mánadagur 15. august 2011síða 16

Mánadagur 15. august 2011 · Nr. 93 16 Sosialurin Ítróttarblaðið Tróndur Arge – Sigurin móti KÍ var eins strævin og hesir seinastu tríggir. Tað eru ongir lættir dystir í Vodafonedeildini í dag. Soleiðis tekur Jógvan Martin Olsen, venjari hjá Víkingi, til tá hann skal seta orð á teir seinastu tríggjar sigrarnar móti EB/Streymi, NSÍ og HB. Víkingur hevur við seks sigrum á rað lagt maksimalt trýst á oddaliðið B36. Í nógva vindinum í Sarpugerði megnaði Víkingur at vinna á einum kreppuraktum HB liðið, sum komandi dystirnar skal møta liðnum rundan um seg. HB á odda Fyri HB var Fróði Benjaminsen fluttur aftur í miðverjuna og 17-ára gamli Magnus Egilsson spældi sín fyrsta dyst fyri HB. Hann spældi á vinstra bakki. HB kom á odda miðskeiðis í fyrra hálvleiki eftir frísparksinnlegg. Bólturin endar hjá U-21 landsliðsmiðverjanum, Rógva Holm, sum skorar sítt fyrsta mál í ár. – Vit eru eitt vet betri í fyrra hálvleiki, meðan teir vóru væl betri í seinna hálvleiki, soleiðis vil eg lýsa dystin í stutt. Vit hava møguleikar at koma upp á 2-0, men taka ikki av. Tá vit so koma til hálvleiks við 1-1, so er tað til fyrimus til teir, tí teir hava vindin undan í seinna hálvleiki, segði Sigfríður Clementsen, venjari hjá HB, við Rás2 eftir dystin. Víkingur svarar aftur Tveir minuttir fyri tíð javnar Víkingur. Eftir eitt ov langt inn­ legg úr høgru verður bólturin spældur útfrá til Sam Jacobsen, ið medd­ar til fyrstu ferð. Bólturin fer beina leið í HB málið og so er javn­leikur. Útiliðið vildi verða við, at bólturin hevði verið uttanfyri í uppbyggjandi spælinum. – Tað er nógv, ið ikki koppar okk­ ara veg í løtuni, so vit hava ikki brúk fyri slíkum nú. Vit halda at bólturin er eitt gott petti uttanfyri vøllin í uppspælinum, segði Sigfríður Clementsen eftir dystin. Víkingur omaná Víkingur setur seg alsamt meiri á spælið í seinna hálvleiki og hevur vindin eitt sindur í sín lut. Tá dysturin er ein tíma gamal kemur Víkingur á odda. Eftir eina røð av hornaspørkum endar tað við at hin U-21 landsliðsmiðverjin, Erling Jacobsen, leggur Víking á odda. Staðfestingin kemur ikki fyrr enn í evstu løtu, tá Finnur Justinussen slær sigurin fastan. Høgri bakkurin, Hjartvard Hansen, leggur innfyri til framherjan, ið stútar bóltin í mál. Finnur Justinussen hevur nú skotið 11 mál í ár. – Hetta var ein strævin dystur, tí HB er við í dystinum líka til vit koma upp á 3-1 móti endanum av dyst­inum. Vit høvdu møguleikar at fáa fleiri mál, men málmaðurin hjá teimum stóð væl. Tað er mær ein gáta hvussu vit ikki kundi skora upp á onkrar av hasum møguleikunum, sigur Jógvan Martin Olsen. Víkingur seks á rað Við seks sigrum á rað, millum ann­ að móti bæði nummar trý og fýra, hevur Víkingur staðfest, at teir hava tað, ið skal til fyri at fylgja B36 í oddinum. Eftir eitt torført kappingarár er Finnur Justinussen aftur at finna millum teir mest skorandi í landinum. Umframt eitt sterkt lið inni á vøllinum, so boðar styrkin á bonkinum eisini frá at Víkingur hevur fleiri strangir at spæla upp á. Í gjár blivu millum annað Andreas Lava Olsen, Kaj Leo í Bartals­stovu og Páll A. Klettskarð skiftir inn. Tað eru tveir leikarar við U-21 landsliðsroyndum og ein við landsliðsroyndum. Støðan í HB versnar Fyri hvønn dyst HB ikki vinnur versnar støðan hjá verandi FM vinn­arunum frá í fjør. At teir fóru at hava tað trupult í gjár var greitt undan dystinum, men komandi fýra uppgávurnar eru móti ÍF, KÍ, B71 og B68. Øll lið, ið liggja í bólkinum beint omanfyri niðurflytingrstrikuna. Skal HB yvirliva í besti deildini, so eru tað hesir dystirnir, ið koma at gera munin. Mikukvøldið er ÍF á vitjan í Gundadali og tað er ein lagnu­dystur fyri HB. trondur@sosialurin.fo Víkingur blásti HB umkoll vodafonedeildin Fótbóltur Við sínum sætta sigri á rað, staðfesti Víkingur í gjár, at teir eru sannir avbjóðarar til B36 um at vinna meistaraheitið í ár. HB er framvegis í leikligari kreppu og er nú eitt stig longur vekk frá bjargingini Tað er nógv, ið ikki koppar okkara veg í løtuni, so vit hava ikki brúk fyri slíkum nú Sigfríður Clementsen Ljósabláu víkingarnir staðfestu rudduliga sína jakstran eftir oddaplássinum, meðan føroyameistararnir úr HB varðveita sína støðu undir niðurflytingarstrikuni Mynd: Álvur Haraldsen Víkingur 3 HB 1