mikudagur 31. august 2011síða 11

11 Mikudagur 31. august 2011 · Nr. 100 Sosialurin Árni Joensen Millum teir mongu fólka­tingslimirnar, sum ikki stilla uppaftur, eru báðir teir grøn­lendsku, Juliane Henningsen og Lars Emil Johansen. Tað hevur gjørt, at spenn­ingurin er stórur upp undir valið, hóast tað tykist rættiliga vist, at tað verða somu flokkar, sum fáa umboð hesaferð. Munurin var eisini stórur seinast. Tá fingu Inuit Ataqatigiit og Siumut ávikavist 8.343 og 8.068 atkvøður, meðan Demo­kratarnir og Atassut fingu ávikavist 4.500 og gott 4.000 atkvøður. Freistin at stilla upp renn­ur út tann 4. september, men teir fýra flokkarnir hava langt síðani stillað hvør síni fýra valevni upp. Áhugavert er, at bæði kynini eru líka væl umboðað í uppstillingini, tí har eru átta menn og átta kvinnur. Kynsbýtið er tó ikki galdandi fyri allar flokkarnar. Hjá IA eru tríggjar kvinnur og ein maður, hjá Atassut er tað øvugt við einari kvinnu og trimum monnum, og hjá Siumut og Demokratunum eru tvey av hvørjum kyni. Á fólkatingsvalinum í 2007 vóru 63,2 prosent av teimum grønlendsku veljarunum í valhølunum. Grønland fær nýggja umboðan Fólkatingsval Fyribils eru 16 fólk í uppskoti til at umboða Grønland í Fólka­ting­ inum aftan á 15. september. Tað einasta, sum er vist, er, at tey bæði grønlendsku um­boðini verða nývald Á fólkatingsvalinum í 2007 valdu grønlendingar Juliane Henningsen úr IA og Lars Emil Johansen úr Siumut við ávikavist 5.168 og 3.582 persónligum atkvøðum. Hvørgin teirra stillar upp hesaferð Myndir: Fólkatingið Árni Joensen Kemur ikki broyting í velj­ ara­kanningarnar í Danmark, kann Lars Løkke Rasmussen, forsætisráðharri, longu nú fyrireika seg til at finna sær eitt annað pláss í fólka­ tingssalinum. Kanska kem­ ur tað óvart á hann, at hann og stjórnin standa seg so illa í kanningunum, men val­ gransk­arin Roger Buch er als ikki ovfarin av tí vána­ liga úrslitinum, sum kann­ ingarnar geva stjórnini. – Stjórnin hevur langt síð­ani tapt hetta valið, sigur Roger Buch. Hann sigur, at tað er ikki fallið hjá teimum konservativu við nýggj­ um formanni og nýggj­ari fram­søgukvinnu, trupul­ leik­ar­nir við Birthe Rønn Hornbech fyrr í ár ella tann bú­skaparliga kreppan, sum fella stjórnina tann 15. sep­ tember. – Høvuðsargumentini, sum stjórnin hevur brúkt ímóti Sosialdemokratunum og SF um, at teirra bú­skapar­ ætlan hongur ikki saman, at Thorning hevur ongar pengar o.s.v. eru skotin niður. Tað, sum eftir er av valstríðnum, kann Helle Thorning- Schmidt bara svara, at stjórn­ in hevur 85 milliardir krón­ur í halli, og at tað verður hall líka til 2020, sigur Roger Buch. Í hansara eygum hava Lars Løkke Rasmussen og hansara politikkur lagt fót fyri sær sjálvum við tí úrs­ liti, at Vinstra-formaðurin tapir ímóti Helle Thorning- Schmidt tann 15. september. – Búskaparlig ábyrgd var tann bjargingarplankin, sum skuldi bjarga stjórnini, men stjórnin hevur oyðilagt alt fyri seg sjálva. Við tosi um, at tað ber ikki til at læna seg til vælferð, at javnvág var í kassanum, at allar rokningar kundu gjaldast skapti stjórn­ in eina hugmynd, sum brast sum ein sápubløðra tann dag­in, fíggjarlógin fyri 2012 varð løgd fram. veir dagar seinni bleiv valið útskrivað, sig­ur Roger Buch. arni@sosialurin.fo Stjórnin hevur longu tapt valið Fólkatingsval Í Danmark benda allar veljarakanningar á, at Lars Løkke Rasmussen noyðist at fara úr forsætismálaráðnum. Men sambært valgranskaranum Roger Bush hevur stjórnin langt síðani tapt valið Roger Buch, valgranskari