðari luttøkuna. Tað gjørdi teir í FK Qarabagh eisini, men sjálvt um teir vóru flúgvandi í fyrra hálvleiki, sóu vit, at teir kundu ikki blíva við upp á tann mátan allan dystin, sigur venjarin hjá EB/ Streymi. – Trýstið var slett ikki tað sama í seinna hálvleiki, har vit framvegis arbeiddu eftir sama setningi, at vit skuldu halda okkara mál reint. Tá so 10 minuttir vóru eftir, valdu vit at satsa, so Sorin Anghel var fluttur fram í álopið og vit bara høvdu tríggj­ar eftir í verjuni. Hesa løtuna kom EB/Streymur eisini til fleiri møguleikar, og ser­ liga gjørdist tað vandamikið, tá sunda­lags­menn fingu innkøst, sum Gert Hansen fekk kastað heilt inn í brots­teigin hjá vertunum, har fleiri góð­ar støður spurdust burturúr. Tað rakk bara ikki heilt á mál. Sera góðir karmar – Hetta var annars eitt heilt fantast­iskt upplivilsi, tí karmarnir vóru av tí allarbesta. Nógv fólk var til dystin, og har var ein øgiligur gang­ur frá teimum. Hetta var heilt nak­að annað, enn vit upplivdu, tá eg fyri trimum árum síðani var her við U21-landsliðnum og næstan einki fólk var og hugdi, sigur Heðin Ask­ham, ið ta ferðina eisini fekk javn­leik, 2-2. – Yvirhøvur er áhugin fyri FK Qara­bagh stórur her niðri, tí bara til venj­ing­arnar er fult av áskoðarum, ið sjálvt tá geva ljóð frá sær. Her kann so nevnast, at fyrst í 90-unum var Nagorno-Qarabagh javn­an at hoyra í tíðindunum, tí har var kríggj, sum endaði við, at Armenia tók landspartin, har Qara­ bagh hoyrir heima. Tí eru við­halds­ fólkini í veruleikanum í útlegd í Baku og aðrastaðni í Aserbaidjan, og tað sást millum annað aftur á nøkr­um av skeltunum, tey vístu fram undir dystinum. Sorin í serflokki Minuttir og millimetrar Fótbóltur EB/Streymur var í gjárkvøldið so nær við at koma víðari í Europa League, sum tað ber til, men kortini eydnaðist tað ikki. Sundalagsmenn hildu nullið, men fingu tíverri einki burtur úr síðsta stóra kjansinum í dystinum. – Allir gjørdu sítt besta, so fingurin kann ikki setast á nakað, sigur Heðin Askham, venjari FK Qarabagh-EB/Streymur 0-0 Europa League, hósdagin 21. juli kl. 17, á Tofiq Bahramov-leikvøllinum í Baku Dómari: Goran Spirkosi, Makedonia FK Qarabagh: Bojan Pavlovic – Maksim Medvedev, Rashad A. Sadigov, Namig Yusifov, Rashad F. Sadigov – Rauf Aliyev, Vuqar Nadirov (Nderim Nedzipi, 73.), Afran Ismayilov (Ilgar Gurbanov, 89.), Admir Teli – Ansi Agolli, George Adamia EB/Streymur: René Tórgarð – Gert Hansen, Marni Djurhuus, Sorin Anghel, Alex José dos Santos – Leif Niclasen (Arnar Dam, 83.), Pauli G. Hansen, Daniel Udsen, Pætur Dam Jacobsen, Hans Pauli Samuelsen – Arnbjørn Hansen Gult kort: Gert Hansen, Pætur Dam Jacobsen DUELL Miðverjarnir hjá EB/Streymi, Sorin Anghel og Marni Djurhuus, í duell við Rauf Aliyev og Admir Teli hjá FK Qarabagh, sum kundi takka sínum máli í Gundadali fyri víðari luttøkuna í kappingini Mynd: Sofus D. Johannesen