fríggjadagur 5. august 2011síða 40

Sosialurin nr. 84 · 22. juli 2011 8 Uni Holm Johannesen uni@sos.fo – Vit ræðast ikki at vera ómodernað og eru sannførd um, at okkara politiski grundvøllur og virðir eru góð, og tænir øllum samfelagnum í dag og í framtíðini. Tað sigur Rani A. Skaalum, sum er í uppskoti fyri Miðflokkin til næsta løgtingsval. Hann er útbúgvin lærari og heldur, at Føroyar skulu skapa best hugsandi umstøðurnar til at lesa hægri lestur her. Hann vónar, at politisku myndugleikararnir eru sinnaðir at skapa neyðugu karmarnar fyri at fáa eina ferðuvinnu, sum kastar av sær, og hann saknar, at tey eldru taka yngra ættarliðið í álvara. Miðflokkurin veksur støðugt sum politiskur flokkur. Hvør er orsøkin? – Miðflokkurin er lutfalsliga nýggjur, og tað tekur langa tíð at byggja ein politiskan flokk upp. Miðflokkurin hevur ikki reiðiliga funnið fótafestið enn, men er í støðugum vøkstri og menning. Um nøkur ár fáa vit neyvari ábendingar um, hvussu stórur flokkurin verður. – Tað eru fleiri og fleiri, sum velja Miðflokkin. Orsøkin er heilt einfalt tann, at fólk vita, hvar tú hevur Miðflokkin. Tú veitst, at samsvar er millum tað vit siga, og tað vit gera. Fólk velja Miðflokkin, tí eingin einstakur tinglimur sleppur at spæla solospæl við teimum grundleggjandi politisku hugsjónunum hjá Miðflokkinum. Miðflokkurin er helst einasti flokkur, sum kann tryggja veljaranum, at tað tú velur, er tað, sum tú fært. – Vit liva eisini í eini tíð, har huglagið í samfelagnum vil sannføra okkum um, at nýggjasta rákið ella populera meiningin, er tað rætta og besta. Tá stendur Miðflokkurin fyri nøkrum virðum, sum eru prógvað góð at byggja á. Miðflokkurin broytir ikki sítt virðisgrundarlag ella sín politikk eftir rákinum ella dagsins meining. Vit eru ikki bangin fyri at vera ómodernað og eru sannførd um, at okkara politiski grundvøllur og virðir eru góð og tænir øllum samfelagnum í dag og í framtíðini. Miðflokkurin umboðar hugsanir hjá einum stórum parti av Føroya fólki, men hann heviur kanska ikki verið nóg væl hoyrdur, og kanska staðið uttan ávirkan. Vøksturin hjá Miðflokkinum kann væntandi síggjast í undirtøkuni hjá hesum samfelagsbólkinum. Miðflokkurin fremur eisini lyftini og stevnuskránna í verki, og tað sæst eisini aftur í tí, sum vit hava arbeitt við í løgtinginum seinasta árið. Miðflokkurin byggir sín politikk á meginreglur Bíbliunnar, setir Gud og Skaparan í hásætið og leitar hjálp og ráð frá Honum. Hvussu tillagar tú tín politikk í samband við tað? - Flestu menniskju grunda teirra lívsáskoðan og meiningar á ymisk virðir og hugsanir. Eg havi valt kristindómin og tey virðir og hugsanir, ið vit finna í Bíbliuni og kristnu læruni. Politiskt meini eg, at hendan hugsanin sæst aftur í teimum 16 punktunum, sum eru á lesa á heimasíðuni hjá flokkinum og tí politikki, sum vit føra. Annars skal tað skiljast sum tað stendur. Eg trúgvi, at vit kunnu hava samband við Gud og sostatt søkja um ráð og vísdóm hjá honum í øllum lívsins viðurskiftum. Tað veri seg bæði í tí persónliga og tí politiska lívinum. Bæði tá ið tað gongur væl, og tá ið tað gongur minni væl. Mítt virðisgrundarlag og lívsfilosofi er soleiðis grundað á læruna hjá Jesusi, og eg vóni at kunna læra av Hansara fyridømi í øllum lutum lívsins. Eg finni troyst í trúnni á Gud, samfelag við Hann í bønini og finni vísdóm og ráð í Bíbliuni. Eg veit, at eg ikki eri fullkomin. Eg kann fara skeivur, men eg havi eina fyrimynd, eitt ideal, sum er fullkomið. Hetta idealið havi eg sum fyrimynd og strembi eftir tí. Eg grundi sostatt mína tilveru á nakað, ið er størri og meiri týdningarmikið enn eg. Við at stremba eftir málinum hvønn dag, vóni eg, at mítt persónliga lív og mín politikkur verða merkt av mínum ideali, tí góða, hvørs eyðkenni eru langmóð, góðvilji, eyðmjúkleiki, ósjálvsøkni, tolsemi, sómi, rættvísi, sannleiki og fyrigeving. Hvussu er yngra ættarliðið í Miðflokkinum øðrvísi enn Jenis av Rana, Bill Justinussen og Karsten Hansen, sum umboða flokkin á tingi í dag? - Tann størsti munurin er helst aldurin og royndirnar innan politikk. Vit kunnu læra nógv at Jenisi, Bill og Karsten, sum allir hava verið leingi í politikki. Vit halda eisini, at teir kunnu læra nakað av okkum, tá vit umboða ein samfelagsbólk, ið eldru politikararnir ikki so ofta tykjast hoyra. Tað haldi eg eisini, at okkara politikarar eru greiðir yvir, tí Ung fyri Miðflokkin hevur umboðan í floksstjórnini og verður kallað inn til fundar, tá ið stórmál eru til viðgerðar. Sostatt vísir 'eldri Miðflokkurin' okkum ungu virðing og letur okkum koma til orðanna og stuðlar okkara virksemi. Tað er sera spennandi at sleppa at greiða frá politikkinum hjá okkum, tí vit møta eisini fólki, sum spyrja, um vit yvirhøvur hava nakran politikk. Tað eru kanska fleiri fólk, ið ikki ordiliga vita, hvat Miðflokkurin og Ung fyri Miðflokkin standa fyri, og hvønn politikk vit hava. Tú kann siga, at eg og hini ungu bera tann “góða boðskapin” um okkara politikk til tey ungu, sum annars kanska hildu, at vit høvdu bara kristindómin á stevnuskránni. Vit ungu hava sostatt eitt annað sjónarhorn og onnur sjónarmið við í okkara politikki. Politikkur er meiri enn høgra mótvegis vinstra ella loysing mótvegis samband. Í einum støðugt broytandi heimi eru tað nógvir aðrir faktorar, sum eru týðandi fyri, at vit kunnu tryggja eina góða framtíð fyri føroyingar. Tað er ikki altíð gagnligt at vera so polariseraður. Landið er nógv broytt, síðani teir gomlu politikararnir vóru á okkara aldri. Tey høvdu aðrar avbjóðingar, enn vit hava í dag. Tíðirnar broytast, og vit skulu tillaga okkum tíðina. Vit ungu hava nógv mál og ynski, ið eru viðkomandi fyri yngra ættarliðið. Fleiri av teimum málum, sum Ung fyri Miðflokkin hevur, eru somu mál, sum Miðflokkurin hevur frammanundan; men vit hava saknað eitt ungmannafelag. Tað er ein av fyrimununum - vit standa saman og hava eitt felagsmál. Aðrir flokkar og ungmannafeløg tykjast stundum vera í innanhýsis tvídrátti. Politikkurin hjá okkum ungu í UfM er ikki í andsøgn við politikkin hjá Miðflokkinum, men vit hava eitt nakað øðrvísi sjónarhorn, og vit varpa meira ljós á útbúgvingarpolitikk og vinnupolitikk við atliti til ungar íverksetarar. Hvussu umráðandi er tað fyri teg, at Føroyar verða fullveldi? - Miðflokkurin er ein loysingarsinnaður flokkur. Ein danskur fólkatingslimur spurdi meg einaferð, um fullveldi er umráðandi fyri meg. Eg kundi svara einfalt og sagt ja, men eg valdi at svara honum við eini anekdotu; Eg eri sera fegin um mammu og pápa mín, og tað var frálíkt at búgva í kjallaranum hjá teimum, fyri - næstan - einki, tá ið eg var gamal tannáringur. Ein dagin metti eg, at tíðin var búgvin til, at eg skuldi flyta út og royna at standa á egnum beinum. Eftir gott og væl 20 ár skuldi eg klára meg sjálvan. Tað var ikki altíð lætt, men tað eydnaðist! Stutta svarið er: Ja, fullveldi er umráðandi. Men! Tað snýr seg fremst av øllum um at fáa skil á egnum landi, bæði politiskt og fíggjarligt, áðrenn tað ber til at tosa um fullveldi. Í løtuni havi eg ikki álit á, at vit hava eina somikið trygga og burðardygga fíggjarliga leiðslu av landinum. Aðalmál skal vera at fáa skil á fíggjarstøðuni í landinum og samstundis menna samfelagið. Hvørjir eru fyrimunirnir – ella hví er tað rætt – at hava ein frískúla í Kelduni? – Eg havi onga avgjørda meining um, Miðflokkurin heldur kósina - Vit liva í eini tíð, har huglagið í samfelagnum vil sannføra okkum um, at nýggjasta rákið ella populera meiningin er tað rætta og besta. Tá stendur Miðflokkurin fyri nøkrum virðum, sum eru prógvað góð at byggja á. Miðflokkurin broytir ikki sítt virðisgrundarlag ella sín politikk eftir rákinum ella dagsins meining, sigur Rani A. Skaalum, valevni fyri Miðflokkin