mikudagur 27. juli 2011síða 9

9 Mikudagur 27. juli 2011 · Nr. 86 Sosialurin Nøvn Ólavsøkuaftan fyllir Hans Joensen 60 ár. Hans er ættað­ ur úr Skopun. Tá hann var 13 ára gamal, flutti familjan til Havnar. Hans fór sum 15 ára gamal í Ravn­oynna at rógva út við Arngrím Madsen úr Kvívík. Hann róði út í Ravnoynni um sum­rar­nar 1967, 1968 og 1969. Tá hann var heima í Føroyum, arbeiddi hann á Bacalao. Í 1970 fór Hans við ”Baki” at fiska laks í Grønlandi. Har var hann til 1975, tá hann fór um borð á ”Búgvan”, sum Martin Clementsen átti. Tá ”Búgv­ in” var farin, keypti Martin Clementsen ”Skopar­an”, har Hans var við til 1978, tá hann fór at frysta slógv á Baca­lao. Hann var á Bacalao í 26 ár. Hans kom í nevndina í Havnar Arbeiðsmannafelag í 1997 og bleiv valdur til for­ mann í 2003, har hann enn er formaður. Hans er giftur við Kirstin, fødd Eysturtún úr Havn, og eiga tey tríggjar døtrar. Joan, sum býr á Válinum í Vestmanna, Judith, sum býr í Hoyvík og Harryet, sum býr í Havn. Abba- og ommubørnini eru átta í tali. Føðingardagurin verður hildin í summarhúsinum í Dan­mark saman við familjuni. Hans Joensen 60 ár TØKK Nú er nýggjasta tilmælið frá fjølmiðlakommisjónini komið landsstýriskvinnuni í mentamálum í hendur: kring­ varpsgjaldið skal inn um­ vegis skattin. Ikki er feskasta niðurstøðan slóð­brótandi, tí hugsjónin ber brá av einføldu áskoðanini: borgarin er ikki egnaður at velja, tí skulu vit velja fyri hann. Hugburður Nýggjasta tilmælið kemur tó væl við, tí nú verður kjakið um kringvarpið og Public Service sáttmálan tikin uppaftur. Spurningurin er bara, um vit skulu varðveita aldagamla hugburðin, at borgarin ikki er egnaður at velja, og tí mugu almennu Føroyar velja fyri hann, ella at løgtingið fremur eina hugburðsbroyting, so at borgarin fær møguleikan at velja, hvat hansara pengar verða nýttir til. Tilmælið Tað skal tó sigast, at tilmælið er sum ein kladda: hugskotini eru góð, men fínpussingin vantar. Hvat við at rætta eitt sindur í tilmælinum, so at niðurstøðan hjá fjølmiðlakommisjónini varð soljóðandi: – Kringvarpið skal vera ein sjálvstøðugur stovnur – Kringvarpsgjaldið verður sett eftir vanligum marknaðartreytum – Fasta gjaldið verður sett eftir vanligum marknaðartreytum – Lýsingarinntøkurnar hjá Kringvarpinum fara í roknskapin – Kapping stuðlar føroysku miðlunum – Kringvarpsgjaldið verður MVG-frítikið – Sjónvarpsrásin hjá Kringvarpinum verður talgildað (Eg havi bara broytt nøkur fá orð í upprunaliga tilmælinum) Hetta samsvarar við niður­støðuna hjá fjølmiðla­ kommisjónini um, hvussu vit betra um fjølmiðlarnar í Føroyum. Tað brýtur eisini frá ófrælsu og ógagnligu hugsjónini um, at borgarin ikki er egnaður at velja, og tí skulu almennu Føroyar velja fyri hann. Kjak Hanus Samró Formaður í HUXA og valevni hjá fólkaflokkinum Borgarin er ikki egnaður at velja, tí skulu vit velja fyri hann!