fríggjadagur 26. august 2011síða 37

Sosialurin nr. 98 · 26. august 2011 5 ingar­skúrar og tonsatøl, og skal eitt land hava flog, má tað hava kultur og intellektualitet. Sjálvandi skilja vit øll livi­kor í einum lítlum landi, har øll kenna øll. Við okkara sosialliberala politikki fevna vit um øll, vit halda fast við upprunastevnu floksins um at vinna føroyingum fult sjálvstýri, og vit binda lættliga politisku mótpólarnar sam­an, tá samgongur verða skipaðar. Tí stilli eg upp fyri Sjálvstýrisflokkin!   Listi E er framtíðin Mín tjóðveldismaður er als ikki innaní, men støðugt uttaná. Allir føroyingar skilja okkara stevnu og taka innast inni undir við henni. Vit eru og verða sjálv­ støðugt fólk, og vit eru eisini sjálvstøð­ ugt land, sum bara  útnyttar danska statskassan, tí vit elska at fáa og onki lata. Tjóðveldi minnir áhaldandi dovnu síð­una í okkum øllum á, hvat vit eiga at gera, men okkum dámar best at geispa og venda okkum á hina lið­ina. Hugflog og støðufesti eyðkennir flokkin. Nýggja stjórnarskipan, nýggjan fiski­vinnu­ politikk, nýggjan búskapar­grunn, ný­skapandi politikk  á fólkatingi  og ikki at gloyma meginpartin av teirri hugs­andi elituni í limaskaranum. Tað er Tjóð­veldi! Hví tímir nakar at velja annan flokk? Progressivitetur er skrekk­urin hjá konservatismuni og fantasi­loys­inum, sum eyðkennir hinar flokk­ar­nar. Teir hata at verða drignir inn í fram­tíðina við politikki, teir ikki sjálvir klára at skapa. Tí stilli eg upp fyri Tjóð­veldi!   Listi F skapar úrslitini Alt ov leingi hava so fá forðað  so mong­um í at koma framá í Føroyum. Blokerandi minnilutar hava læst før­ oyskan politikk fastan við sínum aftur­ haldni, og tá framstig skuldu gerast, fóru stórar ætlanir fyri skeyti, og onki kom burturúr. Sum liberalur flokkur, ið stevnir ímóti politisku sjálvstøðuni, er Framsókn einasti flokkur, sum veruliga talar til tað, sum øll vilja uppliva, nevn­ iliga persónligan og tjóðskaparligan stoltleika í praktiskum verki. Skrólandi tjóð­veldismenn, ómøguligir sambands­ menn, feudalistiskir fólkasfloksmenn og  mjarrandi javnaðarmenn hava steðgað framburðinum í Føroyum alt ov leingi, og loksins kom sárt sakn­ aða alternativið til stillstøðuna á politiska vøllin. Ongin makrelsemja uttan Fram­sókn, ongin kommunureformur og ongin stjórnarskipan, tí Framsókn vil framá, ikki við yvirlýsingum, men í verki. Tí stilli eg upp fyri Framsókn!   Listi H tryggjar grundstøðið Meðan allir politiskir flokkar blæsa seg upp um sjálvstøðu, vælferð og vinnulív, gloyma teir, hvørjum kletti føroyingar og allar Føroyar standa á. Í 1000 ár hevur kristindómurin tryggjað, at før­oy­ingar hava verið eitt hampiligt, eyð­mjúkt, gestablítt, mentað og gud­ røkið fólkaslag. Fólk avnokta ofta nú á døgum átrúnað, tí átrúnaður  skal standa í vegin fyri humanismu og fólka­ræði, men fátækur er tílíkur pá­ standur, tí við ongum kristindómi var ongin humanisma, ið jú byggir á júst næstrakærleikan og virðing fyri ein­ staklinginum. Lærdu vit ikki um næstra­kærleikan frá barnsbeini av, høvdu vit heldur onki mentað fólka­ ræði, har tvívegis virðing jú er ein fortreyt. Politikkur er mangan ein fløkja av orðum og stríði, men Miðflokkurin bygg­ir á tað góða, ið setir seg upp um alt tílíkt uppslítandi togarí og ber yvir við tí. Tí stilli eg upp fyri Mið­- flokkin!   So kæru veljarar! Hetta er grund­- in til, at eg stilli upp fyri allar flokkar. Eg vil loysa meg úr hugsjónarligum leinkjum og ogna mær allar hugsjónir í senn. Tit kunnu fata hetta sum skemt, tit kunnu kenna tykkum upp­lýst og kveikt, ella tit kunnu fata hetta sum eina neyðuga hondbók fyri vingli­ skøltar. Í øllum førum ynski eg tykk­ um øllum eitt gott val – og vænti mær atkvøðuna! Skal nakað koma burtur úr politikkinum, mugu vit øll umboða øll sjónarmið, tí tá loysna allar fastlæstar støður. Hugsjónir og prinsipp eru ein farin tíð! kolasja: jens kristian vang