mikudagur 27. juli 2011síða 10

Mikudagur 27. juli 2011 · Nr. 86 10 Sosialurin Kjak Hans Pauli Strøm løgtingsmaður fyri Javnaðarflokkin Tað, sum eg mæli til, er við øðrum orðum, at vit í Javnarflokkinum og Sam­ bands­flokkinum beinan­ vegin leggja eina felags polit­iska ætlan um høvuðs­ málini og skipa okkum í ein sokallað­an samríkisblokk til valið - fyri ríkisfelagsskapi, fyri sosialari trygd og rættvísi, og fyri vinnuligum og búskaparligum vøkstri. Hóast tað neyvan fer at eydnast hesum báðum flokkum at fáa meiriluta, so er enn minni hugsandi, at tann grómuta gongan av fullveldisflokkum verður før fyri at skipa nakra líkinda meirilutasamgongu. Tí er stórur møguleiki fyri, at ein samskipaður samríkis­ blokk­ur kann koma sum vinnari burturúr fløktu støðuni eftir valið, antin í minnilutasamgongu ella við at skipa meiriluta saman við øðrum. At hetta væl ber til er gongdin síðstu mánaðirnar gott dømi um. Síðani Fólka­ flokk­urin stakk halan mill­ um beinini í vár, hava vit sam­starvað væl bæði við Tjóð­veldi, Sjálv­stýrisflokkin og Framsókn. Á landsfundi Javnaðar­ floksins síðsta heyst mælti okkara táverandi formaður, Jóannes Eidesgaard, sum tann fyrsti til, at flokkarnir í Føroyum nú eisini áttu at verið búnir til at skipa seg í politiskar “blokkar” upp undir val, við nøkrum greiðum felags høvuðsmálum, so tað bæði gjørdist meira forplikt­ andi fyri flokkarnar, hvat teir fóru til val uppá, og tað samstundis gjørdist greiðari fyri veljarunum, hvat teimum stóð í boði, um teir valdu hendan ella handan flokkin. Síðani hevur eisini tann skilagóði Sjúrður Skaale, fyrrverandi tjóðveldismaður, í sínum royndum at víðka um okkara fatan av politiska fólkaræðinum, talað fyri slík­ um blokkpolitikki. Veljarin verður snýttur, sigur Sjúrður. Hann velur ein flokk, tí hann er fyri ávísum sjónarmiðum, men ofta hendir at hansara flokkur fer í samgongu við “fíggindan”, og burturúr tí kemur ein politikkur, sum hann undir ongum umstøð­ um vil kennast við. Seinast var tað Edmund Joensen, sum í vár í greinini, “Nú er brúk fyri blokk­poli­ tikki”, mælti til, at “heldur enn at leypa stein av steini eiga Sambandsflokkurin og Javn­aðarflokkurin beinan­ veg at leggja lunnar undir ein stabilan blokk av politiskum flokkum, sum í felag kunnu fara til løgtingsval við tí fyri eyga at skapa alneyðugan búskapar­vøkstur, fólka­vøkst­ ur, vælferð og stabilitet”. Eg eri samdur við Edmund Joensen. Javnaðarflokkurin og Sambandsflokkurin hava framum aðrar flokkar sam­ starvað sera væl. Tað vóru hesir báðir flokkar, sum bóru fyrru ABC-samgonguna og somuleiðis ta seinnu, eins og tað vóru vit, sum stóðu fyri teim nógvu positivu avrik­unum. Og síðan vit sluppu av við deyðvektina í Fólkaflokkinum, hava hesir báðir flokkar eisini evnað at skipa fyri breiðum samstarvi í løgtinginum. Tí tað sum fram um alt eyðkennir hesir báðar flokkar, er viljin til at røkka úrslit­um, meðan aðrir eru meira upptiknir av skróli og rumbli. Haraftrat er týdningar­ mikið, at samríkis­flokkarnir ganga á odda, fyri at beina allan iva burtur um tað gagn­­liga og mennandi sam­ starv­ið, vit hava í ríkisfelags­ skapinum. Fyri tað triðja eru vit ein sosialdemokratiskur og ein sosialliberalur flokk­ur, sum seta fólksins væl­ferð í hásæti, og undir ongum um­­støðum vilja spæla has­ ard við landsins framtíð í ábyrgd­ar­leysum fullveldis­ romantikki. Latið okkum ikki drála við við hesum, men beinan­ vegin fara undir at smíða samríkisblokkin, so vit eru klár, tá løgtingsvalið fer at at verða útskrivað tíðliga í heyst, møguliga longu um mánaðar­skiftið august- september. Tað eru bæði vansar og fyrimunir við at skipa fyri slíkum forpliktandi sam­ starvi, sum vit eisini kunnu kallað blokkpolitikkur. Vit binda báðar flokkarnar saman, og kunnu tí ikki gera júst sum hvørjum lystir. Men tað gevur okkum eina saml­ aða styrki, sum aðrir illa sleppa uttanum. Størsta fyrimunin fáa veljararnir, sum á henda hátt fáa størri trygd fyri, at tá tey atkvøða fyri Javnaðar­ flokkinum og Sambands­ flokkinum, so vita tey, hvat tey fáa. So verður ikki, velja tey ein av hinum, velja tey ein av hinum flokkunum. Skilagott at smíða ein samríkisblokk til valið Nú valstríðið fer at taka seg upp, beinanvegin tá tingið kemur saman aftur á Ólav­søku, er stundin komin til at teir báðir samríkis­flokkarnir, Javnaðar­flokkurin og Sambandsflokkurin, boða veljar­unum frá, at vit fara at standa saman í valstríðnum – og verða kjarnin í nýggjari samgongu eftir valið Bjørt Samuelsen Tey bera tíðindini, viðgera tey, samtala við serfrøðingar, meta um avleiðingarnar fyri Norra, fyri Norðurlond, fyri gerandisdegin, trygdina og framtíðina hjá okkum, sum búgva í einum annars friðar­ ligum parti av heiminum. Eitt av grannalondum okkara er rakt av einari ógvus­­ligari vanlukku. Ein­ari yvir­gangsatsókn í sjálvum hjart­anum hjá norska stjórn­ ar­­valdi­num. Ein bein­leiðis roynd at drepa norska for­ setan. Og eitt óhugnaligt hóp­ dráp á nøkur ósek ung fólk, á politiskari legu á Utøya. Men í sjónvarpinum í Kringvarpinum er ein sang­ kapping, heldur enn ein longd tíðindasending. Tað sjónvarpið kundi bjóða í dag, var samsendig seinna­partin við NRK, bert til 17.55, tá vanliga skráin tók við. Dagur og vika var – heppið – á skránni í kvøld. Og har verða hesi heims­ høvuðs­­tíðindi viðgjørt nakr­­ar fáar minuttir. Síðani kemur ein røð av tíðindum, sum í dagsins samanhangi tykj­­ast fullkomiliga líkasæl. Eingin um­legging av sending­ ini, eingin sending tikin av skránni. Um ikki annað kundi KRF hildið fram at samsent í brotum, soleiðis, at tíðindafundir, sum tann við norska forsætis­ráð­harran (sum er live á BBC og aðra­ staðni) og aðrar broyt­ing­­ar í støðuni, verða send inn ímillum. Heldur ikki útvarps­ tíðindini klokkan 21 bera nýggjastu tíðindini. Hóast ein ørgrynna er hent síðani klokkan 18. Og á heimasíðuni er seinasta dagføringin í skrivandi stund fleiri tímar gomul! Hetta er álvarsamasta og ótryggasta støðan Norður­ lond hava verið í síðani seinna heimsbardaga, siga fleiri. Kring allan heim rudda sjóvarps­rásir skránna, fyri at senda úr Norra. Men Kring­ varpið sendir “Kapp­giting og Kærleiki“, “Uppá tá” og annað á hesum degi óviðkomandi! Summarfrí er. Tað verður tó ongantíð ein undarførsla hjá einum almennum miðli, tá kreppustøður taka seg upp. Raðfestingin hjá Kring­ varpinum í kvøld er bæði óskilj­andi og órógvandi ignor­ ant. Hon kemur omaná eina aðra løgna raðfesting - at Dog V einans verður send tvær ferðir um vikuna - og ber tíverri boð um, at kring­varps­ leiðslan helst ikki skilir, at tað ikki ber til at niðurraðfesta tíðinda­tænast­una á henda hátt, uttan samstundis at undir­­grava týdningin av almenna kringvarpinum. Sorgarleikurin í Norra og Kringvarp Føroya Fríggjakvøld 22. juli. BBC sendir í kvøld áhaldandi tíðindi um “Norway attack”, um sorgarleikin í Oslo og á Utøya. Sama gera týðandi sjón­varpsrásir í flestu londum