fríggjadagur 19. august 2011síða 23

Sosialurin nr. 95 · 19. august 2011 7 greinar, sum verða skrivaðar á ymsu før­oysku heimasíðunum. Ein óskikkur er, at fólk niðurgera høvundin og tey, ið hava aðrar meiningar. Bæði teirra vit, út­sjónd og eginleikar annars verða nevndir, men hetta hoyrir ongastaðni heima í einum kjaki. Viðmerk tað, fólk siga, og einki annað. Reypa av ólógligum handlingum Hevur tú gjørt okkurt, sum ikki er innan lógarinnar karmar, er tað eitt vánaligt hugskot at skriva um tað á Facebook, tí myndugleikarnir kunnu nýta tað ímóti tær. Løgreglufólk hava eisini Facebook, og hóast próvbyrðan ikki er nóg stór at fella teg, so er sannlíkt, at myndugleikarnir fara at hava eitt vakið eyga við tær framyvir. Geva teg út fyri onkran annan Tú kanst ikki nýta Facebook fyri seta onnur í ringt ljós. Í ringasta føri kanst tú verða ákærdur fyri falsan. Um tú til stuttleika gert eitt facerape á tínar vinir, kann tað ganga, men tað er egin ábyrgd. Um tú leggur upplýsingar út á teirra síðu, sum tey ikki ynskja, at øll skulu vita, kanst tú ógvuliga sannlíkt missa ein vin. Sletta fólk í vreiði Tú finnur valla eitt betri netverk­anar­ amboð enn Facebook. Tí er tað býtt at brenna tínar brýr. Hóast tú ert komin til illnar við onkran, kann tað væl vera, at viðkomandi seinni verður onkur, sum kann lata onkrar dyr upp. Hóast tú ert í øðini nú, er ikki vist, at tú verður tað um eitt ár. Legg lok á í eina tíð, áðrenn tú tekur eina avgerð. Leggja persónligar upplýsingar út Adressa, telefonnummar og tílíkt er kanska ikki tað snildasta at leggja út á netið, tí Facebook eigur rættindini til alt, tú leggur út. Tey kunnu tí selja tínar upplýsingar til fólk, ið kunnu hava gleði av teimum til lýsingar og annað. Fyri at verja teg sjálvan, er tí best at lata vera við at leggja slíkt út. Tosa um persónlig mál Um tú ikki ynskir fólk skulu vita eitt­ hvørt – lat so vera við at leggja tað á Facebook. Um onkur er vorðin við barn, um tú ætlar at siga upp, ella um tú hevur fingið nógvan pening aftur í skatti, so er Facebook kanska ikki rætta staðið at tosa um tað. Hevur tú eini boð til onkran, sum øll ikki nýtast frætta, nýt so heldur privata postkassan, har øll verðin ikki fær fylgt við í tykkara samskifti. Góðtaka at flyta fólki pening Facebook er eitt gott stað at handla. Tað hava fleiri funnið útav, og tað ber til at gera eitt gott kubb. Ansa bara eftir teimum, sum vilja hava teg at flyta teimum pengar. Summi siga seg hava skrivað ein kekk á ov nógvar pengar og biðja teg so flyta restina av pengunum aftur til sín. Hetta ljóðar kanska sum nakað, sum er lætt at sleppa undan, men hetta er ein av mest nýttu háttunum at snýta pengar frá fólki. Hitta fólk, tú ikki kennir Eins og á øðrum sosialum síðum, so er Facebook eitt gott mið hjá ráns­ monn­um. Kanska vilja teir hittast, fyri at stjala ting frá tær. Kanska geva vaksnir menn seg út fyri at vera børn, og biðja so tíni børn um at hittast. Lat altíð vera við at møtast við fólki, um tú ikki kennir tey. Tað er lætt at falska ein profil, stjala myndir og geva seg út fyri at vera onkur heilt annar. Vraka tína betru helvt Tað ljóðar kanska løgið, men fólk nýta Facebook at gera tað liðugt við sína betru helvt. Hetta eru serliga ung­fólk, men hetta er ein serstakliga mann­mink­ andi máti at verða vrakaður. Hóast tú ikki tímir meiri, so er tað ikki vist, at makin hevur tað á sama hátt. Eitt minstamark av virðing má vera. mynd: tilvildarlig