mánadagur 15. august 2011síða 27

27 Mánadagur 15. august 2011 · Nr. 93 Sosialurin Frank Davidsen Sørvágur Aftan á at hansara egni landsstyrismaður gjørdi bart og stakk út í kortið, at Føroyar skuldu hava eina kvotu av makreli upp á 150.000 tons, hendið tað, sum væntað var, at samstarvslondini inn­an pelagisku vinn­una boykott­ aðu øll tey føroy­sku upp­ sjóvar­skipini, soleiðis at ikki eitt kilo av makreli kundi seljast til Noreg ella ES. Ein og hvør við vanlig­um viti og skili, tó ikki oraklið í Klaksvík, kundi longu tá gera sær greitt, at tað fór at fáa álvarsligar avleið­ing­ ar fyri tað føroyska sam­ felagið. Tí við bert einum uppsjóvarvirki í landinum og stuttari veiðitíð hevði megin­partin av veiðuni ikki farið til matna, men til guano á Havsbrún. Ilt eyga kann sjáld­an nak­ að gott sjá, og í hesum føri er tað heilt einastandandi, at Jákup Mikkelsen í síni fávitsku og við so lítlum politisk­um tevi ikki kann síggja nakað sum helst posi­ tivt í tí, sum fram er farið viðvíkjandi makrelinum. Hvat hevði Jákup Mikkel­ sen og Fólkaflokkurin gjørt, um teir sótu við ábyrgdini av at fáa 150.000 tons av makreli til høldar og til matna eftir nøkrum fáum vikum, samstundis sum Fólka­flokkurin við avgerð síni hevði útihýst okkara pelag­iska flota at avreiða uttanlands? Eg spyrji bara. Fleiri ferðir royndi sami flokkur at provokera seg út úr samgonguni. Millum annað við stuntinum hjá for­manni­num, tá hann vildi spara ein landsstyrismann uttan yvirhøvur at ráðføra seg við sam­starvs­flokkarnar áðrenn stuntið. Og tá teir eisini næstu ferð, tá tað eydnað­ist teimum at sleppa úr sam­gong­­uni, skutu seg væl og virði­liga í fótin - tað bera øll ill­sinnis­glepsini frá Jákupi Mikkelsen og Jørgini Niclasen síni tyðuligu boð um, nú teir sita á síðulinjini uttan nakra sum helst ávirkan. Tað er einki løgið í tí, at tað bleiv eitt sindur rokaligt, tí nú skuldi brótast upp úr nýggjum fyri at finna ein meira liberalan leist, har finnast skuldi útav, hvat veruliga virðið á makrelinum er, tá marknaðarkreftirnar sleppa at royna seg í fríari kapping. Men tað má sigast at vera lagnunar speisemi, at tann føroyski Fólkaflokkurin, sum hevur sagt seg verða garant fyri tað fría initiativið, nú situr uttanfyri og oysir gor og gall yvir teir flokkar, sum tóku seg saman og megnaðu tað upp á nakrar vikur, sum Fólkaflokkurin ikki hevur megnað, síðani hann var stovnaður, nevnliga at føra ein fiskivinnupolitikk, har tað fría initiativið varð sett í hásætið. At Jákup Mikkelsen sær tað sum eina vanlukku, at føroyska samfelagið kemur at fáa eina til hálva aðru milliard krónur í útflutningsvirði fyri makrelin, ja tað skilji eg í øllum førum ikki. Kann ugga Fólkaflokkin við, at næsta ár, tá vónandi bæði uppsjóvarvirkini í Vági og Fuglafirði eru til reiðar at taka ímóti, verður kanska óneyðugt at hava skip uttaní­ frá at taka ímóti. Hvat bilar Jákup Mikkelsen? Jógvan Skorheim Formaður í Norðoya Sjálvstýrisfelag Valevni Sjálvstýrisfloksins Sum valevni Sjálv­ stýrisfloksin og for­ maður í Norðoya Sjálv­ stýris­felag skal eg boða frá, at eg ikki taki undir við fiskivinnu­ politikkinum, sum for­ maður floksins á tingi í løtuni førir At taka úr einari heild, er nógv nýttur fram­ ferðarháttur í politikki, men tó hevði eg ikki trúð, at okkara egnu fóru at misnýta tað, sum hevur verið vinnupolitikkur Sjálv­stýrisfloksins, fyri at rættvísgera sína egnu niðurstøðu. Tað er rætt, sum okkara egni formaður hevur verið frammi og siterað úr stevnuskránni, men tað gerst avlagað og skeivt, tá ið tað verður tikið úr tí heild, sum vinnu­ politikkurin hjá Sjálv­ stýrisflokkinum byggir á. Yvirskipaða orð­ingin fyri vinnu­politikk floksins sigur: “Ein hóskiligur og mið­vísur vinnulívs­poli­ tikkur fyri landið eigur at tryggja øllum hondum arbeiði, og føroy­sk­um vinnulívi eigur at verða tryggjað kapp­ingarføri.” Men stevnu­skráin sigur eis­ini at: “Virkað verður fyri at fremja miðvísa og burðar­­dygga stovnsrøkt í fiski­vinnuni grundað á praktiskar og vísinda­ ligar royndir og tilmæli, og at gera greitt býti mill­ um veiðihættir. Húka­­ fiski­­skap­i­num skal verða veittur best møgulig kor.” Grava okkara egnu grøv Við tí útspæli, sum ein meiriluti í grein 25 nevndini er komin við, eru lunnar lagdir undir einum størri arbeiðs­ loysi. Harafturat kann ein bara staðfesta, at flokkurin, ið eg sjálvur stilli upp fyri, ikki fylgir tí stevnuskrá floksins, sum eigur at vera støðu­ fasta grundarlagið undir einumhvørjum flokki. Okkara umboð í grein 25 nevndini hevur sæð burt frá trí­býtta grundar­lagnum í stevnu­ skránni (prakt­iskar og vísindaligar royndir og tilmæli), fyri blint at fylgja tilmælinum frá landsstýrinum. Tá ið slíkt uppskot verður lagt fyri tingið, skulu nógv atlit takast. Vit eru enn ikki komin úr kreppuni til fulnar, og tískil er tað ómetaliga umráðandi, at vit ikki sjálvi grava okkara egnu grøv. Føroyar hevur brúk fyri, at allar hendir arbeiða, og at okkara “spískompetansa”, fiski­ vinnan, fær greið, virðilig og gjøgnumskygd kor at liva undir. Fyri­­tøk­ur í arbeiða innan vinn­una eiga at kunna leggja lang­ tíðar rakstrar­­ætlanir, sum ikki verða ávirk­aðar av tilvildar­ligum niður­ skurð­um. Vinnan eigur at kenna eina langtíðar­ loysn fyri økið, áðrenn slík grundleggjandi inn­ triv verða gjørd. Sum valevni fyri Sjálv­ stýrisflokkin, og sum formaður fyri Norð­oya Sjálvstýrisfelag, fari eg framhaldandi at halda meg til stevnu­skránna og vera við til at tryggja føroyska vinnu­lívi­ num bestu kor nú og í framtíðini. Fiskivinnan er grundarlagið undir okkara samfelagið, og virðing fyri hesum eiga vit at síggja aftur hjá teimum, ið vald eru at stýra landi okkara. Hetta er vinnu­ poli­tikkur Sjálvstýris­ floksins Elsebeth Mercedis Gunnleygsdóttur Býráðslimir Hvør kann keypa makrel fyri útvið 5 kr kg og selja fyri sama prís ? Álvaratos, hvussu hongur hettar saman? Ella hongur tað saman? Hvør hevur ráð til at gjalda líka nógv fyri til­ feingið, sum hann fær fyri tað í avreiðing? Vænti fleiri seta spurn­ar­ tekin við, tí neyvan klárar tann best bjargaði føroy­ ingurin at keypa kvotur fyri sama prís, sum hann avreiðir fyri. Er tað nakar sum er førur fyri at geva mær eina frágreiðing upp á hettar, hvussu ein reiðari kann fara at keypa kvotur fyri tað sama, sum hann fær fyri av­reiniðgina? Ella er tað so stuttligt at fiska makrel, at ein veruliga vil geva tað sama krónutalið fyri pr. kilo, sum ein kann avreiða tað fyri??? Hvussu hongur hettar saman???? Eftir tí sum maðurin setur á prent, so skuldi ein trúð, har er okkurt spinn­andi galið við honum Lesið Sosialin - so eru tit við