fríggjadagur 12. august 2011síða 15

15 Fríggjadagur 12. august 2011 · Nr. 92 Sosialurin Birgir Þorgilsson, fyrrverandi ferðavinnustjóri í Íslandi, er deyður 84 ára gamal. Birgir Þorgilsson var við til at seta gongd á flúgvingina í Føroyum í sekstiárunum og var íðin forsprákari fyri at menna samstarvið og sam­ bandið millum Føroyar og Ísland í nítiárunum. Hann varð føddur á Hvann­eyri 10. júlí 1927. Birg­ ir flutti við foreldrum sínum í Reykholt í 1931 og vaks upp har. Hann leyk prógv á Handilsskúlanum í Reykja­ vík og arbeiddi har í eitt ár, áðrenn hann fór til Ollerup í Dan­mark. Har tók hann prógv sum ítróttalærari í 1948. Birgir tók tó ongantíð upp starv sum ítróttalærari, tí hann fór í starv hjá Flug­ felag Íslands í Danmark eftir uppihaldið í Ollerup. Hann røkti mong álitisstørv fyri Flugfelag Íslands. Eitt nú stjórnaði hann skriv­stov­uni hjá felagnum í Dan­mark, stovnaði seinni skriv­stov­ una hjá Flugfelag Íslands í Týsklandi, har hann var í trý ár, og stóð næstu seks árini fyri allari sølu og markn­ aðarføring í Norðurlondum við støð í Keypmannahavn. Í 1964 kom hann aftur til Íslands og tók við ábyrgdini av allari millumtjóðaferðslu hjá Flugfelag Íslands, sum tá hevði lagt saman við Loft­ leiðum. Birgir Þorgilsson var ofta í Føroyum og saman við før­ oyingum, tá íslendska felagið fór undir at flúgva upp á Før­ oyar í sekstiárunum. Í nýggjari tíð kenna føroy­ ingar best Birgir Þorgilsson frá ferðavinnuni, tí frá 1981 var hann marknaðarstjóri í íslendska ferðaráðnum, í 1985 tók hann við stjórastarvinum, og frá 1993 var hann formaður í ferðaráðnum. Birgir var eisini í fleiri um­ førum formaður í Vestnorden Tourist Board og stigtakari til føroyska-íslendska ferða­ vinnusamstarvið FITUR í 1995. Hann menti á hendan hátt sambandið við Føroyar nógv og fekk góða undirtøku fyri síni stevnu bæði í Før­oy­ um og Íslandi. Birgir Þorgilsson hevði eisini stóran áhuga fyri ítrótti og serliga hond­bólti. Tríggjar ferðir var hann ís­ landsmeistari í hond­bólti við Fram og var við á fyrsta íslenpdska hand­bólts­lands­ liðnum. Hann var eisini hesta­maður og spældi seinnu árini nógv golf. Birgir verður jarðaður í Reykjavík hós­dag­ in 11. august. Vit, ið kendu hann, minn­ ast Birgir Þorgilsson við virðing og takksemi og hava samkenslu við teimum, ið eftir sita. Føroyar hava mist ein hollan vin og Ísland ein sjáldsama dugnaligan slóð­ brótara. Magni Arge Birgir Þorgilsson – ein slóðbrótari í ferða­vinnu er farin TØKK Komandi legur í Zarepta Lega fyri 18 ár og eldri Vikuskiftið 19.-21. august 2011 verður lega fyri 18 ár og eldri. Evni: »Hví trýrt tú tað, sum tú trýrt?« Mansstevna Vikuskiftið 9.-11. september 2011 verður mansstevna. Kvinnustevna Vikuskiftið 16.-18. september 2011 verður kvinnustevna. Evni: »Tú hevur virði stórt ... tú vita skalt«. Hjartaliga vælkomin. Tekning fer fram á www.zarepta.fo Eisini ber til at ringja til Zarepta, tlf. 332140, at tekna seg, ella um spurningar eru. Zarepta Vilmund Jacobsen Reiðaríið Thor í Hósvík hevur keypt eitt nýtt skip. Felagið hevur keypt grønlendska rækjutrolaran, Sermalik II, ið áður hevur havt heimstað í Nuuk. Skipið, sum fyribils fer at hava sama navn, er nú skrásett í Hósvík. – Men skipið fer at fáa nýtt navn. Tað sigur Hans Andrias Joensen, reiðari, við heimasíðuna skipini.fo Hann sigur eisini, at Ser­ malik II nú verður riggaður til at fara til Grønlands, har skipið skal gera ymsikt kanningararbeiði. Sermalik II kemur í flotan uppá loyvið hjá Kappanum, sum áður var heimahoyrandi á Oyri og hoyrdi til sama felag sum Norðheim, ið Thor eisini eigur. – Thor í Hósvík eigur nú 22 skip og er Føroya størsta reið­a­rí, skriva skipini.fo, sum eisini eiga myndina, vit prenta saman við hesum greina­stubba. Thor eitt skip aftrat – Thor í Hósvík eigur nú 22 skip og er Føroya størsta reiðarí, skriva skipini.fo Sermalik II er rækjubátur, sum hevur havt heimstað í Nuuk. Nú hevur Thor í Hósvík keypt skipið