mánadagur 29. august 2011síða 13

13 Mánadagur 29. august 2011 · Nr. 99 Sosialurin Ítróttarblaðið ÍF - KÍ 0-1 (0-0) Høgni søkti sínar bygdar­ menn Fótbóltur Høgni Madsen og liðfelagarnir í KÍ hava kostað ÌF níggju av níggju stigum hetta kappingarárið, og tað sæst aftur á stigatalvuni. Høgni Madsen valdi ikki at feira, at hann hevði skorað ímóti barndómsfelagnum Heri Simonsen Tað er tiltikið í Manchester, tá skotska fótbóltslegendan, Denis Law skoraði fyri Manchester City ímóti Manchester United á Old Trafford seinasta kappingardagin á vári í 1974. Denis Law hevði havt 11 fantastisk ár í Manchester United, har hann hevði skorað 237 mál í 404 dystum. Í sínum seinasta dysti í bestu ensku deild­ini skoraði Denis Law ímóti sínum gamla felagi, og tá dysturin var liðugur var Man­ chester United í næstbestu ensku fótbóltsdeildini. Denis Law vildi ikki fegnast um málið, sum hann hevði hælað inn máið hjá Manchester United. Denis Law vildi vísa virðing fyri sínum gamla felagi, sum var í ringum skørum tá. Høgni gjørdi ein »Law« Høgni Madsen gjørdi gott og væl ein »Law« í dystinum millum ÍF og KÍ leygardagin. Tá eitt korter var eftir av vanligu leiktíðini sendi fugl­ firð­ingurin eitt dreyma­høgg í málið hjá ÌF, sum sat dygst við stongina, og KÍ hevði tryggjað sær trý stig aftrat ímóti ÍF í hesum kappingarárinum. Rokni­ stykkið hjá KÍ ímóti ÍF hev­ur verið framúr í ár. Talan hev­ur verið um tveir 1-0 sigrar í Fugla­firði, og ein 2-0 sigur í Klaksvík. Júst hesi níggju stigini muna øgiligt á stigatalvuni nú. Meðan allir hinir KÍ-spælararnir, út­skift­ingar­bonkurin hjá KÍ og »Bláa Bylgjan« stórfegnaðust um dreymahøggið hjá Høgna, sum gav KÍ tann fyrsta sigurin í vodafonedeildini síðani 27. mai, so vísti Høgni stóra virðing fyri sínum barndómsfelagi, og valdi ikki at fegnast um málið hjá sær, og vísti harvið stórsinni. Kendist væl Hjalgrím Elttør duldi ikki, at tað var ein framúr kensla hjá KÍ- spælar­unum loksins at fáa ein sigur aftur: – Tað kennist framúr gott, segði Hjalgrím Elttør aftaná dystin. Hann og hinir KÍ-spælar­ ar­nir og nógv viðhaldsfólk steðg­ aðu í bowlinghøllini í Leirvík til ein betri bita, fyri at hátíðar­halda sigurin. – Talan var ikki um væl spældan dyst. Tað var skiligt, at tað stóð nógv uppá spæl, og bæði liðini vóru rættiliga varin. Tað vóru ikki so nógvir málmøgu­ leikar í dystinum, men tíbetur koppaði dysturin til okkara fyrimun, staðfesti Hjalgrím Elttør. Mugu trúgva uppá tað Mótbrekkan er tung hjá ÍF í løtuni. Bogi Løkin staðfestir, at tað er bert ein uppskrift sum hjálpir ÍF nú: – Vit verða noyddir at trúgva uppá okkum sjálvar. Vit hava gott mót, tí tað eru níggju dystir eftir enn. 27 stig er nógv at spæla um, so vit kunnu einki ann­að gera, enn at síggja ljóst uppá tað, slerdi Bogi Løkin fast aftaná dystin. Komandi dystur hjá ÍF er í Havn ímóti B36, sunnu­dagin 11. september. Ímóti B36 hevur ÍF góð hagtøl higartil í hesum kappingar­ár­ inum. Báðir dystirnir ímóti B36 fyrr í ár eru endaðir við javnleiki 1-1. ÍF hevur spælt ein dyst minni, enn hini liðini í botnstríðnum, men talan er ikki um eina lætta uppgávu, sum verður á bredd­ anum mikukvøldið 28. september. Tá bíðar formliðið EB/Streymur við Margáir í Streymnesi. Bóltar: Framúr kensla – Tað kennist framúr gott, segði Hjalgrím Elttør aftaná dystin Mynd: Jens Kristian Vang kí vann samanlagt Dystirnir hjá ÍF ímóti KÍ í hesum kappingarárinum hava verið dýrir. Báðir heimadystirnir eru endaðir við einum 0-1 tapi. Dysturin í Klaksvík endaði við 2-0 sigri til KÌ. Harvið 9 stig til KÌ. skolaðu fuglafjørð Ein Blá Bylgja skolaði inn yvir Fuglafjørð í dag. Hon tók alt við sær heilt til Klaksvíkar. Frændi er frændi verstur. (Sms í Rás2)