mánadagur 12. september 2011síða 10

Mánadagur 12. september 2011 · Nr. 105 10 Sosialurin Javnaðarflokkurin vil hava lægri inntøkukrav Vilmund Jacobsen Tað er eftir øllum at døma ikki fallið í góða jørð hjá Javnaðar­flokkinum, at lands­ stýrismaðurin í fiskivinnu­ málum, Johan Dahl, hevur hert treytirnar hjá útróðrar­ monnum í bólki 5 A. Í samtykt, sum flokkurin hevur gjørt á landsstevnu í vikuskiftinum, sigur flokkurin seg ikki taka undir við broytingunum, sum herða munandi um krøvini fyri at vera roknaður sum fullrikin útróðrarmaður. - Nýggja treytin um inn­ tøku á 400.000 krónur er alt ov ógvuslig, og vit krevja, at inntøkumarkið alt fyri eitt verður lækkað, sum lands­stýrismaðurin áður hevur givið tilsøgn um, sigur Javn­aðar­flokkurin í landsfundarsamtyktini. Einki lyfti Johan Dahl, landsstýris­ maður í fiskivinnumálum, sigur í stuttari viðmerking við Sosialin í morgun, at hann hevur eingi lyfti givið Javn­ aðarflokkinum um at broyta ásetta inntøkumarkið. - Eg havi eingi lyfti givið, men eg havi lovað at kanna viður­skiftini, sigur lands­ stýrismaðurin. Tá Sosialurin hevði Johan Dahl í telefonini í morgun, sat hann á landsstýrisfundi og hevði tí ikki møguleikar at gera nærri viðmerkingar til hetta mál, sum vit ætlandi fara at venda aftur til í blaðnum mikudagin, og sum Javnaðarflokkurin nú eisini hevur við í síni landsfundarsamtykt. vilmund@sosialurin.fo Vimund Jacobsen Kári P. Højgaard sigur, at broytingin, sum Johan Dahl, landsstýrismaður, hevur sett í verk við, rættiliga er við til at kuppa høvdið av snelluveiðini hjá útróðrarmonnum í bólki 5 A. Hann sigur, at áður vóru krøvini fyri at vera fullrikin útróðrarmaður í bólki 5 A, at viðkomandi ikki hevði inntøku úr aðrari vinnu oman fyri 50.000 krónur. Haraftrat var galdandi, at útróðrarmaður skuldi hava avreitt góð 80 tons – ella hava eina inntøku frá útróðri á stívliga 80.000 krónur. - Nú hevur landsstýris­ maðurin í staðin sett eitt inntøkumark fyri bólk 5 A á 400.000 krónur, meðan krøvini um aðra inntøku eru slept. Hetta kann merkja, at ein maður, sum hevur gott starv og nógva frítíð, saktans kann røkka inntøku­ markinum á 400.000 krónur og soleiðis vera fullrikin útróðrarmaður í bólki 5 A - við síðuna av sínum fasta starvi. Hetta kann ein maður, sum kanska siglir undir NIS, DIS ella FAS gera, samstundis sum ein snellumaður, sum bara hevur útróður at liva av, ikki megnar inntøkumarkið í bólki 5 A. Veksandi veiðitrýst Kári P. Højgaard heldur, at skipanin, soleiðis sum lands­ stýrismaðurin, Johan Dahl, nú hevur gjørt av, fjálgar um tey vælbjargaðu, sum kunnu hava fleiri bein at gnaga, sam­stundis sum hon tekur breyðið úr munninum á teimum, sum bara hava útróðurin at liva av. - Alt bendir eisini á, at nýggja skipanini fer at veksa um veiðitrýstið, sam­ stundis sum krøvini um inntøku­mark eru herd, sigur løgtingsmaðurin. vilmund@sosialurin.fo Útróður fyri tey vælbjargaðu - Vit taka ikki undir við broytingunum hjá landsstýrismanninum í fiskivinnumálum um skerpaðar treytir fyri fiskiloyvi í bólki 5 A. Inntøkukravið er alt ov ógvusligt, sigur Javnaðarflokkurin í samtykt, sum flokkurin hevur gjørt á landsstevnu – Eg havi einki lyfti givið, men havi lovað at kanna viðurskiftini, sigur Johan Dahl, landsstýrismaður Kári P. Højgaard, løgtingsmaður, sum hevur verið ein av heitastu talsmonnum hjá útróðrarmonnum, heldur lítið um øktu krøvini hjá Johan Dahl, landsstýrismanni. – Nú eru tað teir vælbjargaðu, sum hava bestu umstøðurnar, sigur løgtingsmaðurin Inntøkukravið í bólki 5 A fjálgar um tey vælbjargaðu, sum kunnu hava fleiri bein at gnaga, samstundis sum kravið tekur breyðið úr munninum á teimum, sum bara hava útróðurin at liva av, sigur Kári P. Højgaard EINKI LYFTI Tað var Jóannes Eidesgaard, sum á landsstevnu í vikuskiftinum vísti á, at Johan Dahl hevur givið tilsøgn um, at inntøkumarkið hjá útróðrarmonnum í bólki 5 A verður lækkað Mynd: Áki Bertholdsen TILSØGN