mánadagur 25. juli 2011síða 19

19 Mánadagur 25. juli 2011 · Nr. 85 Sosialurin Í dag, mánadagin 25. Juli 2011, verður kendur skálamaður Petur Pauli Mikkelsen, 80 ár. Petur Pauli er annars ætt­aður úr Gøtu, men kom til Skálar sum 2 ára gamal sam­an við foreldrum og eldru systkjum sínum. For­ eldrini vóru Hansina Mikk­ el­sen (fødd Heinesen) úr Súna­stovu í Norðagøtu og Absalon Berlin Mikkelsen úr Barbustovu í Syðrugøtu. At tey fluttu út á Skála komst av, at Hansina var fyri óhappi einaferð, hon var á veg heim frá neytum. Hetta gjørdi, at Absalon Berlin, ið annars hevði hús í gerð í Norðagøtu, gjørdi av fyri tað mesta at verða heimamaður heldur enn sjómaður. Hann tók tí av, tá mammubeiggi hansara Absalon Jacobsen, ættaður av Dunganum í Syðrugøtu, bjóðaði honum at koma at arbeiða hjá sær í handlinum á Skála sum ‘uttanbudda- mað­ur’. Absalon og Hansina seldu ognir sínar í Gøtu og fluttu út á Skála. Tey fingu sjey børn. Nevnd eftir aldri eru tey Anna Berg, Meinhard Mikkelsen, Petur Pauli Mikk­elsen, Ersnt Mikkelsen, Paula Engelbertsson, Hjørdis Høj­gaard, John Mikkelsen. Av teimum er Ernst farin í Harrans hendur, tá hann doyði einans 65 ára gamal í 1998. Petur Pauli fór, sum mang­ir føroyingar, sum heilt ungur til skips. Sum 15 ára gamal fór hann sín fyrsta túr við sluppini Grundick, førd av Debesi Christiansen, á Suðurlandi. Eftir at hava verið heima og landað 200 shippund fór hann av­ stað aftur við skipinum á grønlandstúr. Í 1947 fór Petur Pauli í smiðjulæru á Skála skipa­ smiðju. Eftir lokna læru nam hann sær motorpassaraprógv í Havn. Í fleiri ár arbeiddi hann í smiðjuni um vetrar­ nar, meðan hann var til skips um sumrarnar við skipum sum Bjørgvin, Svín­ oynni, Atlantsfarinum, Karl, Havgrími, Eystfelli. Í 1957 og 1958 var hann á hvala­veiði sum ‘fýrbøtari’ við hvala­bát­ inum Terja. 30. april 1955 giftist hann við Oluffu, fødd Jacobsen av Skála. Oluffa var dóttir skálamannin Emil Jacobsen (úr Norðhúsinum) og Marin Elisabeth Jacobsen, fødd Olsen, úr Funningi. Oluffa og Petur Pauli bygdu sær hús Undir Dingi á Skála og fluttu inn í tey í 1957. Eitt skifti í 1959 fóru tey sum mangir aðrir ungir før­oyingar til Íslands at arbeiða. Í tíðarskeiðinum 1963 til 1981 var Petur Pauli tó heimamaður burturav, har hann arbeiddi sum formaður við at byggja stálskip á Skála Skipasmiðju. Seinni hevur hann so gjørt fyrifallandi arbeiði á sjógvi og landi. Hann var onkran túrin við beiggjanum Ernst á sildaveiðu við Havørnini og í umleið 3 ár við Skálafossi, tá Ernst førdi hann. Í átta ár sigldi hann við partrolarunum Polarhav og Stjørnuni. Ítróttur hevur altíð havt hans­ara stóra áhuga, og hevur hann verið virkin bæði í kappróðri og fótbólti. Trúliga hevur hann arbeitt fyri betri korum innan ítróttina. Hann var soleiðis ein av berandi kreftunum til kapprógving og fótbóltsvøll á Skála. Var formaður í Skála Ítróttarfelag, tá vøllurin var í gerð. Hevur sitið í bygda­ ráðnum í 2 skiftum, sum heilt ungur og í góðum árum. Familjumaður hevur hann verið góður og fylgt væl, tá børn og abbabørn hava roynt seg í leikum. Petur Pauli og Oluffa fingu 5 børn, har av tey 4 liva. Tey eru Asbjørn Mikk­ elsen, Eyðbjørg Lervig, Heri Mikkelsen og Marjun Johan­ sen. Tey giftust øll, og í dag eigur hann 13 abbabørn á lívi og nú eisini 7 langabbabørn. Heimið Undir Dingi hevur í mong ár verið ein sannur savningardepil hjá familjuni. Tíðir skifta, og tað gjørdist eitt stórt tómrúm eftir Oluffu, tá hon doyði 13. August í 2009. Hóast tað er tað enn altíð gott at koma inn á gólv-ið Undir Dingi til eitt prát. Petur Pauli fylgir væl í dagsins viðurskiftum og er enn góður í ráðum. Nú á gamalsaldri fær hann annars tíðina at ganga við at passa sínar 8 seyðir. Hann er væl fyri og gongur túrar mest sum hvønn dag. Føðingardagin velur hann at halda saman við børn­un­ um. Nøvn 80 ára føð­ingar­- ­dagur Leiga av Ítróttarhøllini í Runavík Tey, ið ætla at leiga ítróttarhøllina í Runavík veturin 2011/2012, skulu senda skrivliga umsókn til býráðsskrivstovuna í Runavík í seinasta lagi mánadagin 22/08-2011. Runavíkar býráð Ruskinnsavnarar til “Rósu” og “Ryska” IRF søkir við hesum eftir tveimum ruskinn­ savnarum til ávíkavist “Rósu” og “Ryska” at byrja mánadagin 8. august 2011. Talan er um fulltíðarstørv, sum m.a. fevna um: • Innsavnan av húsarhaldsposum og virkisposum v.m. í meginøkinum og í Sandoynni. • Annað fyrifallandi arbeiði hjá IRF. Hevur tú stóra koyrikortið, ert vanur at koyra lastbil, kanst arbeiða sjálvstøðugt og hevur góðan ordan, ert tú møguliga tann, vit søkja. Tey, ið sett verða í størv, kunnu eisini rokna við øðrum uppgávum innan IRF. Ì sambandi við effektiviseringar og tillagingar, mugu tey eisini kunna tola møguligar broytingar í sínum starvsviðurskiftum. Størvini eru lønt sambært fastlønarsáttmála­ num millum Føroya Arbeiðarafelag og Føroya Arbeiðsgevarafelag. Nærri fæst at vita um størvini við at ringja til IRF tlf. 414243, Jógvan Júst Olsen. Skrivligar umsóknir skulu vera okkum í hendi innan mánadagin 1. august 2011. IRF Postboks 39 520 Leirvík IRF hevur 5 serútgjørdar bilar til ruskinnsavning: Roði, Ryski, Rósa, Reyðsmæra og Viól. Arbeiðsøkini hjá “Rósu” og “Ryska” eru í meginøkinum og í Sandoynni. Tríggir menn eru við hvørjum bili. Tel: 41 42 43 • Fax: 41 42 44 • Postboks 39 FO­520 Leirvík • www.irf.fo • irf@irf.fo Starv sum havnaumsjónamaður við Fuglafjarðar havn Starv sum havnaumsjónarmaður við Fugla­ fjarðar havn verður hervið lýst leys til setan tann 1. septembur 2011 ella so skjótt sum til ber eftir hetta. Førleikakrøv: Útbúgving sum skipsførari og førleika í enskum máli bæði í skrift og talu, somuleiðis sum tú skal duga at orða teg væl bæði munnliga og skrivliga í føroyskum og haraftrat hava teldu­ kunnleika á brúkarastøði. Væntað verður eisini, at tú á jøvnum føti við starvsliðið á havnavaktini kann røkja loðs­ tænastu av skipum, ið koma til og frá Fugla­ fjarðar havn. Vit bjóða tær: eitt spennandi starv, har tú eisini saman við leiðsluni fær møguleikar fyri at menna havn­ ina. Setanarviðurskifti: starvið verður lønt sambært sáttmála millum Kommunala Arbeiðsgevarafelag Føroya og Føroya Skipara­ & Navigatørfelag fyri havna­ umsjónarmenn, somuleiðis sum skrivligur sáttmáli verður gjørdur partanna millum um arbeiðstreytir vm. Starvstreytir: Umsøkjararar við royndum innan sjóvinnu hava fyrimun. Fyrsta árið verður at rokna sum royndarár. Hevur tú áhuga, so ert tú vælkomin at senda skrivliga umsókn saman við prógvum og møguligum CV og viðmælum til Fuglafjarðar kommunu, Ennivegur 38, 530 Fuglafjørður, og skal henda verða kommununi í hendi í seinasta lagi mikudagin 15. August 2011 kl. 16.00. Fleiri upplýsningar um starvið fáast við at venda sær til Rólant Højsted, havnameistara á telefon 238050, Sigurð S. Simonsen, borgar­ stjóra á telefon 238077 ella til Jákup Frants Larsen, býráðsskrivara á telefon 238002. Kommunan skilar sær rætt til frítt at velja millum innkomnar umsóknir ella eisini onga at taka. Fuglafjørður, tann 25. juni 2011 Fuglafjarðar Kommuna