fríggjadagur 2. september 2011síða 17

17 Fríggjadagur 2. september 2011 · Nr. 101 Sosialurin Jenis av Rana Formaður Miðfloksins Eg skuldi á fund í uttan­ landsnevndini kl. 09.00 á morgni, á fund við danska uttan­ríkisráð-harran, Lene Espersen. Eg hevði fyri­ reikað meg at tosa við hana um málið um ætlaðu ST viðurkenning av ”pale­stina”, men fundurin varð avlýst­ur vegna danska valið. Men Lene bjóðaði til frokost í Áarstovu á miðdegi. Í Áarstovu varð tosað tvørturum borðið, um makrel, Arktis, grindahvalir, Poul Watson v.m. Sperdir »palestinar« Har fekk eg høvið at spyrja Lenu beinleiðis um ætlan­ irnar í ST um at viður­kenna ”palestinska” statin. Tað gjørdist eitt langt og gott prát. Hon var sera áhugað og engagerað, og lovaði fult og heilt í EU at virka fyri at ”palestinski” staturin ikki fór at verða treytaleyst góð­ kendur. Hon skilti til fulnar argumentini, m.a. at tú ikki kann viðurkenna ein stat, sum hevur sum eitt av enda­ málum sínum at útrudda ein annan (Ísrael). Hon helt sjálv, at ”palestinar” eru viknaðir og sera sperdir, nú leiðslurnar í Libya og serliga Sýria eru um at falla. Royna felags stev í ES Lene greiddi frá, at ES roynir at finna eitt felags stev. Har eru lond, sum fult út stuðla ”palestina”, meðan onnur ikki vilja hoyra um tað, tí Ísrael stendur teimum so nær (her nevndi hon Týskland og Háland). Við núverandi donsku stjórnini er ongin ivi, segði hon, vit fara á ongan hátt at stuðla slíkum uppskoti og vænta heldur ikki, at ”palestinar” hætta sær at leggja tað fram, tí ósigurin, um tað ikki verður samtykt, er ov stórur. Sjálv metti hon, at eitt av krøvunum frá ES til ”palestinar”, fyri í heila tikið at viðgerða spurningin, fór at verða, at hesir ikki bert góðkenna Ísrael og rættindi tess, men at teir góðkenna Ísrael sum ein jødiskan stat. Týdningarmikið at biðja! Samanumtikið var eg ómetaliga glaður fyri prátið við hana. Hon tyktist skilja álvaran, spurdi positivt um hetta málið var týdningar­ mikið fyri føringar (nakað eg bert kundi játta). Hon lovaði, at danir fóru at gera sítt ýtarsta at verja rættindi Ísraels. Hinvegin nevndi hon, at ein reyð donsk stjórn óivað bein­leiðis fór at stuðla ”pale­stinum”. Hetta hevur reyði blokkur so eis­ini váttað í vikuni. Umráðandi er at biðja eftir, at fólkatingsvalið fær eitt úrslit, sum tænir Ísrael. Óheppið fyri Ísrael, um »tey reyðu« vinna fólkatings­ valið! Seinasti fríggjadagur, dagurin tá fólkatingsvalið varð útskrivað, gjørdist intensur, men saman­um­tikið góður Eg havi fingið nógvar spurn­ ingar og viðmerk­ingar um ógvusligu og ótíðar­ hósk­­andi ójavn­støð­una á lista­­num hjá Sjálv­stýris­ flokki­­num við valevnum til Fólkatingsvalið. Onkur hava spurt, um eg ikki átti at at hildið meg langt burturi frá einum slíkum, í mun til javnstøðuna, ótíðarhóskandi lista. Men um eg valdi at siga nei, hevði úrslitið allarhelst verið, at eingin kvinna var á lista­num, og so var einki vunnið. Økt javnstøða í føroyska sam­ felagnum, og tí eisini í politikki er og hevur altíð verið eitt av mínum hjartamálum. Onnur hava spurt, um ikki júst eg av øllum átti at sett sum treyt greiða kravið hjá Demokratiu um kynsjavnvág á flokslistanum. Eg bjóði meg fram júst fyri at koma í ta støðuna, at eg kann seta slíkar og aðrar, líknandi treytir. Og tað gerst allarbest innanfyri.         Sjálvandi bjóði eg meg fram fyri Sjálvstýrisflokkin, eisini til Fólkatingsvalið. Eg hevði tó ynskt, at fleiri av hinum kvinnunum í Sjálvstýrisflokkinum valdu at gera tað sama. Sjálvandi bjóði eg meg fram, eisini einsamøll Kristianna Winther Poulsen valevni Sjálvstýrisfloksins til Fólkatingsvalið Tað ringasta vit kunnu gera, er at draga ósemjur úr Løg­ tinginum niður á Dana­ting. Ósemjur loysa vit heima, meðan vit altíð eiga at standa saman mótvegis øðrum. Tað vil Fólkaflokkurin Øll okkara frambrot í viðuskiftunum millum Føroy­ ar og Danmark eru gjørd tá vit standa saman. Úr rúgvuni kunnu nevnast undirgrundin, bankamálið, yvirtøkulógin og so flagstríðið í Reykjavík. Frá danskari síðu bar einki til, fyrr enn føroyingar stóðu saman og vit áttu fólka­ tings­­umboðan, sum dugdi at sam­kóka okkara semju við polit­iskt hondverk í Fólkatinginum. Okkara fólkatingsumboð mugu arbeiða saman. Eitt fólkafloksumboð á Fólka­ tingi vil leggja doyðin á, at føroysku umboðini draga eina línu og harvið verða Føroya longdi armur. Vit vilja samstarv við úrslitum. Tað ringasta vit kunnu gera, er at draga ósemjur úr Løgtinginum niður á dana­ ting. Ósemju heima, fyri ikki at tala um tvey ósamd føroysk fólkatingsumboð, flyta ongan prikk fyri okkara fólk. Tað gevur dønum møgu­ leika at hella seg afturá. Tað hava teir gjørt hvørjafer, umframt at tað eisini hev­ ur givið okkum vánaligt umbømi í Danmark. Ósemjur loysa vit heima, meðan vit altíð eiga at standa saman mótvegis øðrum. Reyður ella bláður blokk­ ur í Danmark førir stórt sæð sama politikk mótvegis Føroyum. Tí er umráðandi at samstarva uttan mun til litin í Fólkatinginum. Tað hava Fólkafloksumboð megnað við góðum úrslitum. Fólkaflokkurin vil tí verða óheftur av donskum flokk­ um. Okkara umboð fer at samstarva við hitt føroy­ska umboðið, tí saman kunnu vit skapa úrslit. Tað hava vit víst í verki. Jørgen Niclasen form. Fólkafloksins Fólkatingsumboð mugu arbeiða saman Um tú var arbeiðsgevari, hevði tú so sett sama persón í tvey størv? Kanska. Hevði tú gjørt tað, um talan var um tvey fulltíðarstørv? Neyvan. Og um hesi fulltíðarstørvini vóru í hvør sínum landi? Avgjørt ikki! Men á fólkatingsvalinum ERT tú arbeiðs­ gevari. Hugsa um, hvussu tú fært mest fyri atkvøðuna. Set ein persón í starv, sum ætlar at røkja tað til lítar. Vel so tað munar! Sjúrður Skaale VEL SO TAÐ MUNAR Valgreinar Fólkatingsvalið 2011