mánadagur 15. august 2011síða 23

23 Mánadagur 15. august 2011 · Nr. 93 Sosialurin Ítróttarblaðið KÍ í fríum falli Niðurtúrur Sjey tap á rað og trý stig seinastu tólv dystirnar. Tað er syndarliga støðan hjá KÍ, sum stevnir beint í móti 1. deild. Rólant Waag Dam Tað er trupult at fáa greiði á, hvussu skútan í Klaksvík skal vendast. Men skútan skal vendast – ongantíð ov skjótt. Tað er í roynd og veru ótrúligt, at KÍ framvegis liggur omanfyri niðurflytingarmarkið, so­ leiðis sum gongdin hevur verið. Seinastu stigini komu í hús síðst í maimánaði, og síðani hevur liðið tapt sjey dystir á rað. Alt byrjaði annars so væl hjá KÍ. Tríggir sigrar á rað og so ein javnleikur gjørdu, at KÍ eftir fýra umførum hevur tíggju stig. Uppflytararnir vóru ósigraðir og uppskriftin, KÍ nýtti, var tann rætta. Alt byrjaði væl Aleksandar Djordjvic, serbiski venjarin, kendi felagið væl. Sein­ astu fimm árini hevur hann verið knýttur at felagnum, og tað var eisini hann, sum fekk felagið upp aftur har, tað er stuttligast at vera. Hópurin sá eisini hampiliga spennandi út. Ein góð blanding av stinnum leikarum við drúgvum royndum, og lokalum, ungum kreft­ um, sum vildu stríðast fyri felagið. Gunnar á Steig, Hjalgrím Elttør, Høgni Madsen og Nenad Stankovic skuldu vera berandi kreftirnar og vóru tað eisini. 12 mál teir fyrstu fýra dystirnar, samstundis sum teir hildu egið mál reint tvær ferðir av hesum fýra. Alt gekk sum tað skuldi, men so kom stígur í. Fyrst fýra tap á rað, áðrenn ein lítlan upptúr við sigri á javnaldrinum í Havn, hvørs kreppa má vera uppaftur meiri eyðmýkjandi, enn tann, KÍ er í nú. So aftur ein sigur á ÍF, men síðani hevur bara gingið ein veg – beint í móti 1. deild. Lætta loysnin Lættasta loysnin hjá nevnd felags­ ins hevði verið at koyrt venjaran. Um tað er rættasta loysnin, er ógvu­ liga trupult at meta um. Higartil hevur nevndin í KÍ mett, at tað ikki er rætt. HB hevur roynt hetta, men tað hevur so ikki bøtt upp á støðuna – enn. Hinvegin gjørdi 07 Vestur tað sama, og har gav tað úrslit. Í KÍ hava tey valt at hildið fast við leistin, sum tey byrjaðu árið við. Og onkursvegna er tað eisini djarvt, tí nevndin er undir einum øgiligum trýsti frá viðhaldsfólki og stuðlum. Ja, støðan er so spent, at venjarar sjálvir hava ringt og bjóðað seg fram. Hesir hava fingið noktandi svar. Alt hetta staðfestir, at tey hava eina ætlan, sum tey trúgva upp á og ikki vilja víkja frá, tí felagið upplivir mótgang. Ella eru tey bara óvan­ liga tvør, men tað er tað lítið sum bendir á. Tvørtur í móti ljóðar tað á prátinum við formannin, at hann er ómetaliga harmur um støðuna. Tað hava eina ætlan og eitt konsept, sum tey trúgva fult og heilt uppá. Men tað riggar bara ikki í løtuni. – Stigatalvan sigur nóg mikið um støðuna hjá okkum. Vit arbeiða altíð millum dystirnar, men vit halda fram við sama leisti, hóast trýst er á okkum, sigur Tummas Lervig, formaður í KÍ, í stuttari viðmerking. Nenad nyttar einki Tað er altíð lætt at peika út synda­ bukkar. Venjarin, nevndin, ein­stak­ir leikarar og so framvegis. Og her eru eisini nøkur støð, tað als ikki riggar sum tað skal og sum – at síggja til – burdu verið løtt at broytt. Hug­ burðurin er eitt. Tað tykist ikki sum um at tað heilt er rinið við í hópi­ num, at felagið kann flyta niður. Í løtum stríðast menn væl, men bara í løtum. Í móti B71 vóru hesar ómeta­ liga fáar, men í móti EB/Streymi var betri. Kortini var tað langt frá gott nokk, tí at spæla við tíggju monnum móti 11 og ikki fáa nakað sum helst burtur úr, tað sigur nógv. Ein av heilt stóru orsøkunum til hetta er Nenad Stankovic. Maðurin er næstan verri enn einki, soleiðis sum hann spældi – ella ikki spældi – í móti bæði B71 og EB/Streymi. Maðurin eigur at ganga á odda, geyla hinar upp, stríðast sum fyri lívinum, tí tað er tað, KÍ skal gera og hevur brúk fyri. Men tað ger hann ikki. Tann annars so stinni serbiski miðvallarleikarin sær út til at hava tað best í miðsirklinum, har hann kann spasera runt og hála ermarnar niður um hendurnar. Hetta hevur KÍ ikki ráð til – hvørki økonomiskt ella ítróttarliga. Tá Nenad annars tímir at spæla, er hann gull verdur. Tá er hann ein fongur fyri KÍ – og eitt hvørt annað lið. Tí liggur ein stór uppgáva í at fáa skil upp á hann, soleiðis at ungu leikararnir hava onkran at lena seg upp at. Tað hevði verið eitt fet rætta vegin og kanska eisini eitt fet upp eftir stigatalvuni. rolant@sosialurin.fo Í KÍ hava tey valt at hildið fast við leistin, sum tey byrjaðu árið við. Og onkursvegna er tað eisini djarvt, tí nevndin er undir einum øgiligum trýsti frá viðhaldsfólki og stuðlum. Myndir: Álvur Haraldsen Stigatalvan sigur nóg mikið um støðuna hjá okkum Tummas Lervig