mikudagur 24. august 2011síða 10

Mikudagur 24. august 2011 · Nr. 97 10 Sosialurin Orð: Snorri Brend Myndir: Jens Kristian Vang Velbastaður: - Tey vildu hava síni dreymahús á hesum staði. Og tað haldi eg so sanniliga eisini at tey fara at fáa, sigur Ragnar Trier. Hann er ein av arbeiðs­ monnunum hjá byggifyri­ tøkuni Eyðstein Jacobsen í Havn, og sum nú hevur átikið sær at byggja enn eini sethús, hesaferð á Velbastað. At byggja sethús og gera onnur timburarbeiði er nakað av tí, sum menninir hjá Eyðsteini so líðandi hava fingið góðar royndir í. Og tá so eitt ungt par við einum grundøki á Velbastað setti seg í samband við teir, fingu tey tosað seg til sættis um eina góða loysn. Her er talan um eini hús í einari hædd uppá 200 fer­ metrar. Tá er stóra bilhúsið íroknað. - Jú, hetta verða eini fín hús, staðfestir Ragnar Trier, sum saman við trimum øðr­ um handverkarum arbeiðir her. Útsýnið Tey seinastu árini eru mong sethús bygd á Velbastað. Orsøkirnar til hetta kunnu vera so ymiskar. Summi høvdu kanska trupult við at finna sær egnað grundøki í Havn, meðan uppaftur onnur høvdu tilknýti til bygdina á vestursíðuni á Streymoynni. Júst hetta seinasta er uttan iva eisini orsøk til, at mong fólk - við ella uttan tilknýti til Velbastað - hava valt at búseta seg her. Tað er ikki á mongum øðrum støðum, at ein fær eitt so framúr gott útsýni sum her. Eins og myndirnar á síðuni her fullgott prógva, hevur ein allan Hestfjørð frammanfyri sær, og ein sær langt bæði eystureftir, suðureftir og ikki minst ímóti vestastu oyggjum okkara. Unga parið, sum um ikki so langa tíð kann flyta inn í hesi nýggjastu húsini í bygdini, hevur eisini hugsað um hetta sama. Tað sum á mangar mátar júst er í samsvari við áhuga­ mál teirra: Hon við atelierinum til málningar sínar. Hann við garasjuni til bilar sínar. - Tey hava haraftrat valt at hava rættiliga stór vindeygu út ímóti fjørðinum, greiðir Ragnar frá. Tann, sum fer inn á Gerðis­ breyt við øllum teim­um nýggju húsunum, skilir uttan iva væl, hví fólk hava bú­sett seg júst her - og hví tey hava gjørt húsini júst soleiðis. Í september Tá ein skal seta føtur undir egið borð, so tekur tað altíð sína tíð. Kanska ofta longri, enn ein í fyrstu syftu ætlar sær. Byrjað varð uppá hesi sethúsini í februar mánaði í ár. Síðani var ein lítil steðgur í, men ta seinastu tíðina hevur arbeiðið gingið út í eitt. - Vit ætla at verða lidnir innan í hesi vikuni (t.v.s. í farnu viku, blaðm.). Og nú fara vit so at klæða uttan, leggja takið á og so alt hitt, ið manglar í, greiðir Ragnar frá. Ætlanin var upprunaliga, at unga parið skuldi flyta inn í húsini í september mánaði í ár - tað er: um nakrar fáar vikur. - Og sum tað gongur nú, so verður tað eisini í september mánaði. snorri@sosialurin.fo Dreymahúsini við tí ótrúliga útsýninum SETHÚS Tað hoyrist nærum ikki mannamál í nánd av hesum nýggjastu sethúsunum á Velbastað. Bæði innanveggja og uttanfyri hoyrast ljóð frá maskinum og amboðum, her menn eru í ferð við at leggja seinastu hond á hetta vælaverkið - hesi 200 fermetrar stóru dreymahúsini hjá einun ungum pari, sum í næstum fer at seta føtur undir egið borð. - Arbeiðið hevur gingið avbera væl, og nú nærkast vit endanum, sigur ein av hesum ídnu handverkarunum, Ragnar Trier av Tvøroyri Menninir hjá byggifyritøkuni Eyðstein Jacobsen leggja seinastu hondina á verkið. Teir vandnu læra tann unga, hvussu arbeiðið skal gerast HANDVERK - Hetta er eitt fínt arbeiði, sigur Ragnar Trier, sum varð útlærdur sum timburmaður í Danmark í 2000 TIMBUR Húsini eru tí tryggjað, bjálvað og fest uppá allar besta máta. Og konstruksjónin er sjálvandi eisini gjørd rættiliga kraftig