fríggjadagur 5. august 2011síða 10

Fríggjadagur 5. august 2011 · Nr. 89 10 Sosialurin Vilmund Jacobsen Tjóðveldi hevur saman við tí, ið eftir er av sitandi sam­ gongu, gjørt avtalur um, hvussu fiskivinnan skal skip­ast og rekast. Tjóðveldi hev­ur eisini verið við til at gjørt semjurnar um leistin, sum makrelveiðan í ár er skipað eftir. Flokkurin hev­ ur soleiðis verið við til at sett út í kortið, at øll skip – undan­tikið tey traditionellu nóta­skipini – skulu fiska av felagskvotu, har tað ræður um at fiska sum mest upp á stytstu tíð. Hetta er tað, sum stórir partar av før­oyskari fiski­skipavinnu hava rópt »olymp­iskan makrelfiski­ skap«. Tjóðveldi hevur eisini verið við til at gjørt avtaluna um, at 20.000 tons av makreli skulu seljast á uppboði. Úrslitið av hesum semjum er, at neyðugt er við stórari móttøkuorku um makrelurin, sum skipini fáa, skal koma til sættist líka so skjótt, sum hann verður veiddur. Úti á fiskifeltunum liggja tí stór móttøkuskip, sum keypa makrel – og uppi á landi í Kollafirði hava vit Faroe Pelagic, ið keypir tað, sum tey kunnu fáa fatur á og fáa til høldar. Tá tey fyrstu 7.000 tons­ini av 20.000 tonsum av makreli vórðu seld á uppboði hin 26. juli, streyk ein um­boðs­maður fyri útlendsk áhugamál í Føroyum avstað við megin­ partinum av hesi nøgdini. Tjóðveldi vaknað Men nú er líkt til, at Tjóð­ veldi, sum hevur verið við til at gjørt allar hesar semjur, er vaknað við kaldan dreym og sær, at her fara ting fram, sum neyvan eru til fyrimunar fyri føroyska vinnu og føroysk áhugamál. Eftir at Kaj Leo Johannesen hevði hildið sína røðu á ólavsøku, segði formaðurin í Tjóð­veldi, Høgni Hoydal, at strámanna­ virk­semi í makrelvinnuni í Før­oyum eigur at verða steðgað. Hann vísti á, at í makrel­ mál­inum er komið fram, hvussu sterkar strámanna­ kreft­irnar í Føroyum í veru­ leik­anum eru. – Vit hava vitað leingi, at slíkt virksemi fer fram, men nú er tað vorðið líka sum meiri opið, legði hann aftrat. Høgni Hoydal vísti eisini á, at virksemi, sum vit síggja í dag, kann elva til kapp­ ingar­ójavna, sum hann tók til, og her hugsaði hann iva­ leyst um, at stór útlendsk mót­tøku­skip nú eru virkin í før­oyskum sjógvi við sínari ar­beiðsmegi. Formaðurin í Tjóðveldi segði, at strámannavirksemi er í øllum liðum í makrel­ vinnuni. – Hetta fara vit í tjóðveldi ikki at góðtaka. Neyðugt er, at føroyskt vinnulív fær javnar kappingartreytir, soleiðis at tað verður møguligt at reka vinnu í Føroyum, segði Høgni Hoydal. Krevur sín mann Síðan Sosialurin hevði grein­ ina »Strámannavirksemi – av tí góða ella ónda« í blaðnum mikudagin, hava fleiri fólk í føroyskum vinnulívi vent sær til undirritaða og hava takkað fyri hesa greinina, sum tey halda vísti á ymiskar vansar og spurningar, sum eru rættiliga viðkomandi, nú eitt so stórt tilfeingi, sum makrel­urin er, fyribils er tøkt í før­oyskum sjógvi. Undirritaði hevur eisini fingið spurningin frá fólki, sum eru partur av føroyskum strámannavirksemi um, hvør definitiónin av einum strá­ manni er. Svarið, sum eg havi givið í eini handavend, er, at orðið »strámaður nýtist ikki at vera negativt, tó at orðið viðhvørt verður snarað tann vegin. Tó skilji eg, at strá­maður er ein, ið eitt nú útvegar útlendingum fyri­ munir í egnum landi, sum við­komandi annars hevði havt ilt við at fingið...« Eingin áhugi Saman við hesum svari til menn, sum hava tilknýti til strámannavirksemi, havi eg eisini bjóðað viðkomandi at greiða okkara lesarum frá teirra virksemi, eins og teir hava fingið høvi at greiða frá, hvønn týdning teir meta, at hetta virksemi hevur fyri før­oyskt vinnulív og fyri Før­ oyar sum samfelag. Enn er tó einki svar komið, men vinna, politikarar og lesarar annars eru vælkomin við kvalifiseraðum boðum upp á fyrimunir og vansar við hesum virksemi. At tað er skipanin og tann leistur, sum politiski myndug­leikin leggur, ið førir til hetta virksemi, er lítið at ivast í, og soleiðis er eisini við tí økta strámannavirksemi inn­an makrelvinnuna, sum vit síggja í dag, og sum Høgni Hoydal, formaður í Tjóðveldi, nú sigur, at flokkurin ikki fer at góðtaka. vilmund@sosialurin.fo Strámenn skulu steðgast – Strámenn eru í øllum liðum í makrelvirkseminum, og talið av strámonnum økist. Hetta eigur at verða steðgað, heldur formaðurin í Tjóðveldi, Høgni Hoydal, sum eftir øllum at døma er vaknaður við kaldan dreym – Hetta fara vit í tjóðveldi ikki at góðtaka. Neyðugt er, at føroyskt vinnulív fær javnar kappingartreytir, soleiðis at tað verður møguligt at reka vinnu í Føroyum, sigur Høgni Hoydal, formaður í Tjóðveldi, sum sjálvur hevur verið við til at skapa leistin, sum makrelurin í dag verður veiddur eftir Síðan Sosialurin hevði greinina »Strá­ manna­virksemi – av tí góða ella ónda« í blaðnum, hava fleiri fólk í før­oyskum vinnulívi vent sær til blaðið og hava takkað fyri, at vit hava sett hol á hetta mál