mánadagur 5. september 2011síða 16

Mánadagur 5. september 2011 · Nr. 102 16 Sosialurin Ítróttarblaðið føroyar - italia 0-1 (0-1) Stong út! Landsliðsfótbóltur Fyrstu løtuna sá avgjørt einki út, men tá so føroyska liðið vaknaði, greiddi tað úr hondum ein hin besta innsatsin hjá einum føroyskum landsliði nakrantíð. Føroysku spælararnir góvu veruliga væluppløgdu fjøldini á upplýsta Tórsvølli nakað at vera errin av Hilmar Jan Hansen Tað var við einari ikki sørt óveru­ ligari kenslu, at tú fórt heimaftur av Tórsvølli fríggjakvøldið. Tú hevði verið vitni til tað, sum menti seg til at gerast ein fram­úr­ skarandi innsatsur frá føroysku spæl­arunum ímóti italsku heims­ stjørnunum. Og nú alt var liðugt, var tað ikki sørt, at tú iðrai teg um, at ikki annar av hasum bólt­ unum fór inn – tann hjá Súna Olsen í fyrra hálvleiki ella tann hjá Christiani Lamhauge Holst í seinna. Men hvørgin bólturin fór inn, og tí stóð 0-1 á máltalvuni eftir loknan dyst. Enn eitt tap, suffa tey svartskygdu, meðan tey bjartskygdu og øll hini mugu stað­festa, at avrikið so sanniliga var góðkent! Italia byrjaði dystin við somu 11 monnum, sum herfyri vunnu á sponsku heimsmeistarunum, so her var einki við, at italienarar á nakran hátt undirmettu før­oy­ ingar. Men hinvegin bendi fyrsta løtan í dystinum á, at føroyingar ið hvussu er stórliga yvirmettu italensku mótstøðuna. Gott og væl fyrsta korterið var føroyska virðingin yvirdrivið stór, sjálvt um tað eisini hoyrir við til søguna, at Italia koyrdi á við øgiligari ferð og stórum hugi at leypa á. Føroysku spælararnir runnu aftaná og næstan hildu seg aftur, heldur enn at herja á og takla ígjøgnum, so sjálvt sum ein hálvur møguleiki var til tað. Okkara menn vóru ov spakir, men tíbetur broyttist tað seinni. Spurningur um tíð Italska trýstið ta fyrstu løtuna var so øgiligt, at tað veruliga bara var ein spurningur um tíð, til hol kom á. Og lítið er at ivast í, at hevði ikki framspælingini frá Andrea Pirlu spælt Antonio Cassano púra leysan á rang­ støðumarkinum, so hann fekk sent bóltin í málið, hevði onkur annar møguleiki givið Italia eitt leiðslumál. Nakað annað er so eisini, at tað ikki altíð er so galið, at eitt sera gott mótstøðulið skorar tíð­ liga, og kanska var tað ein góð hjálp fríggjakvøldið. Svongdin var ikki tann sama eftir ellivta minutt, tá Italia hevði lagt seg á odda, sjálvt um René Tórgarð í føroyska málinum fekk nógvar møguleikar aftrat at vísa seg frá síni bestu síðu – og tók teir! Fyri at venda aftur til før­ oyska smædnið, so fornoktaði tað seg ikki í hesum dystinum. Og klokkan skuldi heilt upp á 21 minuttir, áðrenn vit sóu eina ordiliga føroyska takling, ið segði italienarunum, at her var altso eitt mótstøðulið á vøllinum. Hvussu stóran týdning slíkt kann hava, fingu vit næstan beinanvegin at síggja, tí so skjótt sum Jóhan Troest Davidsen hevði víst, at tað kundi gerast, breiddi trúgvin seg víðari á lið­ num sum steppubrandur, og longu tríggjar minuttir seinni var tað, at vit fingu annan av okkara risastóru møguleikum at skaka Italia fríggjakvøldið. Fínt uppspæl í høgru síðu endaði við, at Hjalgrím Elttør hegnisliga lyfti bóltin inn til Súna Olsen mitt á, sum tamdi og legði ann til skot. Tað eydnaðist Súna at stýra bóltinum uttan um fingraspíssarnar hjá Buffon í italska málinum, men ólukkutíð brast bólturin í stongina og út­ aftur í spælið. Trý tung stig Hetta bleiv ikki tað einasta, ið fekk heilhugaðu hjørtuni kring Tórsvøll at leypa sløg um fríggja­ kvøldið, tí 20 minuttir fyri tíð høvdu vit enn eina roynd á træ­ verkið, ið kundi kjølfest størstu sensatiónina nakrantíð hjá før­ oyskum fótbólti. Aftur hesa ferð var Hjalgrím við í uppspælinum, tá hann varð sendur avstað frá miðjuni og Hjalgrím Elttør osaði av orku, og stríddist allan dystin á tamb. Klaksvískingurin átti eisini frálíka innleggið til rimmar málkjansin hjá Christian Lamhauge Holst Mynd: Jens Kristian Vang Cassano skoraði avgerandi málið tíðliga í dystinum. Føroysku leikararnir vildu hava linjuverjan at veitra fyri rangstøðu, men málið stóð Mynd: Jens Kristian Vang